هل أصبح عارف الأغا هو همنا الوحيد

[مهند شاويش]

اخي ابو كمال والله انا موافقك بمعظم كلامك والاختلاف مانو جوهري
مظبوط عارف انشهر من ورا حطين
بس لما وصل حطين على نهائي الكأس اللي انباع ضد جبلة عارف شو كان ذنبو ؟؟؟؟؟؟؟!!!!!!! ومين اللي باع؟؟؟؟!!!! والموضوع واضح وصريح
ولما عارف جاب كولين بكاس الكؤوس على الكرامة وعطانا اللقب ليش ما منتذكر

انا معك بانو البعض من جمهورنا اللي طبل لعارف بلعبة الطليعة هوة اول مين رح يسبو لما يرجع لحطين ويكب طابة ومعك بانو اللاعبين بحسو بغصة لما بشوفوا الجمهور عم يتعامل هيك بس اكيد هيدا مو جمهور المنتدى

[BaTiGoAl]

أرسل أصلا بواسطة syriana

لك الي بيقهرني ان يضطر الانسان لذكر جمل وتعابير وتوضيخات الف مرة انه لا يكره فلان بل يحبه وان النادي هو الاهم وانه يعشق حطين كانها لازمه وكان هناك تخوين الى ان يثبت العكس ...

وان رايه ليس لان له موقف شخصي من فلان او علان ..
لماذا معظمنا مضطر لتكرار هذا الكلام وكاننا نتصور ان الاخر سيظن بنا السوء ونحن بحاجة الى ان نثبت له العكس ..
لكن على ما يبدو ان هناك حقا بعض يظن السوء دائما وبحاجة الى تذكير ...

حطين الى الامام ...

والله يا سيريانا نفس الكلام
انو عم نعيد نعيد نعيد نفس الحكي ولكن للاسف ما عم حس .... في قناعة .....من جمهور عارف وليس نادي حطين.!!!!!!!!
لكن مبارح بدخل عالقهوة بشوف شلة شباب بقولو والله يا ريت لو حط عارف كم كول كان طلع هداف الدوري !!!!!!!!
شو هالحكييي هاد انتماء حطين
عيب عيب عيب
هاد كلام.... ما بقبلو ابدا وانا كنت بدي اكتب هالحكي بس ابو كمال سبقني لانو شفت ردود صاخبة بخصوص عارف .....

[ahmad_hutteen]

بس في شغلة نسيتوها انو عارف اذا رجع على حطين مارح يشيل الزير من البير ولوحدو عارف نارح يقدر يسوي شي وقت تالق عارف مع حطين كان وقتها في عنا خط وسط اقوى خط في سوريا وهو يلي يقدم الطابات لعارف لحتى يدخلها بالكول وتالقوا مع الطليعة نفس الشي تمام والله يوفقوا وين ماراح

[مهند شاويش]

وانا معك مية بالمية ابو كمال ما بدنا نكون ملكيين اكتر من الملك عارف بيحكي بلغة الاحتراف ونحنة منحكي بلغة الاحتراف اللي بتقول انو حاليا عارف ما عم يلعب بحطين ومكانو حاليا بمنتدى الكرة السورية لا اكتر ولا اقل
مشكورين على النقاش الحلو اللي عبر عن وجهات نظر الكل دون تجريح
بتمنى دائما تكون نقاشاتنا ضمن هالاطار

[hutteen my love]

ولا يهمك أبومروان الاختلاف في الرأي لا يفسد للود قضية

[Saeedoo]

ياسيدي الله ييسرلو لعارف ....وأنا برجع بكرر أنو رح ضل شجعو وأهتلفلو وأنبسطلو بكل كول وين ماراح ...ويكفيني أنو ماراح على تشرين ولا باع واشترى والزلمة حقو يدور عمصلحتو اللي ما عملاقيها بناديه لسبب أو لأخر

أبو كمال وخالد أنا بعرف رأيكم من زمان

بس سبحان الله ...في ناس كل يوم برأي ...وكل يوم بكلام ...وحسب السوق بتسوق

...بس بدي حيي مهند ...فعلا" وقت اللي أخدت أكتر عضو حطيني مميز لأنك بتستحق ...مامرة حكيت كلمة وغيرتها

[الامير totti]

وليس الخطأ على عارف ولكن المخطئ كل من شجع عارف وفضله على لاعبينا بمباراة الطليعة لأنكم وبهذه الطريقة أستخفيتم بمشاعر لاعبينا الذي يخدمون الحوت بوفاء كبير جدا.

_____________________

هيدا اكبر غلط بيوقع فيه جمهورنا ... والاسباب رح نشوفها بعدين ....

عارف اذا بدو هوّي يجي على حطين يا اهلا وسهلا ... واذا ما بدو يجي على حطين ما رح ندعيلو غير بالتوفيق والنجاح .. بس مو على حساب حطين ...

[YOUSEF..MS]

أنتم تريدون عارف وعارف يتهرب منكم ويبحث عن عشاق الطليعة الذي فضلهم عن أهله الذي شهروه ووقفوا الى جانبه مدة 15 عام ليتغنى بأسرة جديدة لم يعش بها سوى سنتين فقط نعم هذا ما حصل بالأمس وفي لقاءه مع السيد عبد الله خفتة في تلفزيون اللاذقية عندما مدح ومدح و مدح الطليعة وبالأخير وبلحظة أخجله فيها المذيع فقام بالمدح القليل لعشاق حطين ،وعندما سأله اذا كان يريد العودة الى ناديه فظل يلف ويدور حتى تهرب من السؤال الموجه أليه


شو ماحكى وشو ماقال رح ضل حبو ومستحيل اتحمل حالي اذا بشوفو الموسم الجاية ما عم يلعب بحطين


لان شفنا كيف كان وضعنا لما كان معنا عارف وشفنا الوضع لما تركنا ولما انحرم من الموسم القبل الماضي .....

ابو كمال انا بحترم رأيك وانت عالعين والراس بس مو بأيدي !!

[البحري .]

العفو من الجميع
انا جديد بالمنتدى ولا اعلم الى اي حد وصلت بكم الجرأة في طرح المواضيع الانتقادية
هذا الموضوع ربما كان جوابا شافيا واسمحو لي ببعض الكلمات عسى ولعل تنفع سامعها وقائلها
عارف الاغا معبود الجماهير لن يختلف عليه اثنان
ان احببتموه كان خيرا وان لم تحبوه فهناك الكثير ممن يعشقون
ربما كان كلامه جارحابعض الشيء ولكن لو انتبهتم قليلا الى كلامه وقرأتم ما بين السطور تجدون ان الاسطورة كان منطقيا بكلامه وخاصا عندما قال انه وجد راحته في نادي الطليعة وأمنو له جوا مريحا وهذا ما افتقده بناديه
اخي الكريم
لقد قدم عارف الى حطين اكثر مما قدم حطين الى عارف
لا تقولو ان حطين هو من شهره هذه اسباب وليست افعال فهو من يملك الموهبة وليس النادي من اعطاه اياها انما اعطا نادينا لعارف تطوير الموهبة وممارسة لعبة جماعية استطاع بخبرته قلب موازين الكرة الحطينية وتأكيدا لكلامي راجعو ذكرياتكم قليلا وتأملو حين يكون عارف مصابا ولن يلعب ما كان يحل بكم
تلك وجهة نظري الشخصية واتمنى تقبلها من اخ حطيني عاش وترعرع بكنف هذا العملاق
حطين

[hutteen my love]

على كل حال يبقى حطين أكبر من الجميع

وليس الجميع أكبر من حطين

وما أشبه أمس باليوم

عندما كان جمهور تشرين يشجع عبد القادر كردغلي وحتى لو لعب ضد تشرين

ولكن عبودة ذهب وبقي تشرين والدليل فوزه ببطولة الدوري موسم 96/79

الى كل من يقول ان عارف هو من خدم حطين أكثر من أن حطين هو الذي خدم عارف وغيرهم عندما شهرهم أقول كلمة واحدة ذهب عارف وذهب غيره ويبقى حطين شئتم أم أبيتم

الله فوق الجميع وحطين في القلب

وسيصنع حطين موهبة جديدة كما صنع أغا البطولات عارف

[حسن مكيس]

