النسر والحوت
كان يا ما كان يا سادة يا كرام كان في بلد لا كتير كبيرة ولا كتير صغيرة وهالبلد كانت مليانة خيرات وبساتين عمد عينك والنظر وكان فيا بحر ولك شو نضيف ميتو بتنشرب وهالبحر مليان شو بدك سمك صرادعين خطابيط بس كل هادون كانو بخدمة حوت واحد ما بقي غيرو وهاد الحوت كان قلبو طيب وما كان ياكل الا على جوع يعني وشي انو يشبع لأنو ما كان عندو قابلية كتير قام يوم من الايام زاد الموضوع عن حدو وراح لعند الدكتور قام بعد ما كشف علا قالو شغلتك بسيطة كتير قلو بس يا دكتور الله يخليك صاير ما عم اقدر آكل وخايف انو هالسمكات ما بقا يهابوني ويقولو انو ختيرت قلو باطل أنا عندي دواك يا معلم قلو ايدي بزنارك قلو لازم تاكل نسر ختيار ومهرهر قلو عادي بس من وين بدنا نجيبو قلو الله يسامحك عم تحكي كأنك ما ساكن بالبحر تبعنا ساكن ببحر الجيران قلو ليش قام قلو في نسر بيضل بيحوم عالشط وبياكل سمك البزرة اللي بيكون ميت وشو ما صرلو بيجيف وما بيقصر قلو الله يسامحك على هالاستفئادة قلو سماع مني وبعدين بتعرف ليش بدو يفتحلك قابليتك قلو الله يخليك حرام ما عندك دوا تاني دكتور قلو والله هادا الموجود قام حمل حالو الحوت وبلش يسبح عمهلو هيييييييييييك لوصل عالشط ولأنو المي رئيئة صارت حركتو بطيئة قام شو فكر هالنسر المخرف انو الحوت جاية يموت عالشط متل ما بيشوف بعالم البحار قام جهز حالو وقال هادا بيكفيني سنة كاملة وما عرف انو نهايتو قربت أااااااا يا بو بلا طولة سيرة قام اجا هالنسر المهرهر وبدو يكمش بالحوت على اساس انو زلمة قام علقو اجرا التنتين للنسر بزعنفة الحوت واجا بدو يطير قام نفس وفلس قام وقتا رجع الحوت عالمي الغميقة منشان ياخود راحتو بالسباحة وبلشلك يقلب بلنصات والنسر معلق بزعنفتو ونازل طالع عم يشربلك بالمي المالحة لحتى استوىقام وقتا لقطلك يا هالحوت وزلطو بلقمة وحدة وبلش يعلك فيه اجا بدو يبزقو ماقدر لأنو دوا والدوا فايدتو بمرورتو بعدين الزلمة دافع حقو قام بلعو للنسر ووقتا حس الحوت بطعمة بت؟؟؟ قام شو بدو يعمل صار ياكل من هالسمك الي صوبو مشان يروح طعمة تمو لحتى شبع ومن زمان ما أكل هالأكل قام قلو الله حيو دكتوروشعل سيجارة عبسط بعد الزفر وحط راسو ونام.
وتوتة توتة خلصت الحتوتة
أصبحنا على حطين بإذن القوي المتين
22/04/07
[/align]
النمط الخطي
