بلشنا ؟؟؟؟!!!!! قولوا الله شباب

[مهند شاويش]

شباب المنتدي الغوالي
خلصنا لعب واجا وقت الجد
فرحنا بفوزنا على تشرين وتركنا الناس تطلق العنان للفرح بس قبل نهاية الدوري ومن هلأ بدعي كل مين عندو رأي جدي يشاركنا فيه ولحتى يكون لنقاشنا في نتيجة ونخدم نادينا بصدق
رح نطرح مواضيع بالترتيب والمعادلة بدها علاج من كل الجوانب وبتمنى من ادارة الموقع تساعدنا لأنو رح نوجه أسئلة مباشرة من خلال نقاشاتنا لادارة النادي وللقيادة الرياضية بمحافظة اللاذقية وما في غير إدارة الموقع ممكن تقوم بهالمهمة وبدعي كمان السيد راشد جعارة والسيد خالد مثبوت ليشاركونا بالنقاش اللي بتمنى يكون حضاري و ما في مانع ابدا اي حدا من أعضاء الادارة الحاليين يشاركنا النقاش بأي شي منطرحو
مع احترامي للكل هالموسم راح بس الموسم الجاية لازم يكون لموقعنا الدور الاكبر بعملية اتخاذ القرار بعيدا عن الارتجال والقرارات الشخصية

اليوم 6/5/2007 بتاريخ 9/5/2007 رح نفتح ملف ادارة نادي حطين يعني رح نبلش من رأس الهرم
والملفات الباقية رح تكون تباعا بحسب أهميتا ورح ناخد كل مفاصل النادي بكل التفاصيل لأنو الحمد لله فكرنا صح ورح نبلش بكير
بتمنى جدية من الكل
عند طرح الملفات أتمنى من الاعضاء تحضير الأسئلة بشكل واعي وحضاري وواضح وطرحها بالموضوع
والملف يفتح لمدة يومين ويقوم احد أعضاء ادارة الموقع بتجميع الاسئلة المفيد منها والتوجه بها الى المكان المناسب للاجابة نعود بعدها للنقاش حول الاجابات

[ahmad_hutteen]

حبيبي لمدراء الاندية اربع انواع

1- مدير ذو مال و متفرغ لناديه ولديه حنكة ادارية ويعلم كيف يتعامل مع اللاعبين بشكل صحيح مثل ادارة نادي الكرامة
2- مدير ذو مال و متفرغ لناديه ولا يعلم كيف يتعامل ولا يملك الحنكة الادارية والخبرة
3- مدير ليس ذو مال ولكنه يملك الحنكة الادارية و الخبرة كيف يتعامل ويتصرف دون مشاكل
4-مدير ليس لديه المال ويستدين من هاد وهاد وليس لديه الحنكة الادارية مثل ادارة نادي تشرين ( حشا السامعين)
اما مدير نادي حطين فهو ليس متفرغ لعمله ولا يملك الحنكة الادارية ولكنه ذو مال واعتقد لو بكون رئيس فخري لنادي حطين افضل ( ولكن مامتل رئيس فخري لنادي تشرين)

[SALAHDIN]

شكراً مهند عالموضوع

وبإذن الله رح نعمل ما بوسعنا لإنجاح فكرتك و إنجاح أي فكرة هدفها الإرتقاء بنادينا الغالي

و أتمنى من الجميع المشاركة الفعالة

[حمودة الحطيني]

شكرا فعلا فكرة حلوة و لا زم نبنيها ..



ابو عدنان

[مهند شاويش]

شكرا شباب عالردود
اخي بوس بتمنى منك ترجع تقري الموضوع منيح لانو كل الكلام الي ذكرتو عن المدراء معروف وما هيدا موضوع نقاشنا

[حطيني فقط]

الأخ الغالي
مشكور من القلب على هالفكرة الرائعة بس المهم انو التنفيذ يكون ناجح لانو الفكرة تبتعد عن التنظير الذي يسم به البعض منتدانا الغالي وتسعى لمناقشة الأمور بشكل واقعي والتواصل مع أصحاب القرار بالوقت نفسه لوضعنا بالجو الحقيقي لا كما نسمع من الشارع
وأرجو من جميع الأخوة التعامل بجدية تامة وباهتمام مع الموضوع عسى أن يوفقنا الله لما فيه مصلحة حطين
دام جميع المخلصين لحطين ودام حطين لنا
تصبحون على حطين يا مخلصين

[الظاهر بيبرس]

شكراً اخي على هذه الفكرة التي اعتبرها جيدة جداً ..بل ممتازة
لاننا ربما استشفينا من اللقاءات والحوارات الدواء للداء الذي اصاب نادينا ..او نضع اصبعنا على الجرح النازف لنوقف النزيف ويعود حطيننا الى حوت قاتل ترتعب منه فرق الدوري كلها ..ويستعيد الهتاف القديم رونقه من جديد
واذكر الهتاف القديم (حطينية فتحو ابواب وفرق الدوري حسبو حساب )
هذا الهتاف رددته انا عام 1987م عندماصعد حطين الى الدرجة الاولى.