الله يعطيكم العافية يا شباب
شكرا على هذا النقاش الحضاري والمتميز
بالنسبة لي ردي كان سابقا وبموضوعين منفصلين وردود كثيرة حتى مللت الكلام ولم يرد علي أحد يمكن لأنو أنا من الشعب الفقير, إلا بضعة أعضاء منهم أخي بشار.
والله لم أكن أريد الرد لأن الموضوع أخذ أكبر من حجمه ولكن كما يقال طفح الكيل.
لجميع من يقول أن ما قدمه عارف لحطين أكبر مما قدمه حطين لعارف أو أنه لا أحد يستطيع أن ينكر فضله على حطين أقول :
نحن والحمد لله مشجعي نادي حطين نشجع لاعبينا على أنهم حطين وليس لأسمائهم الشخصية فمن يريد الانضمام لتشجيع حطين فليفعل ومن يريد أن يشجع عارف بغض النظر إذا كان معنا أم لم يكن إذا كان وفيا أم لم يكن إذا قرب خطوة من التعاقد معنا أو ابتعدميل عنا بمشاعره ومصالحه أنا لا أحكم ولكن أوصف حالة وأذكر كل الاحتمالات فليذهب لنادي مشجعين عارف الآغا ولكن عليهم أن يكون لهم مشروع بديل حتى يظلوا في ذلك النادي بعد أن يعتزل عارف كيلا يجلسون بلا عمل ويزاودون على الناس بحب عارف كأنه حطين .
وكما قال أخي أبو كمال جميعنا يحب الآغا ولكننا نحب حطين أكثر وأكثر وأكثر ونحن هنا من أجل حطين ونتحمل المسخرة من العالم القريبين لنا بأننا لن نستطيع أن نعمل شيء وأنه لا أحد يلقي بالا لكلامنا وأننا وأننا ولهم جميعا أقول كرما لعيون حطين وحطين فقط
أخيرا حطين فوق الجميع وفضله على راس الكبير قبل الصغير وما حدا الو فضل عليه
الله ... سوريا .... حطين وبس وبس وبس
تصبحون على حطين يا مخلصين

[abu kamal]

36_1_11[1 36_1_11[1 36_1_11[1 36_1_11[1

أرسل أصلا بواسطة Kh@led

بالفعل .. لقاء عارف مبارح بالتلفزيون ... كان مجحف بحق حطين... و يلي اول مرة بيسمع بعارف و بيحضر المقابلة بفكر انو الطليعة هو يلي صنع عارف ما حطين ...

بس بحب ذكر عارف بشغلة .. و كل بعرفها .. انو عارف الاغا .. هو من اكتر اللاعبين يلي استفاد ماديا من نادي حطين .. اكتر من اي لاعب غيرو ... و كل العالم بتذكر كيف كان عارف يوقع مع حطين ... و كل العالم بتذكر كيف كان عارف عم يوقع لتشرين بس لو ما المحبين بوقتها كان موقع لتشرين ...

بصراحة مبارح عارف فهم تشجيع الجمهور بطريقة خطا.. و فسر التشجيع على انو مساندة عارف ضد حطين .. و نسي و اتناسى يفهم انو هي دعوة لعارف او تذكير لعارف انو لسا جمهور حطين بيحبك و ناطرك لترجع ... بس الانسان بيطبعو بيفهم يلي بدو .. و بيغط نظر عن يلي ما بدو ياه ...

و ما ننسى شغلة وحدة .. عارف هو يلي ترك حطين ... ما حطين يلي ترك عارف ...
وعارف وقع للطليعة قبل موسمين و لسا كان موسمو بحطين ما خالص...
و بالفعل متل ما قال عارف قال مبارح .. نحن بعصر الاحتراف ... و ما عاد في شي اسمو انتماء..
و بتمنى من جمهورنا ما يوقف على الاطلال و يتغنى بالماضي...
":"016 ":"016 ":"016

[YOUSEF..MS]

