شكر بسيط للكابتن ابو كف

نيدفيد الحطيني · #1 (**permalink**) 07/04/07, 03 :49 03:49:12 AM

مرحبا جميعا

بس حبيت من هل موضوع البسيط واللي هو عبارة عن موضوع شكر

انو نوجه تحية للكابت ابو كف على التغيير الكبير اللي صار بالفريق
صحي لسا ما فينا نحكم من مباراتين بس واضح الفرق بين المدربين " الحالي والسابق "

الكابتن اليوم ما هدي وما قعد وهو عم يوجه اللاعبين بعكس السابق اللي كان يبقى قاعد
وما فارقة معو.

وكابتن ابو كف بعد انتهاء المباراة شفناه كيف توجه عند كل لاعب وشجعو وعطاهم دفعة معنوية
كويسة قليل ما نشوف متلها

بالأخير شكرا كابتن عدنان وبتمنى من كل اللي بيشاركني الرأي يرسل شكرو من هل موقع
ومن هل موضوع لعلو بيوصل...

وشكرا للجميع

مهرتوو · #2 (**permalink**) 07/04/07, 04 :12 04:12:01 AM

اكيد كان المدرب نجم المبارة واكيد وحتى بتبديلاتة يلي ما عجبت بعض الجماهير بس الكل بيعرف ما باليد حيلة

فاروق ابن البحر · #3 (**permalink**) 07/04/07, 06 :29 06:29:24 AM

انا بايدك اخوي بكلامك وبشكر الكابتن عدنان يلي رجع الحوت للخط الصحيح وانشاء الله وضع الحوت رح يتحسن تدريجيا بالمباريات القادمة

أبو هشام الحطيني · #4 (**permalink**) 07/04/07, 08 :41 08:41:32 AM

لسا بكّير نحكم
ماشفنا هالنقلة النوعية باللعب
و لسا مشكلة العقم الهجومي كبيرة كتير و بدها حل

المشكلة انو الكابتن ابو كف استلم الفريق بحالة يرثى لها و الله يعينو على هالمهمة

Saeedoo · #5 (**permalink**) 07/04/07, 09 :00 09:00:26 AM

يسلمو إيديك يا حمودة يامزوق (من إيمت )

أنا مابقدر أحكم بشكل كبير عالفريق لأني ما شفتو
إن شاء الله في إحتمال كبير تكون لعبتنا الجاية منقولة ونشوفا ونتطمن

بس بقدر قول أنو في إنضباط أكبر بالملعب وفي تحسن واضح بالدفاع

اللي كان أكبر أزمة بالفريق من أول الدوري

بالتوفيق لكابتن عدنان وكل الشباب

الحوت المهاجر · #6 (**permalink**) 07/04/07, 09 :57 09:57:34 AM

الظاهر في تحسن في اداء الفريق وهالشي الواحد بحسه من ملاعبينا الخضراء لان كل ماانتقل للادئية بيقول المذيع حطين مسيطر وفي فرص وادار متماسك لدرجة ان كانت فرص الجيش نادرة وخصوصا ضاع النا عارضتين وبظن كانت التبديلات جيدة وخصوصا نزول الخضرة باخر 20 دقيقة وانا من دون ما شوف المباراة بس حسيت التبديل بخروج العزيم ومع وجود هشام وحاج محمد ان المدرب عمل تغير تكتكيك بمراكز اللاعبين وغير خطته لطريقة تاني اكثر احكاما على وسط الملعبان شاء الله المباريات الجاية بيكون فيها شي مباراة منقولة ومنحكم على اداء الفريقمشكور كابتن ابو فايز وكل الكادر واللاعبين

hutteen my love · #7 (**permalink**) 07/04/07, 11 :09 11:09:15 AM

بالتوفيق لأبوفايز يارب وصدقا نحن وقت اللي بنشوف أي شخص عم يشتغل بحب وولاء وصدق ونجاح للحوت من واجبنا أن نقف الى جانبه ونحمله على الأكتاف لأن نجاحه من نجاح حطين

basharo13 · #8 (**permalink**) 07/04/07, 01 :42 01:42:57 PM

الف شكر الك كبتن عدنان والله لمسنا تغيير بالفريق وانشالله بالقادمات بيكون احسن وبيوقف الحظ معنا ةلو لواحد بالمية36_1_11[1

hutteen love story · #9 (**permalink**) 07/04/07, 03 :13 03:13:09 PM

ان شاء الله ابو فايز بكون على قدر المسؤوليه وبيكفي انو نشكره لانه تحمل المسؤوليه بلحظات حرجه بالنادي