[الظاهر بيبرس]

نسينا التوقيع

دمتم ودام حطين

[ليفربول22]

اخي موضوع جميل وله افرع وجوانب كثيرة المشكلة ليست في الخطط والدراسة الواقعية للنادي المهم التنفيذ ثم التنفيذ ثم التنفيذ هل نسيتم الناس التي حاربت المنتدى والموقع من اجل كلمة الحق نحن شعب لانركض الا خلف المصالح والغايات الشخصية وفهمكم كفاية

[حطيني مغترب]

تحياتي مهند الغالي
انا بلشت فعلا ههههههه
بس البعض عم يقلي لسه بكير
ياسيدي اقلامنا جاهزه و الجايات كتير
تحياتي

[مهند شاويش]

الله يعطيكن العافية شباب المنتدى الغوالي
أبو ناظم حطيني فقط وبشارو المغترب وسعيد وابوكمالين وتوتي حطين وصلاح وخالد وجيوفنيتيني بدر وبايرن والاغا وساهد والحوت المهاجروحمودة أبو عدنان وليفربول 22 واخوي نديم ملا وفايز وكل الشباب الطيبة بتمنى الكل يشارك بجدية ونحضر اسئلة مختصرة ومفيدة بما يتعلق بملف ادارة نادي حطين وبطلب من ادارة المنتدى تعلمنا بالشخص او بالعضو الاداري من المنتدى اللي حيوصل اسئلتنا لما تبقى من الادارة و للاشخاص المتوقع وجودهم بالادارة
ومنقول يا رب

[مهند شاويش]

نسيت باتيغول حمودة والظاهر بيبرس ناطرينكن وعالموعد ب 9/5/2007 لنفتح اول ملف

[الربان]

وانا اخوي انشا الله

[syriana]

ما هو مشروع الادارة لتطوير النادي ورياضات النادي ؟
هل من خطة مكونة من فقرات واضحة ومدروسة ؟ الاهداف التي تتوقعون ان تحققها تلك الخطة . الفترة الزمنية للقيام بذلك ؟
ما هي الميزانية المقترحة وهل تتوافق مع مشروعكم ؟

هذه بعض الاسئلة ؟




حررت لاوضح اني عنيت فعلا بسؤالي الاول فرقا بين النادي ورياضات النادي : حيث النادي مؤسسة رياضية اجتماعية ؟
بينما التعبير الاخر هو يخص الرياضة فقط .

لي عودات

[مهند شاويش]

بانتظار مشاركة الجميع باذن الله

[نديم منلا]

بتمنى التوفيق لهالمشروع وحتى لو يحقق فائدة مرجوة لا سمح

الله بيكون خطا خطوة جديدة وهي فتح باب الحوار بين الإدارة

في النادي و الجماهير بواسطة المنتدى .

[hmo]

انشا الله خير وهي فكره كتير كويسه على شان يتقدم حطين

[مهند شاويش]

أخوتي اعضاء المنتدى سيتم طرح الموضوع غدا الموافق 9/5/2007 بتمام الساعة 12 ظهرا

[ahmad_hutteen]

هناك عدت طلبات اتمنى ان تصل للادارة
1- ان تكون سياستها القادمة هي الثواب حين تعمل صح والعقاب حين ناخطء وليس الثواب فقط
2- ان تسعى الادارة لكي تضم في صفوفها الحيتان المهاجرين وان يعودو الى ديارهم وفي مقدمتهم ( سليم و عارف )
3- ان تسعى لضم مدرب خبير في الدوري السوري ولا يمنع من التوقيع مع مدافع فقد راينا كيف انه في هذا الموسم قد عانينا كثيرا من الدفاع و نريد حارس بديل لمحمود اليوسف لانه لاسمح الله اذا انصاب مافي بديل
4- ان تهتم بفرق القواعد لانهم مستقبل حطين في الامد البعيد
5 - ان تهتم بالسلة لانه هنالك اهمال كبير جدا من الادارة من ناحية السلة وان يضعوا خطة لكي يصلوا بهذا الفريق الى الدرجة الاولى
6- ان يكون هنالك استثماراة للنادي ولا يتوقف النادي على التبرعات وعلى الديون

وعذرا على الاطالة

[حطين في دمي]

السلا عليكم
بتمنى التوفيق للمشروع الجديد
وانشالله الاعضاء كلون بشاركوا
والمهم والاهم انو نرفع اسم نادينا في العالي