هام جداالامور مبهمة بالنسبة لكل محبي الحوت

[bayaa rena]

اليوم اثناء خروجنا من الملعب استوقفت كل من سليم جبلاوي وعارف الاغا
فسالت سليم اولا اذا كان يريد ان يعود الموسم القادم الى حطين فقال بان الامر مرهون بيد الادارة وبانه يتمنى العودة لصفوف الحوت
اما عن عارف فقد لاحظت انه يريد تحاشي الرد على السؤال الذي طرح من قبل كل
الجمهور الذين كانو يقفون امام مشالح فريق الطليعة
وعند ملاحظة ذلك سالت اخ عارف خالد اغا الذي قال ان امر العودة امر وارد ولكنه مرهون ببعض الامور الاخرى
وعند شؤالي اذا كانت هذه الامور تتعلق بالادارة
فكان جوابه بنعم وبعض الامورالاخرى دون الافصاح عنها

[wala fil a7lam]

فاسألوا جهينة... وعندها الخبر اليقين

[الآغا]

والله غير الله ما بيعرف

[أبو هشام الحطيني]

لما بيجي الصبي منصلي عالنبي

[alaa]

كيف الشباب .....
أنا متل أي شخص بالجمهور بتمنى ترجع الحيتان المهاجرة بس السؤال أنو على سبيل المثال
سليم جبلاوي بيرضى يلعب احتياطي متل بالطليعة ....أنا ما بتوقع و بالتالي راح تضل مشكلة الرؤوس الكبيرة مستمرة

[ابو الليل]

السلام عليكم

الأمور المنطقية تقف دائماً في ميزان العقل ونرجو من الأدارة الكريمة أن تطلعنا على آخر المستجدات أولاً باول!!!!!!!!!!!!!!!!!!!!!!!!!!!!!!!

[YOUSEF..MS]

آخر الأخبار بتقول :

إن شاء الله خير

[مهرتوو]

والله يا شباب انا بشوف انو رجعة عارف متوقفة على الادارة اذا هية بدها ياه ولا الا يعني عارف اكيد مافيني يشوف هل جمهور كلوو عم يصرخ عارف عارف وهو يوقف بوشون

[الحوت المهاجر]

الله يقدم الي فيه الخيرررررر

[SAHED]

ان شاء الله خير

[Almuatar]

ياجماعة ليش مابكون اقتراحات مقدمة الى الادارة او عريضة موقعة من عدد كبير من الجمهور لاقناع الادارة بعودة الحيتان الهاجرة وعدة الحوت الى مواقعه القيادية....

[Khalil]

أتمنى عودتهم لناديهم الأم حطين

[الامير totti]

الله يوفق الحوت ... وعودة ابناء الحوت امر طبيعي ...

[فاروق ابن البحر]

شباب انتظروا الاخبار السعيدة و بعتذر لانو ما فيني احكي اكتر من هيك بس انا مسؤول عن كلامي

[ابو بشار الحطيني]

يا اخ فاروق لازم تحدثنا عن المفاجاة التي تخبيها ؟؟؟؟؟؟؟؟؟؟؟؟؟؟؟؟لان من واجبنا ادخال الابتسامة على وجه الحطينيين ..............كفانا حزن ؟؟؟؟

[فاروق ابن البحر]

والله يا غالي احب على قلبي دخل الفرحة على قلوب كل الحطينية بس و الله عاطي وعد لصاحب الخبر ما احكي لاسباب خاصة بسبب انا رح قول انتظروا الاخبار السعيدة و هادا وعد وفهمكم كفاية

[نديم منلا]

شباب بدون زعل بس لإيمت بدنا نضل معتمدين على عارف وسليم ???

أكيد عارف من أعظم هدافين سورية وسليم جبلاوي مهندس كروي ممتاز بس ياترى كم موسم لسه رح يقدروا يخدمو حطين لو رجعوا ???

ما من الأفضل أنو نبحث عن البديل في قواعدنا الشابة ??

ياترى لو رجع عارف الآغا رح يقدر الجعفر يلعب بالتشكيلة الأساسية ويطور مستواه ??

أنا ما ضد الآغا أو الجبلاوي وما أنا إلا مشجع بسيط عم عبر عن رأيي الخاص وهم بالمقابل صنعوا الكثير من أجل حطين والكرة السورية بس أنا ضد فكرة الاعتماد على الخيار الواحد يعني الآغا بلا بديل إذا فكرنا بهالطريقة ما رح نقدر نطلع ولا هداف تاني وهذه سنة الحياة بيروح لاعب وبيجي غيرو ليش نحن بدنا أنو يرجع اللي راح أصلا ??

برد بقول هم لاعبين عظماء وأنا مشجع بسيط ويشهد الله أني أعشقهم للعظم ولكن عشقي لحطين أكبر ورأيي الخاص أن التجديد سنة الحياة .