ahmad_hutteen · #10 (**permalink**) 07/04/07, 03 :14 03:14:46 PM

شكرا للكابتن ابو كف لهذا التحول الجزري الذي حصل لحوتنا فمن اضعف خط دفاع وكان يدخل في مرمانا في المباراة واحدة ثلاث اهداف مع الحرية و وحدة و المجد الى اقوى خط بالفريق من مباراتين لم يدخل ولاهدف ويعود الفضل لابو كف الذي وضع كل لاعب في مكانه فشاهدنا اللاعبين كيف يبدعون وكلنا شاهد كيف كان اللاعب ابو الريف عندما يضع غير مكانه في الهجوم لم يفلح وعندما وضع في مكانه الدفاع ابدع بمباراته مع الجيش وقطع اكثر من كرة فشكرا للكل وبتمنى ان يستمر الحوت منتصرا واحراز ثلاث نقاط على الشرطة وعدم استخفاف بالشرطة فهو يملك حارس صلب ليس من السهولة ان نسجل في مرماه

ahmad_hutteen · #11 (**permalink**) 07/04/07, 03 :38 03:38:54 PM

كلامك مية بالمية

عاشق الحوت الأزرق حسام · #12 (**permalink**) 07/04/07, 03 :51 03:51:51 PM

شكراً للمدرب عدنان أبوكف وبالتوفيق له في المباريات القادمة

SAHED · #13 (**permalink**) 07/04/07, 04 :43 04:43:28 PM

اقتباس:

أرسل أصلا بواسطة hutteen my love

بالتوفيق لأبوفايز يارب وصدقا نحن وقت اللي بنشوف أي شخص عم يشتغل بحب وولاء وصدق ونجاح للحوت من واجبنا أن نقف الى جانبه ونحمله على الأكتاف لأن نجاحه من نجاح حطين

36_1_11[1 36_1_11[1 36_1_11[1 36_1_11[1

abu marwan · #14 (**permalink**) 07/04/07, 10 :17 10:17:08 PM

خطة كويسة كتير وتبديلات بمحلها ...
الله يعطيك العافية كابتن ابو كف ..

ابو بشار الحطيني · #15 (**permalink**) 08/04/07, 02 :46 02:46:26 AM

اقول بالتوفيق للكابتن ابو فايز .بس انا كنت غير مقتنع بتبديل العزيم .

Bayren · #16 (**permalink**) 08/04/07, 03 :00 03:00:45 AM

ملاحظتك حلــــــوة

يعني التشجيع المعنوي حلو كتير

ليفربول22 · #17 (**permalink**) 09/04/07, 04 :58 04:58:24 AM

الله يعطيك العافية كابتن ابو فايز واحب منك ان تحبب جميع اللاعبين ببعضها ليكونوا كالاخوة في الملعب وخارج الملعب

حمودة الحطيني · #18 (**permalink**) 09/04/07, 11 :35 11:35:27 PM

اقتباس:

أرسل أصلا بواسطة نيدفيد الحطيني

مرحبا جميعا
بس حبيت من هل موضوع البسيط واللي هو عبارة عن موضوع شكر
انو نوجه تحية للكابت ابو كف على التغيير الكبير اللي صار بالفريق
صحي لسا ما فينا نحكم من مباراتين بس واضح الفرق بين المدربين " الحالي والسابق "
الكابتن اليوم ما هدي وما قعد وهو عم يوجه اللاعبين بعكس السابق اللي كان يبقى قاعد
وما فارقة معو.
وكابتن ابو كف بعد انتهاء المباراة شفناه كيف توجه عند كل لاعب وشجعو وعطاهم دفعة معنوية
كويسة قليل ما نشوف متلها
بالأخير شكرا كابتن عدنان وبتمنى من كل اللي بيشاركني الرأي يرسل شكرو من هل موقع
ومن هل موضوع لعلو بيوصل...
وشكرا للجميع

طبعا مشكور السيد ابو كف على جهوده و جهود اللاعبين .... بس للاسف انا ما شفت تغيير ابدا

بس كان التغيير في اللاعبين لأنهم هم ارادو ان يفوزوا .... فقط لا غير و كذلك التبديلات كانت غير موفقة معو ......

و انا اسف على صراحتي .... بس الحقيقة تقال ....

مشكورين جميع المعنيين على الفريق

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات