ترتيب البيت الحطيني من الداخل في الأوليات

[حمودة الحطيني]

مرحبا شباب

أنا برأي لازم نتعاون و نشد على إيدين بعض و نغار على بعض و نساعد كل شخص بدو يفيدنا و كنحارب كل شخص بدو يضرنا ؟؟ مين نحنا انا عم احكي بصفة الجماعة نحنا ((( حطين )))


كلنا منحمل علم حطين كلنا منلفظ كلمة وحدة هي حطين كلنا منشجع فريق واحد هو حطين كلنا منغار على سمعة فريق هو حطين

و الله لما شفت الكرامة تأهل على الدور التاني بكيت و دعيت ربي انو نصير متلو و الله بكيت متل الاولاد الصغار من الفرحة و من القهر ؟؟؟

ليش لأنو بالنادي عنا هيدا بدو يطق برغي لهيدا و هيدا بدو يطق برغي لهداك منين بدنا نصير خلق و عالم ؟؟؟ من لا شيء بحياتنا ما منصي و للأسف !!!


بدعي كل واحد حطيني من الادارة لأصغر مشجع عنا بالنادي يراجع نفسو و يشيل كل شي مصلحة شخصية و يكبها و يساعد النادي شوي ... حاجة بقى حاجة نكبات


شبعنا نكبات يا شباب تعاونو لأسم حطين على شان يرجع بالصدارة و المنافسة

و اسف طولت عليكون بس قلبي محرووووووووووووق و نار ؟؟؟

[SALAHDIN]

مشكور حمودة

ويداً بيد ............ نعيد بناء حطين الغد

[abu kamal]

بإذن الله

أرسل أصلا بواسطة salah3747

مشكور حمودة
ويداً بيد ............ نعيد بناء حطين الغد

[نوار مالك مجبور]

أكلنا هوى عام 1948 النكبة
واكلنا ـ ــ ــ عام 1967 النكسة
جاء النصر عام 1973 ليش لانو نحن بادرنا ما بس بالكلام وبالفعل
إذا ما بدرنا على الادارة قولا وفعلا لن نرى الغد الجميل لحطين
أبو النور

[حمودة الحطيني]

شو نوار دخلتنا بالحرب

يا سلام عليك ذكرتنا بحرب اكتوبر و حرب حطين

[fayez]

إنشاء الله نصير إيد واحدة

[حمودة الحطيني]

انشاء الله يا شباب كلنا ايد وحدة بس الفعل أهم ؟؟؟؟؟؟؟؟؟؟؟؟؟

[نوار مالك مجبور]

آآآآآآآآآآآخ يا شباب شو بحب ناخد فرصتنا بمشاركة بشي حرب بابا شارك بحرب
يا ريت لو شارك
/وإن تنصروا الله ينصركم/
أبو النور

[حمودة الحطيني]

شو أبو النور بدك أتعلن الحرب شايف

[Khalil]

انشاء الله دائما من كون أيد وحدة

[BaTiGoAl]

طيب نحنا ايد وحدة ؟؟؟
فشو المقترحات ؟ حاليا؟
اكيد كلنا ايد وحدة فعلا لازم نعمل شي فعلي بدانا من النواحي الاقتصادية للنادي ما حدى نفذ يمكن ...؟
طيب عم نحكي نحنا وما في رد لايمت بنادي كل واحد قريب من البيت الحطيني قريب من ادارة حطين يخبرنا هلق شو شاغلهن ؟
غير كاس العالم ؟؟
معلشي لازم نتحرك بقا فعليا

[hutteen love story]

التحرك يكون بمبادره من الاداره لانو هي المسؤوله عن النادي 0يجب عليها جلب الفعاليات الاقتصاديه0أو انو تقدم استقالتها لفشلها في جلب الدعم المادي للنادي0او يدفعوا من جيوبهن اذا قادرين0عدم مجيئ الفعاليات الاقتصاديه يعني عدم ثقتهم بالاداره مع العلم انو الشباب تكلمو بان الفعاليات انسحبت بعد فتره من تقديم الدعم وهذا يدل على انهم دعموا الاداره في البدء0ولم يكن هناك نيه مبيته كم تكلم البعض

[BaTiGoAl]

طيب دامو هاد الكلام تتفضل اعضاء الادارة واحد منهن يرد ؟ شو المبرر ؟؟ وشو سبب عدم تنفيذ هالفعاليات ؟؟

أرسل أصلا بواسطة نوار مجبور/أبو النور/

جاء النصر عام 1973 ليش لانو نحن بادرنا ما بس بالكلام وبالفعل
أبو النور

أخوي أبو النور عن إنو نصر عمتحكي دخلك (ما عرفتو!)

[حمودة الحطيني]

شباب الحكي ما بفيد شي بس لازم نشتغل عن جد و جد منشان نطلع من هالازمة

[حمودة الحطيني]

نصر 73 شو وين التاريخ شبك استرنا الله يسترك

أيوا قلتلي

[عاشق حطين]

مستحيل أن نصل ننسى فيها طق البراغي ، لأن معظم شعبنا فاضي و راضي و لا يملك غلا التنظير و القاء المحاضرات بداعي و بدون داعي و بالنهاية نادينا الضحية الاولى و الاخيرة

[BaTiGoAl]

لا هلق وقت نتحرك دامو وقت استراحة وما في لعب يعني هلق لازم ناثر عالوضع واذا بلش الدوري ما عاد فينا نشتغل شي لانو بجوز تطلع باللعيبة وقتا ويتاثرو نفسيا ما نحنا انتظرنا الدوري ليخلص لنحكي وبكرا ببلش الدوري شو مننتظر للدوري اللي بعدو يعني؟ !! لايمت هيك

[الامير totti]

شباب ما بدي اخفض من عزيمتكن ...وانا بتمنى أنو نكون كلنا ايد وحدة ...
بس نحنا شو بنمثّل من جمهور حطين ..ولا شي ...بدنا وعي عند الجمهور الذي يمثل الاكثرية ....
بالتوفيق للحوت الغالي