أعضاء تحت دائرة الأضواء (( Salahdin ))

SAHED · #1 (**permalink**) 11/04/07, 01 :01 01:01:47 PM

الفتى المدلل
(( المؤسسون ))

شاب هادئ بكل معنى الكلمة يدخل القلوب من أول لقاء ترا حب الحوت واضحا جدا في داخله . محبوب من قبل كل من يعرفه وهذا الحب ينبعث من الاخلاق العالية المنبعثة من هذا الإنسان . يسحرك بأفكاره وبإسلوب حديثه ويأخذك بعيدا بأفكار رائعة لا تحتاج سوى الدعم . حبه للحوت لا يقدر بكمية او حد فتراه العاشق للأزرق والذي لا يدخر جهدا كرامة لعيون الحوت . ومنذ إنطلاق الموقع وهو من الاعمدة الرئيسية في المنتدى والرقم إثنان في الموقع وكان ولا زال ومنذ اليوم الأول ركيزة اساسية لا يمكن الإستغناء عنها في منتديات موقع حطين الرياضي .
وطبعا الجدير بذكره إن ضيفنا هو إداري فريق ناشيئي سلة الحوت .
مواضيعه متنوعة وكثيرة ونراها على كافة الجهات والجبهات والاطراف والزوايا
ولكن مايلفت النظر فيها كثرة المواضيع المتعلقة بكرة السلة . وبالأخص اخبار سلة الحوت ونراه يتابع مبارايات الحوت في الملعب ولجميع الفئات ومن المشجعين القلة لهذه اللعبة .
نرا مواضيعه ايضا فيما يخص أخبار النادي وأخبار الكمبيوتر والصور والفيديو ولا ننساه من مواضيع (( قرارات من إدارة الموقع )) . 36_1_7[1].
ردوده مختصرة وكافية ووافية وتعببر عن الواقع بإيجاز .
وضيفنا اليوم رح يكون الأخ الغالي على قلوب الجميع :

(( SALAHDIN ))

وكالعادة رح اعطيكم شوية معلومات وعرفكن عن ضيفنا واكيد في النهاية الاسئلة رح تكون للجميع .

الإسم : صلاح الدين سهل قواف

العمر : 23

المؤهلات الدراسية : إدارة أعمال

العمل الحالي : في شركة ADA-it
((ada information technology )) 36_1_7[1]. 36_1_7[1].

انضم للمنتدى بتاريخ 6 / 3 / 2006 وطبعا هو قبل تأسيس الموقع

صاحب المركز الحادي عشر من حيث عدد المشاركات 1950 مشاركة حتى تاريخ 11 / 4 / 2007

أكثر مواضيعه ردودا

::::"""""المسابقة الشعرية """""::::

بـــ 182 ردا

باستثناء طبعا موضوع

إلى المتواجدين الآن """ دردش معنا """"""

الذي وصل الى حد ال 1424 رد و 4767 مشاهدة

ويسعدني ان أبدأ الاسئلة لصلاح وكالعادة أبدأ بالاسئلة التقليدية :

1 - الاسم الحقيقي وليش اخترت اسم SALAHDIN وشو بيعنيلك ؟

2 - من أنت ( بثلاثة اسطر ) أو أكثر ..؟

3 - كيف قررت الإنضمام لمنتدى حطين؟؟

4 - ماذا تعني لك الحياة ؟.

5 – طموحاتك وكيف تتمنى أن يكون مستقبلك ؟

تحية طيبة لك

SAHED

SALAHDIN · #2 (**permalink**) 11/04/07, 01 :30 01:30:59 PM

شكراً كتير كتير كيتير ساهد على هالمقدمة الحلوة كتير و إن شاء الله منرجع بجتمعك معك بس هالمرة بدبي

1 - الاسم الحقيقي وليش اخترت اسم SALAHDIN وشو بيعنيلك ؟
إسمي الحقيقي ذاكروا إنت بالمقدمة ( معقول إنت ترجع تسأل عنو