لكل مين عم يقول انو حطين قدم لعارف اكتر ما عارف قدم لحطين اسمحولي خالفكم بهالكلام
حتى ولو كانو جميع الاعضاء ..
حطين قبل الجميع واللي صار بمباراة الطليعة ماحدا بيقبلو ابدا واكيد اللي هتفو باسم عارف هنة كام واحد من الاولاد..
بس ما لازم ننسى ابدا اللي قدمو عارف لحطين وكام مباراة نكون خسرانين فيها بلحظة صغيرة تقلب النتيجة لصالحنا ..
سؤال صغير : من امتى كان جمهور حطين بهالعدد اللي شفناه بمباريات الدوري الحالي ..
وهالشي بيأثر أكيد على خزينة النادي .. وهي نقطة تحسب لعارف ..
مين أكثر اللاعبين تسجيلا في مرمى تشرين ؟ ما عارف ؟ وكام لعبة جبلنا منهم ؟
وكام مرة عارف امتع الجماهير على المدرجات باجمل الاهداف الاوربية ؟
انا واثق تمام الثقة انو لو عارف وسليم معنا لكنا شفنا وضع الجمهور افضل بكتير
لنفترض انو عارف ما احرز ولا لقب هداف الدوري كانت شهرة حطين متل ماهية هلق ؟؟


شباب خلينا نفكر بعقلانية وبتمنى من البعض يشيلو الحقد اللي بيكنوه على عارف
هالشي ما بيصير ابدا ابدا
حطين فوق الكل ...
وعارف افضل من جميع المحترفين اللي اجو عالنادي ..

::::::::::::::::::::::::::::::::::::::::::::::::::::::::


أبو كمال بس حابب اعرف منك شو القصة اللي خلت عارف يترك النادي ..

لان انا حسب قرائتي للمواضيع السابقة حسيت في شي مخبا

بتمنى منك تصارحنا وخلينا نفتح الدفاتر القديمة ..

واذا انت سمعان القصة من طرف واحد بتمنى تسمع الطرف التاني يلي هو عارف لحتى تحكم عليه ...
لان صار عندي فضول لحتى اعرف القصة من طقطق للسلام عليكم
أبو كمال : لا تواخذني برجع وبقلك انت على عيني ورأيك ورأيي الاعضاء على راسي من فوق ...

[الظاهر بيبرس]

اريد ان اذكر الجميع بآخر موسم شارك فيه الآغا مع حطين كيف ترك الفريق عم يلعب وما اجى عالمباراة من اصلها وفضل مكانها مباراة احياء شعبية ...
هذا هو الاخلاص؟؟
هذا هو الوفاء ؟ مع ان النادي كان بحاجة جميع ابناءه المخلصين لينتشلوه من المأزق الذي وضعوه فيه مثل هؤلاء اللاعبين ...
وعندما تمت عوقوبة سليم وعارف وايقافهم عن اللعب النادي حقق انتصارات جيددة وعندما عادا بعد العقوبة في الاياب عاد النادي لمسلسل الهزائم ..
ليس وجود اللاعب في الملعب فقط يعبر عن انتماءه ووفاءه للقميص الذي يلبسه .. انما المثابرة في التمارين والحرص على تقديم الافضل .. لا ان يفقد لياقته ويزيد وزنه ويصبح مثل كيس الطحين غير قادر على الحركة !!!
اما عندما يلعب لغير النادي الذي تربى فيه تراه دائماً .. في كامل الحيوية والنشاط .. والمثابرة على التمرين لانه في تلك الاندية مافي كبير غير الجمل

دمتم ودام حطين

[ابو الليل]

السلام عليكم

كبرت القصة كتير

أتركوا الأمور تجري في مهب رياحها وأتركوها للقدر

[LIVERPOOL 22]

انا بدي اسئل كل الشباب الذين ينتقدون عارف بغض النظر اذا كان يلعب لحطين او لأي فريق اخر اذا بدنا نشكل فريق قوي للسنة الجاية وبدنا نجيب هداف للفريق مندور على لاعب هداف بسوريا مين راح يكون هالاعب ياأخي بلا عارف مثلا العكاري ولا نبيل الشحمة ولا يونس سليمان مين بتختاروا يا شباب اول الهدافين ولا الثاني والثالث مع انه نفس المبلغ بدو يندفع لاي لاعب اكيد مابدكم عارف طيب جاء جمعة عباس قلتوا والله حرام لو اعطوا المال لعارف ماكان احسن نعم يا شباب انه زمن الاحتراف مين بيدفع هو حبيب قلبي انا بحب وقع مع عارف ليس لانه حطيني وانما لأنه هداف الدوري

