:: خواطر بلا خاطر ::

[Kh@led]

في كم خاطرة براسي فحبيت شارككم فيها ..و رح تلاحظوا انو ما في فكرة مرتبطة بالتاني ..

1- بحب وجه تحية كبير ة لابوكمال على المجهود الكبير يلي قدمو خلال مسيرة فريق الشباب من خلال متابعتو لكل مباراة و تعريف الناس بفريق الشباب لاعب لاعب .. و لاول مرة هل السنة بعتقد من وقت ما فصلو الفئات عن بعضها صرنا بنعرف تقريبا كل لعيبة الشباب و حتى بالشكل كمان .. يعني لولا ابو كمال مين كان رح يسمع بعبدالله جمعة هداف الفريق بحوال 16 غول .. او بمحمود اليوسف او خليل حموي الخ......و بعتقد او متاكد انو فريق شباب حطين هو اكتر فريق شباب بسوريا حاز على تغطية اعلامية بواسطة ابو كمال ..و لولا بعد ملعب المدينة عن التجمع السكاني باللادقية لكنا شفنا عدد كبير من الجمهور عم يحضر اللعب ..
فلذلك الشكر واجب لابوكمال ...

2- عجبتني الفكرة التي بتقوم عليها اكاديمية اياكس امستردام بصناعة المواهب .. يلي عم تقدم حاليا مواهب كبيرة لعالم كرة القدم و خاصة الهولندية .. و حاليا بينعد ابراهمفيتش من ابرز اللاعبين بالعالم و يلي هو خريج هل الاكاديمية ..المهم برجع لموضوعي الاساسي .. كل فرق القواعد بالنادي بتعتمد على خطة موحدة حسب خطة الفريق الاساسي بالنادي .. يلي هو متل فريق الرجال عنا و بالتاكيد بيعتمدوا على خطة 4-4-2 ..و علل المسؤولين عن الاكاديمية سبب اتباع هل النهج ..منشان اذا كان الفريق الاساسي بالنادي يكون بحاجة لاي لاعب يقدر يستعين من فرق القواعد ..و بدون ما يكون في حاجة لاعادة تاهيل اللاعب من اجل التكيف بالخطة الجديدة للفريق الاساسي ..
فلو اخدنا نظرة على واقع القواعد عنا .... فمنشوف انو ما في اي تنسيق بين مدربين القواعد و مدرب فريق الرجال و حتى بعض الفترات بتلاقي خلاف بيناتون .. كل فئة بتلعب بخطة شكل .. و كل مرة بيترفع فيها لاعب بدو يرجع يتمرن من الصفر .. شو بدنا نحكي لنحكي ...

3- الخاطرة الاخيرة .. يلي ممكن اظلم فيها لاعبين .. بس يا ترى لاحظ معي الجميع مين الفرق يلي عم تنافس على الصدارة او الفرق يلي عم تنافس على الهبوط ..كون دورينا ما في حل وسط يا صدارة يا هبوط قليل ما نشوف فرق بتلعب دور الوسط ...
الكرامة و الاتحاد عم تنافس على الدوري من 3 مواسم او اكتر .. معظم اللاعبين بالفريقين بيملكوا عقود لا تقل عن 3 او 4 مواسم مع الفريق .. فبنلاحظ انو في استقرار باللاعبين قبل ما يكون الاستقرار الاداري و الفني يلي بندور عليه ..
اما ببقية الاندية و ما عدا الطليعة (يلي بينعد حالة استثنائية ) بنلاحظ من حطين انتو ماشين كل سنة بنتعاقد مع لاعبين جدد لمدة موسم واحد بس ..اللاعب بحاجة لفترة كبيرة ليتاقلم مع الحياة بالمحافظة الجديدة .. فلسا ما بيلحق يتاقلم .. يا بدور على عقد جديد و الدوري شغال .. ياما بيكفي الدوري كيف ما كان .. فهون خسرنا اللاعب ..و المصاري يلي عم تندفع على اللاعب .. قليل كتير شفنا لاعب من برا اللادقية نجح بحطين .. و المرة الوحيدة يلي اتوقع فيها اللاعبين على عقود طويلة الامل .. انحكى عن عملية تزوير بالعقود وقتها ..و اتحولت ل خمس سنين .. عم احكي على حطين حاليا .. بس فيني عممها على بقية الاندية يلي كل سنة عم تنافس على البقاء بالاضواء ..
اتصوروا حطين كل موسم بيخلص بيكون خالص معو عقد 20 لاعب بالفريق ؟؟؟؟ و هل الموسم رح ينضاف على اللاعبين الموقعين لمدة موسم السنة الماضي .. اركان مبيض و محمد فارس و مروان سيدة ..كون هل الموسم بتخلص عقودون .....
فلذلك في عشوائية كبيرة بالعمل بادارات الاندية المهددة .. و لو جابو زغالو ما بيخلصون من عقدة المنافسة على الهبوط...

و شكرا ..و اسف على الاطالة

[نوار مالك مجبور]

كلامك حلو و بمحلووووو

نشكر من شكرت

ونأكد على ما أكدت

مع اختلاف بسيط لا يذكر

::::::::::::::::::::::::::::::::::

ينقل الموضوع للمنتدى الأدبي

:::::::::::::::::::::::::::::::::

أبو النور

[ابو الليل]

السلام عليكم

والله يا خال هالموضوع وبدون مجاملة من أروع المواضيع لانو ضربت فيه على الوتر الحساس
يعني

1 المنهجية الضعيفة في أدارات الأندية
2- عدم معرفة تطبيق أ ب ت الأحتراف أي موضوع اللآعبين
3- عدم أتباع أساليب جديدة في الأندية من الناحية الأدارية وبلخصها أنو يكون النادي أسرة واحدة وهذا أضعف الإيمان في العمل المؤسساتي

أخيراً :

بطاقة حب ووفاء للجندي المجهول ( أبو كمال ) أسم من ذهب

[ليفربول22]

الاخ خالد انت طرحت جزء من المشكلة جميع اللاعبين في الاندية يعيشون حالة ضياع وعدم استقرار باستثناء الكرامة والاتحاد والجيش بغض النظر عن ترتيبه في ظل دوري المنحرفين وليس المحترفين فالاعب مابيعرف اذا كان بدوايوقع مع فريقه او مع اي فريق بفريق حطين مثلا في كل دوري يستغني عن كثير من اللاعبين لسبب كان او لاسباب انتقامية او لتصفية حسابات قديمة

[شوماخر]

عدم أتباع أساليب جديدة في الأندية من الناحية الأدارية وبلخصها أنو يكون النادي أسرة واحدة وهذا أضعف الإيمان في العمل المؤسساتي
صديقي خالد ...
1- انا مارح أقصد احد من الادارين بس الي رح قولو ان جميع الادارين بالنادي في مكان غير مكانها بالنسبة لتوزيع المهام ....مثلا اداري الاستثمارات شوي تاني رح يحطو مشرف كرة القدم ....وادارين تفرض مدربين في زمنهم كانو يجلسو على الخط ...بس المال يمكن يحول الجبس الى كرة قدم
2- المدربين كانوا قبل الهواش او بعد ابوكف ليس لديهم حرية التخطيط او تشكيل فريق لخوض مبارات ما ....
3- الاعبين قلة منهم يلعبون دفاعا عن القميص الذي يرتدونه...والباقي محسوب على اداري والثاني محسوب على مدرب والثالث محسوب على رئيس نادي ...ولاعب متحسس المدافع والمدافع مابدو الحارس .........حالة بدا الله

[La Balena]

مشكور ابو الخل

1- والله ابو كمال مافي منو واحلى حطيني والله يكثر من امثالو

2- كلامك صحيح ابو الخل ولو يصير عنا شوية تنسيق لتشوف حطين من احسن ما يكون

3- سبق وانا حكيت نفس الحكي ابو الخل يعني اغلب لاعبينا عقودهم مدتها بس سنة وحدة واي خلاف مع الادارة بيرحلو عن النادي ويادار مادخلك شر

واحلى ابو الخل والله

تحياتي الك

اخوك رضا

[حطيني مغترب]

