عماد عيسى و دفاعنا في مباراة الجيش

[فاروق ابن البحر]

السلام عليكم اخواني الاعزاء

اثناء متابعتي لمباراة حطين والجيش لفت انتباهي التفاهم الكبير بخط دفاعنا وقطع الكرات الجيشاوية بدأ من منتصف الملعب وبعض الكرات السهلة يلي كانت توصل للمدافعين
وهون رح تلاحظو هالشي من الارقام يلي رح تقروها عن عدد المرات يلي لمس فيها عماد عيسى الكرة خلال المباراة وكمان هادا الشي بدل على انو خطت 4-4-2 فيها فائدة كبيرة للفريق من الناحية الدفاعية

الشوط الاول

د17 اول لمس للكرة من قبل عماد عيسى لتنفيذ ركلة مرمى
د22 تنفيذ ركلة حرة بعد تسلل على الجيش
د23 من كرة مرفوعة من بعيد سهلة جدا على عماد عيسى
د23.5 كرة معكوسة من اليمين خفيفة وسهلة باحضان العيسى
د30.5 كرة مرتدة من الدفاع سهلة على عماد
د31.5 تنفيذ ركلة مرمى بعد كرة طائشة من لاعب الجيش
د33 تمريرة من لاعب الجيش لعماد عيسى
د45+2 كرة معادة من لاعب الجيش بعد اخراج عمار ياسين للكرة لمعالجة احد لاعبي الجيش

الشوط الثاني

د2.5 كرة معادة من الدفاع للحارس
د6.5 تنفيذ كرة حرة بعد خطأ من لاعب الجيش على مدافع حطين
د9 كرة جديدة ممرة من لاعب الجيش الى عماد عيسى
د10 كرة معادة من الدفاع
د11 ركلة مرمى
د16 كرة طويلة من منتصف الملعب تصل سهلة للحارس
د20 ركلة مرمى
د22.5 كرة ثابتة باحضان العيسى سهلة
د28.5 ركلة مرمى
د39.5 كرة راسية خفيفة من مهاجم الجيش
د40 تنفيذ ركلة ثابتة من تسلل على الجيش
د41 كرة معادة من الياسين

وبنلاحظ انو ما في اي كرة خطرة على مرمى حطين طول المباراة والفضل لخطة 4-4-2 وتالق لاعبي الوسط والدفاع بقطع جميع الكرات الجيشاوية قبل وصولها الى عماد عيسى

[شوماخر]

با هالحالة شولازم نعمل لنفوز يعني الحارس والدفاع ممتازين والبقية
اكمل

[BaTiGoAl]

منحتاج لقناص يا شباب
ما اكتر ولا اقل.....
بالفعل ولا هجمة كانت خطرة عالفريق

[الحوت المهاجر]

مشكور يا غالي والله تحليل جيد وكان واضح هالشي من خلال ملاعبنا الخضراء انو السيطرة حطينية والفرص حطينية لدرجة ما سمعنا ولا فرصة للجيش تقريبابس المهم بدنا هداف يعرف ينهي هالفرص الكتيرة يعني ناقصنا عارف الاغا ولازم بنفس الوقت نشتغل على الشباب الجدد الطالعين ومنهم عبدالله جمعة لان بظن ومن خلال عدد اهدافه انو مشروع هداف قدام بس بحاجة لاحتكاك وخبرة وثقة وياريت في نجربه بالكام مباراة القادمة وخصوصا بعد انتهاء دوري الشباب يطلعوا اللاعبين يلي بدهم يترفعوا السنة الجاية ويتجربوا بالدوري والكأس وهادا فرصى مهمة الهم للسنة الجايةمشكور احلى مراسل بالعاصمة كلها

[ليفربول22]

مشكور اخوي فاروق والله يعطيك العافية على الجهد وتحليلك على خط الدفاع والحارس وانشاء الله المباراة القادمة بتحلل عن الاهداف في مرمى الشرطة وبالتوفيق الك ولحطين في المباراة القادمة

[abu marwan]

بالضبط متل م قال الاخ باتيغول
ما ناقصنا الا قناص بالوقت الحالي ..

[حسون الحطيني]

يللي عاب فريقنا بمباراة الجيش عدم المقدرة على انهاء الهجمات يعني معظم هجمات فريقنا كانت عم تتكسر على حدود منطقة الجزاء
والدليل انو الثلاث عوارض كانت من تسديدات من خارج المنطقة

[حمودة الحطيني]

خير ان شاء الله

[حمودة الحطيني]

بس انا ما شفت تغييير و للصراحة .....

[hutteenvalencia]

هي أول مرة منلعب مباراتين بدون ماناكل كوال شي جميل

[نديم منلا]

شئ جميل عدم تعرض مرمانا لأي هدف خلال مبارتين متتاليتين بس بالمقابل سجلنا هدف واحد فقط ومتل ما قالو الشباب لازم اتمام الفريق بهداف جيد لحصد ثمار تألق دفاعنا وتتويجه بتألق هجومي والهجوم خير وسيلة للدفاع .

وشكرا خال على التحليل والفكرة الحلوة 36_1_11[1

[فاروق ابن البحر]

والله يا شباب في الي ملاحظة على هجومنا باللعبة يعني الفارس رغم امتلاكو لمهارات عالية بس كان كتير عم يحتفظ بالكرة وعم يتسبب بقطع عدة هجمات او عودة مدافعي الجيش وتمركزون بمنطقة الدفاع بالاضافة الى بطئ تحرك جمعة عباس وكمان السيد بيازيد كان عم يحتفظ بالطابة لياخد فاولات يعني في مرتين بدل ما يسدد على المرمى يرجع يحاور وهادا الشي ضيع علينا عدة هجمات كان ممكن تنتهي بالشكل الافضل