ملاحظات بسيطة على لقاء الحوت مع الجيش

[ابو بشار الحطيني]

اريد ان اذكر من خلال رؤيتي المتواضعة بعض الملاحظات على مباراة حوتنا مع الجيش:ان سبب تعادلنا اليوم يعود الى بعض الامور التي الخصها بما يلي:1-سوء الحظ الذي لازم الفريق في مباراة اليوم 2-الثقة الزائدة نوعا ما عند بعض اللاعبين بعد الفوز على القرداحة 3-حاجة الفريق الماسة الى مهاجم قناص خطير لا يضيع الفرص امام مرمى الخصم 4-اخراج احد اللاعبين المهاجمين في الشوط الثاني و اللعب بمهاجم قناص واحد وهذا التبديل من وجهة نظري( بغض النظر عن المستوى الضعيف لجمعة عباس )وعدم وجود البديل المناسب يضعف من احتمالات الفوز بالمباراة امام دفاع قوي كدفاع الجيش الذي يحتاج الى اثنين من المهاجمين الهدافين لتحقيق الفوز على الجيش 4-اخراج اللاعب المميز المغربي عزيم (ما لم يكن مصاب) والذي شكل بكراته الكثير من التهديد على مرمى الخصم .....و الملفت للنظر في مباراة اليوم 1- قلة الحضور الجماهيري الذي كان من المتوقع حضوره بشكل اكبر بعد تحقيقنا للفوز في المباراة السابقة 2-غياب معظم اعضاء الادارة و اقتصر الحضور على اثنين من الاعضاء فقط 3-تواجد المدرب مروان خوري في السدة الرئيسية لمتابعة المباراة (لا نعلم اذا تمت دعوته من قبل ادارة حطين او الجيش لتدريب احد الفريقين في المستقبل القريب علما انه حاليا يعمل كمدرب لفريق امية و تعرض لعقوبة حرمان من التدريب بسبب بعض المشاكل التي رافقت مباراة امية مع عفرين) .......... وبما اننا نتحدث عن المدربين انقل لكم خبر تعاقد المدرب احمد هواش مع نادي النواعير لتدريب فريق رجاله للموسم القادم...........اخيرا ان كل ما ذكرته عن اسباب تعادلنا مع الجيش هي عبارة عن وجهة نظر لا اقصد بها الاساءة لاحد و انما تنبع من حبي الشديد و غيرتي على حوتنا الذي اريد ان اراه قويا متعافى منافسا قويا على صدارة الترتيب في المواسم القادمة لا على المنافسة من الهروب من شبح الهبوط.و لكم تحياتي.

[Kh@led]

بحب عقب على نقطة خط الهجوم ..و وجود لاعب او اتنين ..
اذا لاحظت ..بالشوط الاول ..ما في ولا هجمة خطرة للفريق ..و كان جمعة عالة على الفريق .. لا تمريرة صح ..و لا شوطة ..و لا حتى تمركز... و اذا بتلاحظ بالشوط التاني .. بتدخيل الحاج محمد ..تكثف الوسط عنا .. و امتلكنا الملعب تقريبا ..و صار في اكتر من فرصة محققة .. سواء العارضة او الطابة يلي انشالت من على الخط او شوطة العابدين ....

و رح اعطيك مثال : ما بعرف اذا حضرت الميلان و بايرن ميونخ .. على الرغم من انو الميلان عم يلعب بمهاجم واحد و البايرن بمهاجمين .. بتلاحظ انو الميلان اتسيد الملعب ..و صحتلو فرص اكتر و ا خطر بكتير من بايرن ميونخ..

[ابو بشار الحطيني]

اخي خالد انا اؤيدك في ان مستوى العباس سيئ جدا ولم يظهر بمستواه الطبيعي كما في الموسم الماضي. ولكن اعود و اؤكد في ظل وجود دفاع قوي كدفاع الجيش و تميز حارسه فان الفوز عليه لن ياتي الا من وجود هداف قناص كعارف الاغا او من خلال تسديدة بعيدة من احدى اللاعبين.