بالنسبةللخاطرة الاولى انا بتفق معك مية بالمية ابو كمال اكبر من انو ينحكى عنو كلمتين او ينشكر وبصراحة وانا قلتلو ياها ياريت يكون في اتنين ابو كمال بس لنادينا مو اكتر

بالنسبة للخاطرة التانية هنن ويييييين ونحن ويييين ياخالد هالناس عندا منهجية بكلشي وعندا تخطيط وعندون ترابط يعني اللاعب عندون بيدخل صغير بيتمرن على نفس نهج الفريق الاساسي وبيتأهل بشي يسمى youth academy وهي موجوده بكل دول العالم ماعدا نحن
وبتشوفوا فورا نزل بمركزو بمجرد ما يترفع على الرجال بدون ما يلاقي اي صعوبه اما عنا بس طلعو واشلحو بالاحتياط شي سنتين تلاته بعدين لعبو واعتوب عليه وسبو وقلو وين كنت ايام دوري الشباب ووين صرت بعدين رد رجعو عالاحتياط هيك لحتى يطفش

الخاطرة التالتة مزبوطه والسبب قصر النفس عنا سواء بالادارة او بالمدرب او الجمهور
لك يا زلمه اذا مدرب ماعم نصبر عليه ربع موسم وعم نغير تلات اربع مرات بهالمدربين
اي كتر الف خيرون يلي صابرين على هاللعيبه موسم
نحن بالمباراة الوحدة ماعم نعرف الاستقرار بالتشكيلة لحتى نصير نعرف الاستقرار ب اللاعبين ولعدة مواسم

[hutteen my love]

اول شي بالفعل خالد متل ماحكينا مبارح أناوأنت أنوأبو كمال له الفضل الكبير بالهالة الأعلامية التي منحت وغطت فريق الشباب بالطبع كل الشكر له

تاني شي بالنسبة لأكادمية أياكس والتنسيق بين مدرب فريق الرجال ومدرب قواعد النادي هذه مسؤولية مشرف الألعاب الجماعية بالنادي ويجب تعيين مشرف فني لكرة القدم بالنادي على مستوى عالي يقوم بتنسيق هذه الأمور وأعتقد أنها مستحيلة أن تصبح في نادينا

تالت أمر طلع على لساننا نشعر ونحن نطالب بتجديد عقود اللاعبين كل موسم وعدم التجديد للاعب أبن النادي لأقل من 3 مواسم وللمحترف أقل من موسمين ولكن كل ادارة تسعى أنهاء وتفكير بموسم واحد فقط وبعدين بحلها الحلال

[ahmad_hutteen]

بس بتمنى نعتمد على فرق القواعد لانو هم عماد الفريق بالمستقبل

[نديم منلا]

السلام عليكم ..

كلنا منشكر الأخ أبو كمال على جهودو الكبيرة التي بذلها ولا يزال يبذلها لإغناء الموقع .

أهم فكرة النسبة عندي ثاني فكرة مسألة أياكس وفرق القواعد .
الأخ خالد أعطى أياكس تعريفه الصائب تماما فهو ليس نادي فقط بل أكاديمية بمعنى الكلمة لتخريج لاعبي كرة القدم .
وليس فقط إبراهيموفيتش بل قبله كثيرون أمثال : سيدورف و دافيدز والأخوين رونالد وفرانك دي بوير وكلويفرت وبركامب وحاليا ماكسويل و فان در فارت والكثير وجميعهم لعبو لفرق عالمية .
نحن لا نطالب بنفس السوية في أياكس فهي طبعا لم تتم في يوم وليلة ولكن ما المانع أن نتبنى هذه الفكرة وهي إرداف فريق الرجال بشبان لعبو سويا بعدة فئات عمرية وهذا ليس مستحيلا . ألم يحدث هذا في حالة السيد وعارف وسليم مثلا ?? وكانت النتيجة قوة هجومية لازلنا نتحسر عليها ونبحث عنها ??