) أما ليش إختر إسم salahdin لأني بحب هالإسم كتير و بحس إنو في علاقة بين هالإسم وبين حطين طبعاً بيعنيلي كتير وبافتخر انا لأني بحمل إسم صلاح الدين الأيوبي

2 - من أنت ( بثلاثة اسطر ) أو أكثر ..؟
أنا إنسان رح يموت بأي لحظة , إجتماعي , بالي ما طويل بعصب فوراً بس بحاول إضبط حالي , بحب الجلوس مع عالم أكتر مني ثقافة و خبرة لأنهل منهم , وبطبعي صامت و قليل الكلام

3 - كيف قررت الإنضمام لمنتدى حطين؟؟
بقرار إداري من خالد

, طبعاً بيشرفني إني كون اول واحد بيعرف بفكرة خالد , إشتغلنا انا وياه بسرية لأني كنا عم نجرب تجربة والحمد لله هالتجربة نجحت ( برأي )

4 - ماذا تعني لك الحياة ؟.
الحياة تعني لي مزرعة يجب أن نزرع بها لنحصد في الدار الأخرة

5 – طموحاتك وكيف تتمنى أن يكون مستقبلك ؟

طموحاتي حالياً أعمل لإنجاز مشروع شخصي إذا نجح بيكون أول نجاح حقيقي إلي
برجع بتشكرك ساهد على هالمقدمة الحلوة

أبو ناظم · #3 (**permalink**) 11/04/07, 05 :05 05:05:54 PM

صلاح الدين قواف

أول شخصية تعرفت عليها بالمنتدى (عن طريق الماسنجر طبعا)

تحياتي الك و بحب اتشكرك كتير على جهدك الكبير بمجلة حطين بحب اسألك:

1. كيف طلعنا انا وياك قرايبين
2. شو بتعنيلك هالعبارة "ملاحظة : الصورة لاتعكس الواقع بس المصور مطلعني قرفان مدري ليش "
3. كلامي معك على الماسنجر عطاني فكرة عنك انك ممكن تخاطر هل هالشي صحيح و اذا نعم لأي درجة.
4. كيف بتتخيل و ضع نادي حطين السنة القادمة و كيف بتشوف الحل ليتحسن الوضع

juventini · #4 (**permalink**) 11/04/07, 05 :07 05:07:50 PM

شكراً ساهد على هالمقابلة الحلوة.. و أحلى شب صلاح وبتذكر إنو حكى معي قبل أيام من إنشاء موقع نادي حطين الغالي و حكالي عن المغامرة الجريئة (بهداك الوقت كانت بالفعل مغامرة بسبب فشل الموقع الحطيني السابق) و بالفعل ما شاء الله عليه و على الشباب المؤسسين كانوا قد الحمل.. أحلى صلاح و عقبال ما نلتقيك هون بالإمارات.. أول نجاح حقيقي إلك خي صلاحو هو إنجازاتك و نجاحاتك بهالموقع... الله يقويك يا رب..

الامير totti · #5 (**permalink**) 11/04/07, 08 :47 08:47:08 PM

احلا صلوحة بالعالم ...

صلاح ...

شو رايك بكرة السلة في النادي

نتالي · #6 (**permalink**) 11/04/07, 08 :56 08:56:11 PM

أهلا وسهلاً بالحكومـــــــــة ...........

يالله لنبلش بالأسئلة يااااااااااارب تعينا على الحكومة ياااااااارب ":"016

أولاًَ شكرا كتير كتير صلاح لدعمك إلنا ومساعدتك في قضايا حزبنا البناتي

*******

ذا فيرست كوستشن

ليه اخترت إدارة الأعمال ؟؟؟ ولا لأنه ماجمعت بالبكالوريا

2- أنا مابحب الأجوبة الملغمة أحكيلنا شو هذا الطموح الشخصي

واللي حايكون سبب نجاحك الأكبر يعني مو معقول مانعرف

3- كنت متوقع بيوم يزهرر المنتدى ويكتروا هالبنات

4-وين الأقسام البناتية الموعدين فيها ولا مابقى عدنا من ضمن المشاريع

5- عندك ثقة بالمجتمع الإلكتروني ككل ؟؟؟ مو بس منتدى وغيره

6- بتحب القراءة ( وشو أكتر كتاب قرأته وعجبك كتير )

