أهذا هو الذي نعشقه ؟؟؟؟؟؟!!!

[Achilles OF Hutteen]

في البداية أنا طالب بكالوريا بألف علقة مع أهلي لحتى أدرت أحضر المباراة
ياشباب صدقوني كنت عم أبكي وأنا عم بحضر اللعبة
والله النزلة عالدرجة التانية أشرف من أنو نخسر مع الشرطة!! اللي ماكنا نرضا معون بأقل من 3 غوال
ثانيا : اول ما بلش الدوري وربحنا 3 لعب كل الشباب اللي بالمنتدى وقفوا مع الهواش وقالوا هادا الي بدو يرفع راسنا مع العلم أنو بفترة التحضير للدوري الشباب نفسن كانوا ضد الهواش
أما عندما بدأ الفريق بالعودة إلى الوضع الطبيعي الذي تعودنا عليه صار الهواش للكب جيبوا غيروا
ام أجانا الحوالي واربحنا أول مباراة مع الوثبة وألنا هادا هو اللي بدو يرجع حطين زمان أبو مباريتين
صار الحوالي اسوء شخص في الدنيا((ولست أدافع عنو) وحاليا يدرب الفريق المدرب مروان أبو كف فأرجو أن نقف مع هذا المدرب ونسانده ليحضر الفريق جيداً للموسم المقبل ونطلع من الدوري الحالي بشرف


1-أنا مبتعد عن النادي هذه الفترة ولكن هذه من وجهة نظري المتواضعة
2-رأي الأعضاء كثيراً متقلب
3-لا أدافع عن أي من المدربين ولكن استقرار المدرب يولد استقرار الفريق

بس رح حب زكر شو سوى عماد عيس بلعبة 3-2 مع تشرين وشو سوى مع المجد والشرطة
والله يحميه بلعب الجاية وهدوك يكونوا صدفة م أكتر


وعفواً عالإطالة

[hutteenvalencia]

المشكلة عنا أنو دائما النتائج أهم شي فزنا المدرب والأدارة بالعلالي اخسرنا الكل سيئ وتعبان بغض النظر عن الأداء والواقع

[حسن مكيس]

الأخ العزيز
تحية طيبة وبعد
عذرا من دموعك ودموع البقية عليك أن تتعلم البكاء للداخل مثل البعض أي أن لا تدعهم يرونك تبكي لآن هذا الأمر دليل ضعف في نظر الضعفاء
أما بالنسبة للثانوية فأنا أقولها لك كأخ أكبر منك لا يفيدك إلا شهادتك عليك أن تقوم بوضعها في المرتبة الأولى في سلم أولوياتك حتى لا تقع فيما وقعت فيه أنا من استهتار ارجع لدروسك في المرحلة الراهنة ولا تدع شيء يؤثر على دراستك حتى لا تندم ويكون الوقت قد فات واجعل الرياضة متنفس لك واراحة للأعصاب وعندما تتحول لغير ذلك اتركها لفترة الامتحان لاحق أما عن موضوع الأعضاء فلن أستطيع الاجابة لأني جديد في هذا الموقع الكريم
تصبحون على حطين

[Saeedoo]

أول شي أهلا وسهلا فيك ميشو بعد زمان ...وان شاء الله موفق بالبكالوريا ياغالي

تاني شي بدك تطول بالك ودعس على عواطفك خاصة أنت وعمتتابع حطين هالكام يوم ...للأسف اللاعبين مابقى عندهم حافز ولا حماس و صرنا متعودين عالخسارة جمهور ولاعبين وإدارة وكلو
بس بكل الأحوال مافي أسوأ من النزول للتانية وان شاء الله بحياتنا ما منشوف

