رسالة بالبريد العاجل لكل من أحب اغا الهدافيين

[أبو ناظم]

السلام عليكم

عند قرائتي و تحضيري لموضوعين و هما "اجنحة حطين الطائرة" و "حطين مباريات تاريخية" استوقفتني القوة الضاربة لهجوم حطين و ما شكلته من رعب حقيقي لأعتى خطوط الدفاع, استعدت بذاكرتي ذكريات جميلة طافت بمخيلتي فمن مباريات الاتحاد الى الكرامة الى تشرين الى الجيش العامل المشترك الوحيد هو السرعة الخاطفة لوسط حطين و الخطورة و الشهية الهجومية الكبيرة لخط الهجوم الحطيني:

حطين موسم 1997-1998 سجل 59 هدف بمعدل 2.3 هدف بالمباراة.
حطين موسم 1999-2000 سجل 48 هدف بمعدل 1.8 هدف بالمباراة.
حطين موسم 2001-2002 سجل 32 هدف بمعدل 1.8 هدف بالمباراة.
حطين موسم 2002-2003 سجل 45 هدف بمعدل 1.9 هدف بالمباراة.

و عندها تذكرت اسطورة حطين:

هداف موسم 1998 بـ27 هدفاً
هداف موسم 1997 بـ24 هدفاً
هداف موسم 2000 بـ21 هدفاً

و باذن الله هداف موسم 2006-2007

سجل أكثر من 160 هدف في الدوري و الكأس

الكثير من الفعل و القليل من القول: انه بلا شك اغا الهدافين

اعتقد انه قد ان الاوان ليعود الأسد المهاجر الى عرينه.

أود ومن خلال هذا الموضوع التوجه الى:

* ادارة نادي حطين المحترمة بالسعي و منذ الان لاعادة الأسد المهاجر ابو فريد الى عرينه ليكون السنة القادمة بين انصاره و احبابه ليدافع عن الوان النادي الذي عشقه و بادله جمهوره العشق.

* الى كل حطيني احب الاغا و يريد ان يرى الاغا بالابيض و الازرق السنة القادمة المصادقة على هذا الموضوع حتى تكون عريضة و مطلب جماهيري و ارجو من كل من يخالفنا الرأي اعتزال التعليق على هذا الموضوع لأنه و ببساطة موضوع محبي الاغا و المؤمنين بقدرته على العطاء و دعم النادي.

أعزائي محبي الاغا ارجو منكم توجيه رسالة الى كل من يهمه الامر باتخاذ كافة التدابير الممكنة لأسترداد طيرنا المهاجر سليم جبلاوي و أسد حطين الاغا

للأهمية و شكرا

أبو ناظم

[حطيني مغترب]

وانا اول واحد
بشار محمد سعيد حنونه
اصادق على كل كلمة قيلت واطالب بعودة عارف الاغا وسليم جبلاوي الى صفوف حطين

[نديم منلا]

مشكور أخي الكريم على غيرتك الحطينية و عسى تتحقق هالأمنية بالقريب العاجل

[مهند شاويش]

انا معك ابو ناظم عارف لحالو كان الو اكتر من 10000 مشجع يجو عالملعب ليحضروا عارف بس
ابو ناظم اذكر اهداف عارف بالتفصيل بكل موسم لعبو بالدوري السوري خلي الناس كلها تعرف مين هوة عارف
في موسم جاب 11 والموسم الماضي مع الطليعة ما بعرف الرقم بالضبط
بس المهم انو الكل لازم يعرف انو اول 100 كول بالدوري السوري هي لعارف الآغا ولم ولن تتكرر والتاريخ سيشهد بذلك
آغا الهدافين

[الامير totti]

كلامك درر ابو ناظم .. جمهور حطين اكيد مع عودة ابو فريد وابو علي وجميع الحيتان اللي عم تلعب بالنوادي السورية المختلفة ... وان شاء الله السنة الجاي كل الحيتان المهاجرة بترجع لبيتها الحطيني الاصيل

[abu marwan]

يا عيني عليك يا ابو ناظم الموضوع اجا بوقتو
لان سمعت انو اداة نادي الطليعة عم تحاوره من هلق ..
وان شاء الله نكون نحنا السباقين ... باذن الله تعالى

[حسون الحطيني]

كلنا معك ويارب نشوف الاغا بحطين الموسم الجاية

[ahmad_hutteen]

انا معكون وبتمتى من الان نكتب على التوقيع عبارات تشجيعية لعودة الاغا متل توقيعي

[حطيني فقط]