7- بتحب فريق الكرامة

وزرت حمص شي مرة ولا لاء

واذا اي شو أكتر شي عجبك فيها

8- لو عطيتك مليونين ليرة مو مليون بس شو بتعمل فيهن ؟؟

9- اذا حبيت تتخانق مع شي حدا من الأعضاء مين بتختار

( بحس المشاكل بتعطي حركة )

10-آخر شي سؤالنا الذهبي ......

شو رأيك بالحزب البناتي

حطيني مغترب · #7 (**permalink**) 11/04/07, 09 :00 09:00:41 PM

صلاحوو يا صلاحوووو
شو بدي احكي عنك ما بعرف ...
للي ما بيعرف صلاح منيح فصلاح قواف هو احد اعمدة المنتدى وهو اكيد من المؤسسين
وصلاح اول واحد عرف بسر وجود الموقع الالكتروني لحطين بعد ما خبرو خالد عن نيته انشاء الموقع وابو الصلح اشرف على تصميم الغرافيك الخاص بالموقع يلي عم تشوفوه حاليا
شي هادئ جدا وطيب القلب كتيييير اكتر ما بتتصورو وكان من اوائل الناس الي تعرفت عليهم عالمسنجر وكنا دائما نعمل جلسات مغلقة انا وياه ونتناقش ب امور النادي والمنتدى وكتيييير عذبتو معي وكنت لما احتاج اي شي اطلب منو بشكل مباشر هو و مصطفى نور الله
والله بيشهد بحياتو ما رفضلي طلب
وكان يستشيرني كتير
ابو صليح مشتاقلك كتير وخلينا نشوفك عالمسنجر
وشايلك كام سؤال للاخير
تحياتي

فاروق ابن البحر · #8 (**permalink**) 12/04/07, 02 :15 02:15:11 AM

الاخ صلاح الغالي هلئ ما خاطر عبالي غير سؤال واحد وهادا السؤال بدي اسالوا لكل الاعضاء بدك تجي علعبة الشرطة ولا لأ

وتحياتي الك واكيد في اسئلة كتيييييييييير بس لتاخد نفس من اسئلة نتالي 36_1_21[1].*

Abu Ammar · #9 (**permalink**) 12/04/07, 04 :45 04:45:19 AM

والله صلاح عضو غني عن التعريف ..وهو أول واحد رحب فيني بالمنتدى..والتصاميم اللي بيعملها كتيير حلوة....ومافيني قول غير الله يعطيك العافية على جهودك..

نوار مالك مجبور · #10 (**permalink**) 12/04/07, 05 :58 05:58:09 AM

أخوي صلاح قواف

او رفيق صلاح كما احب ان اناديك

اقولها امامك

وأمام الجميع

لو ان ربع شباب محافظة اللادئية

متل صلاح قواف

واحمد طلال راعي

لسميت اللادئية

بالمدينة الفاضلة

:::::::::::::::::::::::::::::::::::

سؤال واحد بـــــــــــــــــس

بعد مرور 44 عام على تأســيس الحزب العظيم

حزب البعث العربي الاشتراكي

هل برأيك نجح هذا المشوار ام لا

لا مكان لتراجع

الجواب اجباري وإلا .....