تقلب أراء الأعضاء معك فيه 100% وهاد اللي كنت بصددو اليوم
أما الاستقرار التدريبي طبعا مطلوب ..الكابتن عدنان الله يعطيه عافية عميشتغل طاقتو وما بعتقده عليه لوم بالخسارة الأخبرة ...بالنسبة للموسم القادم لازم يكون مع مدرب جيد من كل النواحي ...ان شاء الله نتوفق السنة الجاية بمدرب ذو خبرة جيدة ليعمل نهضة وانتفاضة ضرورية بالفريق
ودير بالك عدراستك يا غالي

[LIVERPOOL 22]

والله العظيم يا شباب المشكلة عند اللاعبين فقط الانتماء فقط

[فاروق ابن البحر]

اخوي الغالي اول شي بحب قلك الله يوفقك بدراستك يا رب وانشاء الله بنشوفك من الناجحين بامتياز هي السنة
اما عن كلامك عن تقلب راي الاعضاء فانا معك بهادا الشي وانت بتعرف مشكلتنا مع العاطفة وجمهورنا العاطفي اما عن المدرب فانا براي الخاص انو الكابتن عدنان ما عليه اي لوم بالمباراة الاخيرة انما الحق على اللاعبين والحارس اولا واخيرا واللعيبة ابدا ما كانوا بوضعون الطبيعي باستناء تنين او تلاتة بالكتير
بتمنى تكون هي الخسارة درس للعيبة قبل المباراة المهمة مع تشرين لانو النتائج يلي عم تصير ابدا ما بصالحنا والفرق المهددة بلشت تشد حالها شوي وتزبط مبارياتها شوي يعني صار في علينا خطر بالمباريات الجاية والله يستر احسن شي



عشتم و عاش حطين

[شوماخر]

اللاعبين لايعرفون ماذا يريدون الله وأعلم ماذا برؤسهم لان المستوى على المزاج بس كان المزاج جاية بتفوز على برشلونة وبس مافي مزاج يقولون هذا الي عنا
بقا خليا على ربك ...ودير بالك على درسك وان شاء الله ما بصير الا الي بدو يا الله

[Achilles OF Hutteen]

شباب
يجب أن يبدأ التحضير للموسم القادم إعتبارا من المباريات المتبقية
اللعب لاعبي فريق الشباب أو بعض منهن لكي يكتسيوا الخبرة
إقامة معسكر للفريق

[SAHED]

أرسل أصلا بواسطة شوماخر

اللاعبين لايعرفون ماذا يريدون الله وأعلم ماذا برؤسهم لان المستوى على المزاج بس كان المزاج جاية بتفوز على برشلونة وبس مافي مزاج يقولون هذا الي عنا
بقا خليا على ربك ...ودير بالك على درسك وان شاء الله ما بصير الا الي بدو يا الله

طيب ارسولكن على شي بر هالنتائج بسبب المدرب ولا الإدارة ولا المزاجية من اللاعبين
المشكلة لحد هاللحظة مو ئادرين نتفئ على رأي واحد ولحد هاللحظة ما حدا ئادر يحط ايدوا على الجرح .
الوضع كتير إتأزم وصار بدو تدخل سريع وسريع جدا من المعنيين من القيادة الرياضية من المسؤولين الرياضيين .
يا يا عالم يا هو لما تكون هيك مشكلة بالوحدة بتلائي الجرايد انصبغت بالبرتقالي وكلوا بيحكي عن الوحدة والاتحاد كذلك الامر ولما تكون بالجيش بتلائي نص الجيش استنفر .
لك شو حطين مو نادي من سوريا ؟؟؟ لك فهمونا يا قيادتنا الرياضية اذا مو من سوريا لنروح نشوف شي اتحاد رياضي يتبنانا ويحل مشاكلنا شاطرين كلمتين بتحكوهم بالجرايد وكلمتين عالتلفزيون وخلص لك اشتغلوا بضميركم هي اذا كان ؟؟؟؟؟؟

[أبو هشام الحطيني]

بالتوفيق بامتحانات البكالوريا

[Achilles OF Hutteen]

أرسل أصلا بواسطة أبو هشام الحطيني

بالتوفيق بامتحانات البكالوريا

شكرا أخوي