[شوماخر]

حطين همنا الاول وعارف وجميع اللاعبين المهاجرين همنا الثاني

[حسن مكيس]

أول شي على راسي يا ابو مروان انت ورأيك بس بدي تستحملني شوي والخلاف لا يفسد للود قضية
[quote=أبو مروان الحطيني]لكل مين عم يقول انو حطين قدم لعارف اكتر ما عارف قدم لحطين اسمحولي خالفكم بهالكلام
حتى ولو كانو جميع الاعضاء ..
حطين قبل الجميع واللي صار بمباراة الطليعة ماحدا بيقبلو ابدا واكيد اللي هتفو باسم عارف هنة كام واحد من الاولاد..
اسمحلي قلك انو كل الجمهور الي كان مقابيل المنصة صار يهتف ويطبل بس ما زمر لأنو ما معون زمامير
بس ما لازم ننسى ابدا اللي قدمو عارف لحطين وكام مباراة نكون خسرانين فيها بلحظة صغيرة تقلب النتيجة لصالحنا ..
اول شي هادا واجبو والي عملو كان لازم يعملو لانو الفريق كلو كان مسخر لعارف اتوفق عارف ربحنا عكست معو اتعادلنا او خسرنا
سؤال صغير : من امتى كان جمهور حطين بهالعدد اللي شفناه بمباريات الدوري الحالي ..
أسباب كثيرة أهمها حالة القرف من كل شيء
وهالشي بيأثر أكيد على خزينة النادي .. وهي نقطة تحسب لعارف ..
يعني الجمهور كان عما يجي منشان عارف وهي تهمة للجمهور
مين أكثر اللاعبين تسجيلا في مرمى تشرين ؟ ما عارف ؟ وكام لعبة جبلنا منهم ؟
برجع بقلك هادا واجبو والله عانو ووفقو والشباب ما قصرو معو
وكام مرة عارف امتع الجماهير على المدرجات باجمل الاهداف الاوربية ؟
كتير كتير كتير وأنا ما بشوف ألعب منو ومافي حدا متل الكابتن ماجد عفوا عارف
انا واثق تمام الثقة انو لو عارف وسليم معنا لكنا شفنا وضع الجمهور افضل بكتير
الجمهور والخزينة أهم ولا النتائج
لنفترض انو عارف ما احرز ولا لقب هداف الدوري كانت شهرة حطين متل ماهية هلق ؟؟
اخوي حطين طول عمرو عقدة الكبار قبل عارف ومع عارف وبإذن الله منرجع مع عارف أو بدونو


شباب خلينا نفكر بعقلانية وبتمنى من البعض يشيلو الحقد اللي بيكنوه على عارف
أنا بخالفك أبو مروان الحبيب والكل بيحب عارف مني وجر بس ما هكذا تورد الإبل
هالشي ما بيصير ابدا ابدا
حطين فوق الكل ...
وعارف افضل من جميع المحترفين اللي اجو عالنادي ..
أنا معك بالنقطة هيدي بس يقدرو يجيبو ويقبل يجي

تصبحون على حطين يا مخلصين

[باتيستوتا]

جملة قد ذكرتها سابقا وسأظل اكررها ( يلي باعك بيعوا ) ابو كمال العزيز كل كلمة ذكرتها صحيحه مئه بالمئه

[syriana]

للذكرى فقط ..
اكبر حضور جماهيري لحطين كان ايام ابو الياس .. وللذكرى فقط كان اجمل جمهور في سوريا هو ذاك الجمهور (في تلك الفترة تحديدا )..وكان جمهور التقليعات والرواق والتشجيع الجميل والكرنفالات وانتظار الفريق عندما يكون هناك لعبة خارج المحافظة على ابواب المدينة وامتلاء ساحة اليمن لساعات بجماهير تنتظر رجعة اللاعبين ..ويا كرنفالات ويا مسيرات ..(ليس في مباريات تشرين بل بكل المباريات وساحة اليمن تشهد على ذلك )

الجمهور غاب وتناقص تدريجيا حتى بوجود عارف .. لاسباب عديدة .. وتناقص بالمواسم الاخيرة (وفي الموسم الاخير الذي كان عارف متواجد فيه ايضا )..للعديد من الاسباب اهمها عدم استقرار النادي وتغيير الادارات والمشاكل المتكررة بلاضافة لوجود شريحة جديدة من الجمهور السيء(كشاشي الحمام ).

