يا جيش سيبنا بحالنا

[ahmad_hutteen]

رسالة الى نادي الجيش اقول لهم سيبونا بحالنا بقى والله عيب عليكم مابكفي اخذتولنا السيد وقت كان بعز ايامو وعطائو وراح لعندكم وكمان زياد شعبو راح واظن انه لن يرجع فإلى متى سوف تلاحقونا نحن نتعذب مع اللعيبة و نبرزهم وانتم بامولكم تاخذوهم وهاانتم الان تريدون اللاعب محمد فارس و اللاعب المهاري سليم خضرة بحجة الخدمة العسكرية اذهبوا عنا بلا رجعة يلي فينا بكفينا
ارجو من ادارة المنتدى عدم حذف الموضوع

[أبو ناظم]

و الله العظيم شي بيجلط

يعني الواحد بيتعذب على تنشئة اللاعب و بعدين بالغربال بيتغربلوا لعيبة الاندية و عالجيش رايحين

حرااااااااااااااااااااااااااااااااام

[Kh@led]

حبيب القلب .. اذا جيش رح ياخد محمد فارس .. فرح تكون العملية بملئ ارادة الفارس .. لانو هل السنة بيخلص عقدو مع الفريق ..و هو حر لينتقل لاي فريق بدو.. يعني القصة ما بالاكراه ..

[ahmad_hutteen]

أرسل أصلا بواسطة Kh@led

حبيب القلب .. اذا جيش رح ياخد محمد فارس .. فرح تكون العملية بملئ ارادة الفارس .. لانو هل السنة بيخلص عقدو مع الفريق ..و هو حر لينتقل لاي فريق بدو.. يعني القصة ما بالاكراه ..

على عيني بس هم يكمشون محمد فارس من ايدو يلي بتوجعو يعني منشان الخدمة العسكرية فهمت كيف وهو اول ماقال اذا نادي حطين بفرغني من العسكرية انا رح ضل بحطين بينما اذا راح على الجيش بيلعب عالمرتاح وكمان نفس الشي مع سليم

[الحوت المهاجر]

ياشباب صدقوني لصالح اللاعب يلعب بفترة خدمته بفريق الجيش ولعدة اسباب اهمهابيرتاح من الجيش ووبمضي الخدمة فايف ستار رح يتطور مستواه مع فريق الجيش من خلال الاحتراف الصحيح بالفريق

[الحوت المهاجر]

واثباتا لكلامي شوف وضع سليم خضرة هلاء وشوف مستواه الي رح يتراجع شوي نظرا لقلة التدريب

[ahmad_hutteen]

أرسل أصلا بواسطة الحوت المهاجر

ياشباب صدقوني لصالح اللاعب يلعب بفترة خدمته بفريق الجيش ولعدة اسباب اهمهابيرتاح من الجيش ووبمضي الخدمة فايف ستار رح يتطور مستواه مع فريق الجيش من خلال الاحتراف الصحيح بالفريق

ما المشكلة انو يمكن او اكيد بعد مايخلص الخدمة انو مارح يرجع على حطين او يرجع ويكون خالص كازو متل زياد شعبو وينو هلق ومع تحياتي الشديدة للسيد فلعبوا وقت اكان مع الجيش غير لعبوا الان مع حطين

[باتيستوتا]

أرسل أصلا بواسطة boss

رسالة الى نادي الجيش اقول لهم سيبونا بحالنا بقى والله عيب عليكم مابكفي اخذتولنا السيد وقت كان بعز ايامو وعطائو وراح لعندكم وكمان زياد شعبو راح واظن انه لن يرجع فإلى متى سوف تلاحقونا نحن نتعذب مع اللعيبة و نبرزهم وانتم بامولكم تاخذوهم وهاانتم الان تريدون اللاعب محمد فارس و اللاعب المهاري سليم خضرة بحجة الخدمة العسكرية اذهبوا عنا بلا رجعة يلي فينابكفينا
ارجو من ادارة المنتدى عدم حذف الموضوع

وبحب ذكركم بلاعب منتخب العرب الخلوق كيفورك ماردكيان يلي اخدو فريق الجيش بقمة عطاؤه ورجعوا بعد 12 سنه خالص كازه ( هيدا فريق الجيش مصاص الدم سارق المواهب )

[ahmad_hutteen]

كلامك مية بالمية وبالعلامة كان وقتها حطين بالدرجة الثانية ولكن عشق الكابتن كيفورك للنادي حطين كان ليس له حدود كان يسافر من الشام الى اللاذقية ليلعب بنادي حطين وسجل العديد من الاهداف وهو يلي طلعوا عاالدرجة الاولى وكان يسجل اسم اخوه منشان ماحدا يحس عليه وكل هاد كان الجيش ماحاسس عليه والله كيفوك ملك بكل معنى الكلمة

[أبو هشام الحطيني]

لأ و المصيبة انو فريق الجيش ما عم يعمل شي بالسنوات الاخيرة
و هالقانون ما موجود بأي دولة من دول العالم ما عدا سوريا ؟؟؟؟؟؟؟؟؟؟!!!!!!!!!!!!!!