[Kh@led]

ما اشبه اليوم بالامس .. متل ما صار مع محمود مجيد .. اول موسم هداف .. الموسم التاني صفر على الشمال

[hutteen my love]

للاسف من كان وراء التعاقد مع جمعة أثبت أنه كان يسمسر من ورائه لأن الجمعة مع احترامي له كهداف الموسم الماضي ولكن بقي سنة دون تدريب ودون لعب

[ابو بشار الحطيني]

يا جماعة انا من رايكم و لكن من الضروري جدا بعد نهاية الموسم اعادة النظر في كل الامور المتعلقة بفريق الرجال على صعيد الجهاز الفني و اللاعبين و التعاقدات لاننا للموسم الثالث على التوالي نعاني من ازمة الهبوط ............اعتقد انه حان الوقت لبناء فريق قوي منافس على الصدارة في الموسم القادم لكي يعود حطين و تعود جماهيره الكبيرة.

[فاروق ابن البحر]

انا مع الاخ خالد بكلامو انو ما شرط نلعب بمهاجمين او تلاتة لانو وقت بكون خط الوسط قوي وما سك نص الملعب منيح بكون عنا فرصة لصناعة فرص خطرة وتهديد اكبر لمرمى الخصم

[أبو هشام الحطيني]

ممكن نلعب بالبيازيد رأس حربة و ننسى كل البائي لأنن بصراحة بدون خبرة (الكل) و نركز عالجهمات المرتدة متل ايام زمان

[Saeedoo]

أنا مارح ناقش بالأمور التكتيكية لأني ما حضرت اللعبة


بس عجبني كتير تحليل الأخ أبو بشار ومناقشتو للنقاط

بنبسط كتير لما بشوف أعضاءنا عميناقشو ويحللوا المباريات بشكل موضوعي ومدروس

الله يعطيكم العافية جميعا"

[Saeedoo]

أرسل أصلا بواسطة أبو هشام الحطيني

ممكن نلعب بالبيازيد رأس حربة و ننسى كل البائي لأنن بصراحة بدون خبرة (الكل) و نركز عالجهمات المرتدة متل ايام زمان

والله يا أبو هشام برأيي صعب هلق تلعب بالسيد لحالو هجمات مرتدة

لأنو السيد مابقى سريع متل قبل إيام بلدوزر حطين ...بضل قناص وهداف كبير ..بس ما بقى بيملك سرعة الانطلاق الكبيرة متل أول ليلعب عالمرتدات

[basharo13]

والله العظيم جريمة لانو اطلعنا متعادلين مبارح امام فريق عادي جدا بس الله سبحانه نجى الجيش من بهدلة بارض الملعب

[BaTiGoAl]

برأيي
الفريق بغض النظر عن كلامك السليم اخي ابو بشار
بس فعلا من وجهة نظري كنا منحتاج لراس حربة تاني بخروج جمعة يا شباب بصراحة فريقنا بيعاني ببطئ بالهجمة المرتدة معناها هادا الشي بيحتم علينا نعتمد عالاطراف...وبها الحالة يعني بحاجة لمين يستقبل الكرات المرفوعة من وجهة نظري لاعب واحد داخل ال16 اكيد صعب هو اللي يستقبل الكرة بوجود 4 او 5 دفاع
بس للاسف جمعة عباس ما فينك تعتبرو الا عالة عالفريق
كان فيه خطة رائعة اذا لاحظتها
وهي انو بالكرات المرفوعة يكون محمد فارس مع البيازيد جوا ال16 خاصة بعد ادخال سليم خضرة.. ليشغل محل الفارس بتصوري هاد افضل شي حطين بيعملو من الناحية التكتيكية
بصراحة يا شباب منحتاج لمهاجم حرك شاب سريع قناص .....
بدنا واحد افريقي
بتصور بحل القصة كلا..... لبين ما يطلع شي حدى من الشباب يكون ممتاز
واهم شي يكون بديل لجمعة عباس

[BaTiGoAl]

اصلا اللي زاعجني بانشيلوتي هو حركة 451......
احسن خطة للميلان هي
41212 او 4312
بس للاسف انشيلوتي ما عم يعرب يتصرف

[LIVERPOOL 22]

انا ادعوا بالتوفيق لجميع الاعبين والله يوفقن وسجلوا في مباراة الشرطة

[حمودة الحطيني]

كلنا شفنا انو العباس ليس بالمستوى المعهود ..... و لكن هذا الحال .....