بتعرف الاجراءات

::::::::::::::::::::::::::::::::::::::::::

ابو النور

SALAHDIN · #11 (**permalink**) 12/04/07, 01 :11 01:11:37 PM

اقتباس:

أرسل أصلا بواسطة أبو ناظم

1. كيف طلعنا انا وياك قرايبين
والله بيشرفني كون قرايبك صحيح القربة بعيدة

بس المهم تقارب الأفكار

2. شو بتعنيلك هالعبارة "ملاحظة : الصورة لاتعكس الواقع بس المصور مطلعني قرفان مدري ليش "

أول شي هاد سر من أسرار منتدى المشرفين

, هالجملة حطيتها وقت حطيت الصورة يلي حطها ساهد بمنتدى المشرفين

3. كلامي معك على الماسنجر عطاني فكرة عنك انك ممكن تخاطر هل هالشي صحيح و اذا نعم لأي درجة.
أجمل ما في الحياة المخاطرة , طبعاً تكون بحذر لأني الواحد وقت بيخاطر بتكون نسبة الفشل أكبر من نسبة النجاح من طبعي بحب المخاطرة لأني وقت بينجح فيها الواحد بيكون طعم نجاجه أكبر من النجاح العادي

4. كيف بتتخيل و ضع نادي حطين السنة القادمة و كيف بتشوف الحل ليتحسن الوضع
بتوقع السنة الجاية يكون الوضع متل وضع هالسنة أو أحسن بشوي , الحل ليتحسن الوضع هو هدم النادي و إعادة البناء من أول وجديد يعني نبلش من الصفر ونكرر التجربة الناجحة يلي سواها بشار سرور ونعممها على كل فرق القواعد

شكراً كتير على أسئلتك أبو ناظم و إن شاء الله بتحقق مرادك ضمن حياتك وبتحقق الشغل يلي عم تشتغله بالموقع
36_1_11[1

SALAHDIN · #12 (**permalink**) 12/04/07, 01 :15 01:15:34 PM

اقتباس:

أرسل أصلا بواسطة juventini

شكراً ساهد على هالمقابلة الحلوة.. و أحلى شب صلاح وبتذكر إنو حكى معي قبل أيام من إنشاء موقع نادي حطين الغالي و حكالي عن المغامرة الجريئة (بهداك الوقت كانت بالفعل مغامرة بسبب فشل الموقع الحطيني السابق) و بالفعل ما شاء الله عليه و على الشباب المؤسسين كانوا قد الحمل.. أحلى صلاح و عقبال ما نلتقيك هون بالإمارات.. أول نجاح حقيقي إلك خي صلاحو هو إنجازاتك و نجاحاتك بهالموقع... الله يقويك يا رب..

شكراً كتير خي بدر , وإنت إلك فضل عالمنتدى بوقفتك معنا ببداية الإنشاء و تعتبر من الأعضاء المؤسسين , و إن شاء الله نلتقي بالإمارات أو بالادئية

36_1_11[1

SALAHDIN · #13 (**permalink**) 12/04/07, 01 :23 01:23:24 PM

اقتباس:

أرسل أصلا بواسطة توتي حطين

احلا صلوحة بالعالم ...

صلاح ...

شو رايك بكرة السلة في النادي

أهلين بأبو جعفر الغالي

بالنسبة لسلة النادي فهي سيئة جداً ولكنها تعتبر أفضل من الفترة السابقة
السلة في النادي لا يوجد لها تمويل ومع ذلك نرى نتائج جيدة تحقق , سيداتنا بقوا بالأولى و رجالنا قاب قوسين أو أدنى من الصعود لها , وقواعدنا بخير ولكن طموحنا هو أفضل من ذلك

مشكور على سؤالك أبو جعفر

SALAHDIN · #14 (**permalink**) 12/04/07, 01 :45 01:45:51 PM

بسم الله وعلى بركة الله نبدأ

اقتباس:

أرسل أصلا بواسطة نتالي

أولاًَ شكرا كتير كتير صلاح لدعمك إلنا ومساعدتك في قضايا حزبنا البناتي
أهلين نتالي ومساعدتي إلكم كانت نتيجة إيماني الكامل بقضاياكم وبحقكم في تحديد مصيركم و إيجاد هوية لكم