ما لنا .. كتبت في رد سابق هنا تعليقا على كلام ابو كمال انه من المعيب حقا ان يجد الانسان نفسه مضطرا للدفاع عن نفسه لمجرد انه يختلف بالراي في عودة لاعب وكأن الموقف شخصي ..

كلنا نحب عارف الاغا .. في سنواتي الجامعية الاولى كان حديثنا عن عارف اكثر من المواد الدراسية . كنا نترك امتحاناتنا ونذهب .. نلفظ اسم عارف باليوم الف مرة مع الاصدقاء ولطالما كنا شلل يوم المباراة ( فهؤلاء حطينيون واولئك تشرينيون ) ويوم المباراة اي مبارة ( كان هناك مقاطعة واليوم التالي ياتي ابكر شلة الفريق الذي حقق نتائج افضل وتبدأ الشماته ...

ما ازال احلب عارف جدا جدا ..واعيد واكر ر لاني احب عارف جدا جدا اقول :

لا عارف حاليا ينفع لحطين .. ولا حطين ينفعه عارف ولن يحل مشاكله ..
ولاني احب عارف اقول .. اتمنى لك يا عارف ان تختم حياتك الرياضية بانجاز خارجي .. وسافرح لك ولاهدافك دائما فانت كنت جزء يومي من مراهقتنا وشبابنا .. انت تستحق بعد تاريخك الكبير ان تختمة بانجاز ما .. لقد حوربت كثيرا ومنعوك من المنتخب .. اثبت لهم انك لاعب ممتاز وحقق انجازا خارجا وسيذكر التاريخ انك لاعب حطيني اصيل وسنفحر نحن الحطينيون ونفرح لك ..

اما النادي :
فلاني احب حطين فاتمنى ان اراه قريبا مدرسة كروية يعاني من كثرة النجوم والبدلاء وليست من قلتهم .
اتمنى ان اراه مدرسةحطين تخرج لاعبين للفرق الاخرى وان يبيع لاعبين نجوم لا ان يشتري ..وتمتلىء خزينة النادي .. ويتقاتل رجال الاعمال على تولي منصب النادي المربح بنجومة ومدرسته ..

انا اتمنى من جمهور حطين ان يتوقف عن الحديث عن خطط فنية ولاعب فلان ولاعب علان ..
كنت اتنمى ان اجد حوارات عن مستقبل فريق الشباب وعن لاعبيه .. هل ما زالو يتمرنون ..
ماذا عن فريق شباب جديد وماذا عن الناشئين والاشبال ..
اذا اردنا بطولة دوري صدقوني يجب ان تنتقل حواراتنا الى هؤلاء .. علينا ان نتابعهم ونشجعهم ونفرض على المعنيين في النادي الاهتمام بهم ..
نريد ادارة يكون مشروعها اهتمام بهذه المدرسة و
نريد ادارة تحضر لنا مدرب محترم جدا جدا يطور لاعبينا فنيا وتكتيكيا .
نريد ادارة لا يكون همها فقط المباراة القادمة ..
نريد ادارة تعيد الجمهور الواعي للفريق وتبعد كشاشي الحمام .
نريد ادارة تزيد من ثقافة اللاعبين الاحترافية ..

نريد ادارة تطبق مبدا الثواب والعقاب وتضمن الانضباط وفق نظم واضحة ومعلنة .
نريد ان ننتهي من مرحلة حل المشاكل بتويس الشوارب ..

نريد ادارة تبني لخمس اعوام ..ولا تتهرب من الظروف بل تسعى لايجاد الحلول لكل مشاكل النادي وليس لتمرير الوقت بمسكنات ..

نريد حطين جديد واقوى ونفتخر به جميعا