[Kh@led]

انا بشوف من حق نادي الجيش يفاوض اي لاعب بدو.. متلو متل اي نادي تاني ..و انا كون محل محمد فارس بنتقل للجيش مادام عسكريتي رح تتامن لانو الكل بيعرف شو معناة عسكرية بسوريا

[أحمد وزان]

أرسل أصلا بواسطة Kh@led

انا بشوف من حق نادي الجيش يفاوض اي لاعب بدو.. متلو متل اي نادي تاني ..و انا كون محل محمد فارس بنتقل للجيش مادام عسكريتي رح تتامن لانو الكل بيعرف شو معناة عسكرية بسوريا

شو معناة عسكرية بسوريا
؟؟؟؟؟؟
يعني مو شي عيب أو حرام أو شي مو طبيعي
يكون بعلمكون تكوين الرجال ما بكون غير بالعسكرية
سلمات

[Kh@led]

أرسل أصلا بواسطة حطيني-موت

شو معناة عسكرية بسوريا
؟؟؟؟؟؟
يعني مو شي عيب أو حرام أو شي مو طبيعي
يكون بعلمكون تكوين الرجال ما بكون غير بالعسكرية
سلمات

شكرا لتعريفك لمفهوم الرجولية....

[نوار مالك مجبور]

أرسل أصلا بواسطة حطيني-موت

شو معناة عسكرية بسوريا
؟؟؟؟؟؟
يعني مو شي عيب أو حرام أو شي مو طبيعي
يكون بعلمكون تكوين الرجال ما بكون غير بالعسكرية
سلمات

:::::::::::::::::::::::::::::::::::::

اخوي الغالي

خليك باوكرانيا مبسوط

ما احسن ما تفهمنا معنى العسكرية

::::::::::::::::::::::::::::::::::::::

ابو النور

[hutteen my love]

مصائب قوما عند قوم فوائد

[Saeedoo]

أخي الكريم ...
حاليا" صيعغة العلاقة بين الجيش والنوادي انتهت ...يعني إيام السيد

بس حاليا"

لما الجيش بيقدم عرض منيح للاعب ...أفضل بكتير من عرضو بناديه الأم
خصوصا"مع إعفاؤو من مصيبة العسكرية .. فمن حقو برأيي يبحث عن مصلحتو

وبرأيي
الكرة حاليا" بملعب الإدارة ...لا الفارس لا الجيش.

[الحوت المهاجر]

والله يلي بياكل العصي مو متل يلي بعدها

[فاروق ابن البحر]

انا مع انو يلعب محمد فارس مع الجيش اذا ما تفرغ لصالح حطين السنة الجاية مشان يستمر بالتدريب واللعب بشرط انو يوقع لمدة سنتين بس بدون اي تمديد

[YOUSEF..MS]

أرسل أصلا بواسطة boss

على عيني بس هم يكمشون محمد فارس من ايدو يلي بتوجعو يعني منشان الخدمة العسكرية فهمت كيف وهو اول ماقال اذا نادي حطين بفرغني من العسكرية انا رح ضل بحطين بينما اذا راح على الجيش بيلعب عالمرتاح وكمان نفس الشي مع سليم

وانت قلتها بتمك اذا نادي حطين بيفرغو من العسكرية ..
طيب لنفترض العكس :
اذا نادي حطين ما فرغه من العسكرية شو بيعمل بحالتو .. اكيد بدنا نخسرو وبدو يتراجع مستواه وبدها تنكسر معنوياته ...
فلذلك الافضل يروح على نادي الجيش ..

[ابو الليل]

السلام عليكم

متل ماقال خالد

الكرة الآن بملعب الفارس لأنو إذا حاطط براسو يروح عالجيش لح يروح إذا حطين بيعفيه من الخدمة وبيعطيه راتب 50.000

لانو اللآعب بس يمل من فريق بيحب يجدد صحيح مابيعرف شو مستقبلوا مع هالفريق بس التجربة أكبر برهان وبرأيي لا تلوموه