*******

ذا فيرست كوستشن

ليه اخترت إدارة الأعمال ؟؟؟ ولا لأنه ماجمعت بالبكالوريا

لأني ما جمعت بالبكالوريا

2- أنا مابحب الأجوبة الملغمة أحكيلنا شو هذا الطموح الشخصي

واللي حايكون سبب نجاحك الأكبر يعني مو معقول مانعرف

بما أنو ما بتحبي الأجوبة الملغمة فأغتذر عن الإجابة

3- كنت متوقع بيوم يزهرر المنتدى ويكتروا هالبنات

أي

هلأ كيف مارحنا بالمنتدى عم نشوف زهري , رح يصير " الزهري يغطي المنتدى "

4-وين الأقسام البناتية الموعدين فيها ولا مابقى عدنا من ضمن المشاريع

الوعود كانت بس للحملة الإنتخابية

يلي نجحت فيها , هلأ بدكم تشوفوا حدا تاني يوعدكم
لا والله جد , كان في فكرة متل هيك بس نحن منتدانا رياضي بالدرجة الأولى لذلك ما كتير عم نحب نبعده عن هالنقطة

5- عندك ثقة بالمجتمع الإلكتروني ككل ؟؟؟ مو بس منتدى وغيره
والله بصراحة حسب يعني الثقة بتتكون نتيجة قرب الناس من بعضها , يعني ما معقول أنا اليوم أحكي مع واحد عالنت إعطيه كل ثقتي و وبنفس الوقت منشوف كتير حالات ثقة متبادلة بين شخصين ويمكن تتطور مع الأيام وتصير صداقة حقيقية

6- بتحب القراءة ( وشو أكتر كتاب قرأته وعجبك كتير )
أي بحب القراءة بأوقات الفراغ

و أكتر كتاب عجبني هو " قوة الذكاء الإبداعي لطوني بوزان " وفي كتاب فكاهي إسمه شوربة الدجاج كمان معجب فيه

7- بتحب فريق الكرامة

وزرت حمص شي مرة ولا لاء

واذا اي شو أكتر شي عجبك فيها

طبعاً بحب فريق الكرامة و بعتبره النادي التاني بعد حطين , وانا زاير حمص كتير وفي زيارة قريبة يمكن لحمص و أكتر شي عجبني بحمص ناسها الطيبين بالإضافة لكريش

8- لو عطيتك مليونين ليرة مو مليون بس شو بتعمل فيهن ؟؟
بعمل مطعم وجبات سريعة على مبدأ ماكدونالد

9- اذا حبيت تتخانق مع شي حدا من الأعضاء مين بتختار

( بحس المشاكل بتعطي حركة )

سعيدوووووووووو لأني منتصالح فوراً

10-آخر شي سؤالنا الذهبي ......

شو رأيك بالحزب البناتي

زهرات هالمنتدى وبوجوده عطوا رائحة حلوة للمنتدى

مشكورة نتالي على أسئلتك و بالتوفيق إن اشاء الله بحياتك

SALAHDIN · #15 (**permalink**) 12/04/07, 01 :52 01:52:02 PM

اقتباس:

أرسل أصلا بواسطة حطيني مغترب.

ابو صليح مشتاقلك كتير وخلينا نشوفك عالمسنجر
وشايلك كام سؤال للاخير
تحياتي

أحلى أبو سعيد والله

والله هالفترة ما كتير عم إدخل عالمسنجر , بانتظار أسئلتك

SALAHDIN · #16 (**permalink**) 12/04/07, 01 :54 01:54:57 PM

اقتباس:

أرسل أصلا بواسطة فاروق ابن البحر

الاخ صلاح الغالي هلئ ما خاطر عبالي غير سؤال واحد وهادا السؤال بدي اسالوا لكل الاعضاء بدك تجي علعبة الشرطة ولا لأ

وتحياتي الك واكيد في اسئلة كتيييييييييير بس لتاخد نفس من اسئلة نتالي 36_1_21[1].*

للأسف ما رح إجي بس رح كون معكم بالدعاء و بانتظار مفاجأتك 36_1_11[1

وشكراً كتير لأنك راعيت مشاعري

وانا خلصت من أسئلة نتالي

SALAHDIN · #17 (**permalink**) 12/04/07, 01 :57 01:57:02 PM

اقتباس:

أرسل أصلا بواسطة Abu Ammar

والله صلاح عضو غني عن التعريف ..وهو أول واحد رحب فيني بالمنتدى..والتصاميم اللي بيعملها كتيير حلوة....ومافيني قول غير الله يعطيك العافية على جهودك..