السلام عليكم ورحمة الله وبركاته
مشكورين يا شباب على جهدكم جميعا وأخص بالذكر الأخ أبو ناظم على ما يتحفنا به من احصائيات وتحليلات وردود موضوعية حيادية.
كلنا مع عودة الشباب لناديهم بالسلامة وكلنا متأكدين أنو ما حدا فينو يزايد على حطينية الشباب بس الأهم انو ما يكونو طفشانين ومطلقين النادي طلقة بائنة كبرى بسبب المعاملة السابقة!!!! .
أضم صوتي لصوت الجميع و أرجو من الله أن يكون البعض ( بطل يبخ بدان البعض ) مشان يمشيه متل ما بدو ولن أزيد حرفا وفهمكم كفاية .
دمتم جميعا لحطين ودام حطين لنا
تصبحون على حطين

[عاشق الحوت الأزرق حسام]

مشكور أبو ناظم على الموضوع واضم صوتي لصوتك والله بتمنى أن يعود الطائران المهاجران عارف الآغا وسليم جبلاوي إلأى عشهما الأصلي وهو حطين و يا رب بنشوفهم مع حطين الموسم القادم

[حمودة الحطيني]

و انا معك ابو ناظم .........

كلنا بدنا الاغا .... و الجبلاوي ..... و جميع اعمدة حطين المهاجرة

[ابو بشار الحطيني]

وانا اطالب معكم بعودة جميع لاعبينا المتميزين في الاندية المختلفة الى ناديهم الام.ولكن الامر بيد الادارةالتي قد يصيبها بعض التغييرات في نهاية الموسم الحالي.

[أبو هشام الحطيني]

بدنا الآغا و الجبلاوي

و انا معكون بهالعريضة

و لازم نجمع اكبر عدد من الموقعين على هالعريضة لحتى تكون اقوى

[ابو البحر]

موضوع حساس وضروري
ليس غريبا عنك يا ابو ناظم الغالي
انا بضم صوتي لصوتكم
ابو فريد نحن ناطرينك وقلوبنا دايبة

[ليفربول22]

الله يحييك يا ابو ناظم الملك وبضم صرختي الك وكمان لازم كل اعضاء المنتدى والمشرفين وتحت اشراف ابو كمال محشية نصنع علم كبير جدا نكتب عليه ونطالب بعارف وسليم وزياد وجميع اللاعبين الذين خارج اسوار النادي وخصيصا في مباراة الطليعة يرفع العلم

[ابو الليل]

السلام عليكم

please you remembered hutteen always

[Bouji]

أخي الكريم أبو ناظم

عودة حيتاننا التي تسبح خارج مياه حطين الاقليمية بحاجة لما يشجعها على العودة عن طريق الادارة و الجميع

لذلك برأيي نطلب من الأخ خالد انو يقابل رئيس النادي و نشوف اذا فيه نية يرجعو عارف و سليم بالدوري الجاية .... لأنو كل كلامنا ما الو لزوم اذا ما بدأت الادارة من هلق مفاوضات العودة.

عندنا ما كتير الجمهور الو تأثير على الادارة و لو الها تأثير ما كان هاد هوة حال النادي.

و من كل قلبي بشاركك و بضم صوتي الك و بقول انو بيكفي غياب يا أبو فريد و يا أبو علي و يا أبو ماهر

ارجعوا و انقذوا حطين

[الحوت المهاجر]

مشكور اخ ابو ناظم على هادي المبادرة الحلوة والرائعة وانا بضم صوتي لصوتكم وبقول لعارف وسليم جمهوركم اشتاق لاهدافكم ولمساتكم السحرية والكل منتظركم بفارغ الصبر

[basharo13]

مشكور ابو ناظم على موضوعك وانشالله الادارة تهز كتافها من الان وتباشر بالتعاقد مع الاغا وبقية المهاجرين

[أبو ناظم]

أرسل أصلا بواسطة italiano

انا معك ابو ناظم عارف لحالو كان الو اكتر من 10000 مشجع يجو عالملعب ليحضروا عارف بس
ابو ناظم اذكر اهداف عارف بالتفصيل بكل موسم لعبو بالدوري السوري خلي الناس كلها تعرف مين هوة عارف
في موسم جاب 11 والموسم الماضي مع الطليعة ما بعرف الرقم بالضبط
بس المهم انو الكل لازم يعرف انو اول 100 كول بالدوري السوري هي لعارف الآغا ولم ولن تتكرر والتاريخ سيشهد بذلك
آغا الهدافين

عراسي يا مميز

و الله يا مهند بالاضافة للي ذكرتو فوق عندي كمان:

موسم 06/07 سجل 14 هدف
موسم 05/06 سجل 9 أهداف
موسم 03/ 04 سجل 16 هدف

يعني 39 هدف بالاضافة الى الـ72 هدف المذكورين اعلاه بيصيرو: 111 هدف غير باقي المواسم و الكأس

فعلا قدم من ذهب يا ابو فريد