من اسبوعين تقريبا كان في بطولة كأس رئيس الدولة في الإمارات وكانت المباراة بين نادي الوصل ونادي العين وفاز نادي الوصل بنتيجة 4 /1 واحرز بطولة كأس رئيس الدولة . لكن قبل هالمباراة بإسبوع كان في مباراة ضمن نطاق الدوري بين نادي الوصل وفريق الشعب الاماراتي وخسر فريق الوصل بخمسة اهداف مقابل هدفين . يلي صار يوم هالمباراة وشفناه عالتلفزيون هون ويمكن انتوا شفتوه ما كنت متوقع اني شوفه .
لما حكم المباراة اعلن صافرة نهاية المباراة يلي خسرها الوصل بالخمسة اهداف مدرجات مشجعين فريق الوصل اشتعلت بالتشجيع وكأن فريقهم ربحان وضلوا يشجعوا لفترة طويلة ولما طلع الفريق من الملعب كانوا المشجعين ناطرينهم عند الحافلة يلي رح تاخد الفريق وكل المشجعين عمهللوا للفريق ويشجعوه ولا كأنهم خسروا بالخمسة . مذيع البرنامج عمل لقائات مع بعض المشجعين بعد المباراة وكانت كلمتهم وحدة .
صحيح اليوم خسرنا بالخمسة بس فريقنا عنده شي اهم الاسبوع القادم وعنده مباراة بطولة ولازم ما يحس انو جمهوره ابتعد عنه لمجرد خسارة مباراة بالدوري ولازم نكون معاه بالخسارة مثل ما كنا معاه بالفوز ومباراة الكأس اهم ولازم نعطي روح معنوية لفريقنا علشان يقدر يركز بمباراة الكأس .
وفعلا فريقهم كان على قدر الثقة واحرز البطولة وبنتيجة عريضة ستذكر كثيرا وكثيرا
خلاصة الحديث .
نحنا صح خسرنا مع الشرطة بالثلاثة وترتيبنا هالموسم رح يكون سيء بس لازم ما ننسا مباراة الاسبوع القادم مع الجار تشرين وهالمباراة بحد ذاتها تعد بطولة على زعامة اللاذقية بالذات ان مباراة الذهاب انتهت بالتعادل يعني هالموسم ما ضل عنا غير هالمباراة ممكن ان ترفع راسنا شوي لأنو سدئوني اذا خسرناها رح تكون الكارثة الكبرة بعد كل هالانتكاسات .
وحدوا صفوفكم وشجعوا فريقكم وارفعوا من معنوياته لعل وعسا يكونوا على ئد الثقة بمباراة الديربي الاسبوع القادم .
وفي النهاية تحية الى كل المخلصين .
14/04/07, 01 :25 01:25:38 PM
إلى كل حطيني أصيل وحدوا صفوفكم القادم أهم 
النمط الخطي