أما بالنسبة للفكرة الثالثة فنظام مقاولات الموسم الواحد هو وبكل أسف أسلوب تتبعه الفرق الصغيرة والتي تفكر بإنقاذ يومها دون التفكير بالغد حيث يمكن لها التخلص من اللاعبين الذين فشلو بإثبات جدارتهم دون دفع أي تعويض لهم وهذا يعني أن عملية إنتقاء اللاعبين يعتمد فيها على الحظ (يابتصيب يا بتخيب ) لا على دراسة مسبقة وخطط مرسومة وهذا مالا يليق بنادينا العريق .

[الآغا]

أبو كمال ( السوبر ستار ) هو كنز بكل معنى الكلمة

الملاحظات البقية كلامك فيها صحيحة بس مش عنا بسوريا


لانو نحن هيك فهمانين الاحتراف


والاتحاد والكرامة مدارس كبيرة وعم يشتغلوا باحتراف صحيح نبارك لهم جهودهم متمني من عشقي حطين ان يصل لمرحلة احترافية حقيقية

[أبو هشام الحطيني]

لا تعليق

[حمودة الحطيني]

و الله يا خلودة الاستقرار ثم الاستقرار ثم الاستقرار ... اهم نقطة في متابعة الفريق لمسيرة النجاح ..

مشكور على موضوعك

[abu marwan]

اكيد ما حدا بينسى الجهد الي عملو ابو كمال الغالي لان الشي اللي عملو ما ممكن اكبر صحفي بسوريا ممكن يعملو ..

[الظاهر بيبرس]

ياسيدي الكريم اللي عم تحكيه صحيح ومظبوت 100% الادارات اللي عنا الحلول اللي عندها آنية ومابفكروا لقدام المهم تخلص المشكلة اللي عم يواجهوها بالوقت الحالي وترك المشاكل اللي بدها تصير بكرة من ورا تقصيرهم لبكرة واكبردليل على هالشي ادارات حطين من عشر سنين لهلق مااهتموا بمدارس الصغار لهيك مابقى اخدنا بطولة شباب ولانافسنا بالناشئين وتخلينا عن بطولة المحافظة بالاشبال وكنا رح ننز على الدرجة التانية بالرجال لو ما ....وفهمكم كفاية

[الظاهر بيبرس]

مشكوووووووووووووووووووووووووورررر
ابو كمااال
رغم اني جديد وماقريت ولا متابعة من متابعاتك .. بس اللي بشتغل باخلاص ومحبة وتفاني لازم انقلو يعطيك العافية ماقصرت

[Saeedoo]

ألف شكر خالد عالنقاط الحساسة اللي حكيت فيها ...بوقت مناسب تماما

بالنسبة لأبو كمال أنا بختلف معكم ...لأنو هادا واجبو ولازم يتابع الفريق ويخبرنا 36_1_21[1].*

بس فعلأ النقطة التانية كتير مهمة ..التنسيق بين فريق الشباب والرجال ..وخلق أكادمية أو شيء قريب للأكادمية لصناعة المواهب ...
يمكن بحياتنا ماكنا نسمع بأسماء لاعبين الشباب اللهم إلا الجيل الذهبي إيام كنا نسمع أنو في هداف ممتاز بالشباب أسمو عارف ...بعدين صار ظلام دامس حول الشباب والناشئين لهالسنة ...هالسنة يمكن في بعض التفاؤل وراء هالفريق الشاب اللي تجهز بشكل فعلا" مميز من الكابتن أبو كنان والاستاذ خالد وفراس ...والله يجزيه الخير أبو كمال اللي حطنا بالصورة طبعا

ياريت نضل السنوات القادمة على هالمستوى من الاهتمام بشباب حطبن

وبخصوص النقطة التالتة منيح فتحت الحديث فيها بوقت كتير حساس
بوجه حديث للإدارة بالاستعجال بدراسة أوضاع اللاعبين والتعاقد معهم ...مبارح سمعنا بمصافحة بين الفارس والسويدان ...ومن فترة سمعت بغزل من نادي الاتحاد لأركان ...وغيرو ما خفي أعظم
لازم نستعجل ونجدد العقود على مدى طويل لأنو اللاعب اللي مابيحس بالإستقرار ما بيعطي ..
و الله يوفق كل مين بيشتغل بضمير لحطين