[الامير totti]

nedimmolla
حطيني خاص جدا
_________________

كلامك اخي فيه كتير من الصحة والعقلانية ...وجهة نظرك اكيد فيه كتير منا بيحترمها
لكن وجود لاعب مثل عارف الاغا في هجوم حطين او سليم جبلاوي دنمو خط الوسط أو طلال عبدو في دفاع الحوت هاد الشي رح يغني التشكيلة اكيد وما رح يضرها ..اغلب فكرتك انو اذا رجعو اللاعبين لحطين الشباب رح تروح عليهم الفرصة في اللعب بالرجال ..وهي نقطة كتير مهمة وحكينا فيها كتير ..
فريق الشباب كان الحل الافضل انو يبقى يلعب مع بنفس التشكيلة مع بعض موسم اخر في الشباب منشان يقوى عودهن شوي ..اكتر بالمباريات ويحققو اكبر قدر ممكن من التآلف والتجانس مع بعض ... ويتم الترفيع اكبر عدد ممكن من اللاعبين للفريق الاول ...بحيث يكون فيه تشكيلة شبه كاملة من الشباب ...والصف الاحتياطي يكون على قدر كبير المستوى بالنسبة للصف الاول وصدقني اخوي انو ما فيه لاعب كويس بيخبي حالو ...
ونحنا عم نبني امال عريضة كتير على فريق الشباب وان شاء الله ما بيخيبونا ...
والاختلاف بالرأي لا يفسد للود قضية
تقبل تحياتي

[نديم منلا]

أرسل أصلا بواسطة توتي حطين

nedimmolla
حطيني خاص جدا
_________________

كلامك اخي فيه كتير من الصحة والعقلانية ...وجهة نظرك اكيد فيه كتير منا بيحترمها
لكن وجود لاعب مثل عارف الاغا في هجوم حطين او سليم جبلاوي دنمو خط الوسط أو طلال عبدو في دفاع الحوت هاد الشي رح يغني التشكيلة اكيد وما رح يضرها ..اغلب فكرتك انو اذا رجعو اللاعبين لحطين الشباب رح تروح عليهم الفرصة في اللعب بالرجال ..وهي نقطة كتير مهمة وحكينا فيها كتير ..
فريق الشباب كان الحل الافضل انو يبقى يلعب مع بنفس التشكيلة مع بعض موسم اخر في الشباب منشان يقوى عودهن شوي ..اكتر بالمباريات ويحققو اكبر قدر ممكن من التآلف والتجانس مع بعض ... ويتم الترفيع اكبر عدد ممكن من اللاعبين للفريق الاول ...بحيث يكون فيه تشكيلة شبه كاملة من الشباب ...والصف الاحتياطي يكون على قدر كبير المستوى بالنسبة للصف الاول وصدقني اخوي انو ما فيه لاعب كويس بيخبي حالو ...
ونحنا عم نبني امال عريضة كتير على فريق الشباب وان شاء الله ما بيخيبونا ...
والاختلاف بالرأي لا يفسد للود قضية
تقبل تحياتي

شكرا على تفهمك أخي الكريم ومتل ما قلت أنا كمان ما ضد عارف أو سليم شخصيا أبدا والخبرة أكيد مطلوبة بكل فريق شرط أنو ما تزيد على حساب الشباب الواعد .

وأكيد اختلاف الرأي لا يفسد للود قضية لأنو كلنا هون بيجمعنا حبنا للنادي وخوفنا على مصلحتو ومستقبلو .

[فاروق ابن البحر]

ندوم كلامك مظبوط بس انا حكيت من فترة و بنفس هادا النقاش انو اذا عارف و سليم رجعو مع بقاء عمار ياسين و هشام عابدين ما رح تروح على الشباب كيف يعني ؟
هلئ الكل بدو فريق شاب و هي الفكرة صح لانو الشباب ممكن يعطو لفترة اطول بس كمان وجود عنصر الخبرة بالفريق مهم و مهم جدا يعني بنظرة بسيطة على فريق الكرامة بنلاحظ انو الكرامة بنى فريق شاب بس كمان بنلاحظ وجود حسان عباس و عبد القادر الرفاعي و جهاد قصاب و هدول لاعبين كبار بس لاعبين خبرة و مهمتون الرئيسية قيادة الفريق بالملعب .
بنروح على الاتحاد بنشوف عمار ريحاوي و محمود كركر حتى محمد عفش من سنتين اعتزل و كان وقتا اكبر لاعب بالدوري السوري .
فلذلك برجع بقول انو لازم يكون في عناصر خبرة بالفريق لقيادة الفريق بشكل صح برض الملعب اولا و تانيا لزيادة قوة الفريق مع نشاط و حماسة الشباب


و بالنهاية بشكرك اخ نديم على مداخلتك بالموضوع و عارف و سليم بدهون يرجعوا عجبك ولا ما عجبك 36_1_21[1].* 36_1_21[1].* 36_1_21[1].*