أهلا عبودة , والله يعطيك العافية على الكوال يلي حطيتها معنا على فريق أبو النور لأني لو ماهيك كنا تبهدلنا أكتر ":hl

SALAHDIN · #18 (**permalink**) 12/04/07, 02 :04 02:04:20 PM

اقتباس:

أخوي صلاح قواف

او رفيق صلاح كما احب ان اناديك

اقولها امامك

وأمام الجميع

لو ان ربع شباب محافظة اللادئية

متل صلاح قواف

واحمد طلال راعي

لسميت اللادئية

بالمدينة الفاضلة

أحلى أبو النور

والله شهادتك فيني وسام إلي بفتخر فيه , و إنك حطيت إسمي مع إسم أبو طلال هي كمان فخر كبير إلي

اقتباس:

أرسل أصلا بواسطة نوار مجبور/أبو النور/

:::::::::::::::::::::::::::::::::::

سؤال واحد بـــــــــــــــــس

بعد مرور 44 عام على تأســيس الحزب العظيم

حزب البعث العربي الاشتراكي

هل برأيك نجح هذا المشوار ام لا

لا مكان لتراجع

الجواب اجباري وإلا .....

بتعرف الاجراءات

::::::::::::::::::::::::::::::::::::::::::

ابو النور

ولو اتيت وسئلتني بعد 88 عام نفس السؤال سيكون جوابي واحد (( مشوار الألف ميل يبدأ بخطوة . والخطوة الأولى كانت ناجحة بمجرد التفكير بها فكيف بعد 44 عام من العطاء . حزبنا عظيم قيادة وجماهير ولا كلمة تعلوا فوق كلمته ))

الامير totti · #19 (**permalink**) 12/04/07, 05 :18 05:18:49 PM

صلاح كرة السلة في حطين ... هل ياتيها دعم مادي معقول .... وهل في نية ادارة الفريق التفكير جديا في واقع السلة ونظام الاحتراف الي صار من ركائز كرة السلة السورية

ابو البحر · #20 (**permalink**) 12/04/07, 07 :39 07:39:30 PM

الاخ ساهد مشكور كتير على مجهودك الرائع والله يبارك فيك يا رب
الاخ الغالي صلاح
منذ بدايتي بالمنتدى كان اول شخص على صعيد الادارة اتعرف عليه واكثر شيء لفت نظري بشخصيته الود والاحترام وتقبل اراء الاخرين بكل روح
شخص افضل ان اسميه وكما يحلو لي الاب الروحي للموقع
انسان كبير مثقف وواعي ويقدر جهود الاخرين
احببت فيه طيبة قلبه والجانب الديني الطاغي على شخصيته بشكل كبير
استاذا الغالي احييك من كل قلبي وعندي بعض الاسئلة
اولا انا بعيد كثيرا عن لعبة كرة السلة ولكن احب ان اعرف منك ماهو مستقبل سلة حطين وهل تعتقد ان كرة السلة في النادي تلقى اهتماما من المعنين
ثانيا ماهي مواصفات الموقع التي تتمنى ان تكون مع الايام وهل هناك حواجز تمنع تطوير الموقع على الصعيد المادي والمعنوي
ثالثا لماذا يتعلق اسم البحر بفريق حطين بالذات رغم وجود اكثر من نادي في مدينة اللاذقية
رابعا هل انت انسان عاطفي لدرجة ان دموعك تنهمر على اي خبر مفرح او محزن
واخيرا بطاقة شكر لمن توجهها بالموقع
تقبل تحياتي
اخوك ابو البحر

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات