هل أصبح عارف الأغا هو همنا الوحيد

[hutteen my love]

منذ انتهاء مباراة حطين والاتحاد والسادة الأعضاء ليس لهم هم سوى عارف الأغا


فتارة نرى عضو يدخل ويكتب نريد لافتة لعارف الأغا وتارة نرى عضو أخر يكتب لا نريد أن تكون اللافتة مزينة ومضيئة وتارة يدخل عضو ويكتب عارف سيتزوج من مدينة حماة ومرة يكتب أحد الأعضاء أن الأمور غامضة بالنسبة لعارف وكأنه مركبة فضائية وعضو يكتب على الادارة اعادة عارف وبالأخير وكأننا تحولنا الى حب وتشجيع نادي عارف الأغا وندخل ونكتب بمنتديات عارف الأغا الألكتروني مع أحترامي وحبي الشديد لعارف .

ولكنكم نسيتم أو تناسيتم أنكم تشجعون وحطين وليس عارف أو سيد أو هشام أو عمار أو غير ذلك لأنهم كلهم راحلون وحطين هو الباقي بعد الله عز وجل .

ما بكم ماذا حصل لكم أصبحتم كالجائع المحروم و رأى مائدة مملوءة بما لذ وطاب

ماذا حصل لكم لتنسوا المشاكل التي تعصف بنادينا وألتفتوا الى شخص أنتم تركضون وتلهثون وراءه وهو لايعبركم حتى بنظرة أو كلمة

أنتم تريدون عارف وعارف يتهرب منكم ويبحث عن عشاق الطليعة الذي فضلهم عن أهله الذي شهروه ووقفوا الى جانبه مدة 15 عام ليتغنى بأسرة جديدة لم يعش بها سوى سنتين فقط نعم هذا ما حصل بالأمس وفي لقاءه مع السيد عبد الله خفتة في تلفزيون اللاذقية عندما مدح ومدح و مدح الطليعة وبالأخير وبلحظة أخجله فيها المذيع فقام بالمدح القليل لعشاق حطين ،وعندما سأله اذا كان يريد العودة الى ناديه فظل يلف ويدور حتى تهرب من السؤال الموجه أليه .

وليس الخطأ على عارف ولكن المخطئ كل من شجع عارف وفضله على لاعبينا بمباراة الطليعة لأنكم وبهذه الطريقة أستخفيتم بمشاعر لاعبينا الذي يخدمون الحوت بوفاء كبير جدا.

أستحلفكم بالله أي شخص منكم اذا اتى أهله ووقفوا مع الغريب ضده ماذا تكون ردة فعلكم للأسف؟؟؟؟، كل من شجع عارف في مباراة الجمعة سقط من عيني بحبه ووفاءه لناديه لأننا نعشق حطين ومن يعشق غير حطين فليبتعد عن ناديه ويشجع من يريد، تناسيتم المشاكل التي تحل بنادينا من تجديد عقود اللاعبين الى عدم الاستقرار الاداري وتركضون وتلهثون وراء لاعب أصبح بعمر أل29 سنة مع أحترامي لشخصه الكريم.

مارأيكم بعدم تجديد عقود اللاعبين والذي يبلغ عددهم حوالي 10 لاعبين والتعويض عنهم بعارف وسليم

أليس هذا هو الذي ترغبون به .

لا ولن نرضى بذلك وسنبقى نقاتل لبقاء جميع لاعبي حطين الذي قدموا أداء لا بأس فيه في ظل الظروف التي حلت بنادينا .

سأبقى أعشق السيد والسيدة والفارس وأركان وهشام وسليم وعمار ومن سيترفع من الفريق الشاب طالما يلبس قميص حطين الغالي أما من سيرحل فلن أستطيع الا قول كلمة واحدة فقط (الله معو)


كفانا مسخرة وأستخفاف بنادينا دعونا من عارف وعودوا الى همنا الأول كيف نستطيع حل مشكلة نادينا

ملاحظة بسيطة: سأقوم بحذف كل موضوع يتناول عارف الأغا حرصا على مشاعر أبناء نادينا الحاليين كما سأقوم بمدح عارف عندما سيعود الى ناديه هو أو غيره من اللاعبين

لأنني حطيني وابن نادي حطين فقط وملك لحطين وليس للاعبين

والسلام

[حطيني مغترب]

لك روووووووووووووووووح لا فض فوك الهي
هيدي ما مسبة ها

[SALAHDIN]

هذا النادي الذي صنع الأغا , قادر على أن يصنع غيره


حطين من صنعه وليس هو من صنع حطين

فلفكر في صناعة لاعبين جدد يفيدوا الفريق لأعوام طويلة

حطين فوق الجميع


screen.width-500)this.style.width=screen.width-500;" border=0>

[syriana]

hutteen my love

قلت حقا ...
اذن استعد للحرب ..

[Kh@led]

بالفعل .. لقاء عارف مبارح بالتلفزيون ... كان مجحف بحق حطين... و يلي اول مرة بيسمع بعارف و بيحضر المقابلة بفكر انو الطليعة هو يلي صنع عارف ما حطين ...

بس بحب ذكر عارف بشغلة .. و كل بعرفها .. انو عارف الاغا .. هو من اكتر اللاعبين يلي استفاد ماديا من نادي حطين .. اكتر من اي لاعب غيرو ... و كل العالم بتذكر كيف كان عارف يوقع مع حطين ... و كل العالم بتذكر كيف كان عارف عم يوقع لتشرين بس لو ما المحبين بوقتها كان موقع لتشرين ...

بصراحة مبارح عارف فهم تشجيع الجمهور بطريقة خطا.. و فسر التشجيع على انو مساندة عارف ضد حطين .. و نسي و اتناسى يفهم انو هي دعوة لعارف او تذكير لعارف انو لسا جمهور حطين بيحبك و ناطرك لترجع ... بس الانسان بيطبعو بيفهم يلي بدو .. و بيغط نظر عن يلي ما بدو ياه ...

و ما ننسى شغلة وحدة .. عارف هو يلي ترك حطين ... ما حطين يلي ترك عارف ...
وعارف وقع للطليعة قبل موسمين و لسا كان موسمو بحطين ما خالص...
و بالفعل متل ما قال عارف قال مبارح .. نحن بعصر الاحتراف ... و ما عاد في شي اسمو انتماء..
و بتمنى من جمهورنا ما يوقف على الاطلال و يتغنى بالماضي...

[hutteen my love]

syriana

=========

وأنا لها من أجل مصلحة حطين

[Kh@led]

بس بالنهاية ... عارف ما رح يخلد بحماة ... و مرجعو على اللادقية ... فوقتها منشوف .. شو رح يكون عارف وضعو بين جمهور حطين .. لهل الشي ..مما حدا بيستغرب رجعة عارف على حطين ..بس ما هلاء... قبل موسم الاعتزال ...

[syriana]

أرسل أصلا بواسطة Kh@led

بس بالنهاية ... عارف ما رح يخلد بحماة ... و مرجعو على اللادقية ... فوقتها منشوف .. شو رح يكون عارف وضعو بين جمهور حطين .. لهل الشي ..مما حدا بيستغرب رجعة عارف على حطين ..بس ما هلاء... قبل موسم الاعتزال ...

لك عمي الله يوفقو .. ولاني بحبو وهو يعرف هذا .. اتمنى له ان يلعب مع فريق جاهز كالطليعة والكرامة ويشارك مشاركة خارجية يختم بها حياتو بانجاز ...
اما حطين فهو فريق يحتاج الى تجهيز نجوم جدد من شبابه ومن الدماء الجديدة ..
وكما قلتم ..
كفانا بكاء على الاطلال ...

[syriana]

أرسل أصلا بواسطة hutteen my love

syriana

=========

وأنا لها من أجل مصلحة حطين

كلنا لاجل حطين . . ومعا36_1_11[1 ..

[ahmad_hutteen]

باعتقادي انو عارف مارح يجي على حطين ولسببين
1- نسيتو انه بانتظاره بطولة الندية العربية والشهرة و المال
2- نادي و جمهور الطليعة مابالسهل رح يتخلو عنو

[مهند شاويش]

أخي ابو كمال الغالي وصلاح وخالد
كلامكم سليم وما حدا بيقدر يزيد عليه عليه حرف وانا معكن بانو البعض زادا شوي بموضوع عارف
بس أخي ابو كمال ليش ليزعلوا باقي لاعبي حطين او يتدايقوا يعني بجد شي غريب
عارف استفاد من حطين ماديا صح هالكلام بس اللي قدموا عارف لحطين ما لاعب قدموا لناديه ومو دفاعا عن عارف بس بيبقى اشرف بكتير من لاعبين باعوا واشتروا بالنادي لحتى الله فرجها
شفنا نادينا وين كان ايام الاغا بعزو وجيلن الدهبي وشايفين نادينا هلأ وين صار بغض النظر عن المشاكل الادارية
برجع بقول معكن حق بانو الزمن ما بيرجع لورا والنادي اللي صنع عارف بيصنع غيرو وغيراتو بس لا نتحامل عليه رجاءا واللاعب اللي بدو يتحسس من مدح أعضاء الموقع لعارف يقول يعرف عن حالو ويحط حالو بالمقارنة مع عارف لنشوف الجمهور مين بحب ومين بيحترم اكتر
ممكن اقبل كحطيني بعتبر حالي حطيني اصيل وللعضم انو ما ينمدح عارف بالمنتدى حبا بحطين بس اللي ما بقدر اقبلو انو يصير مجال هون لينزم عارف وكأنوا ارتكب جريمة
جمال وبشار راحوا على تشرين والشعبو لما كان يجيب فينا الكول كان يفلح الملعب من الفرحة
لهيك الرجاء الحياد بهيك مواضيع حساسة

نقطة اخيرة من كان منكم بلا خطأ فليرمي هذه المرأة بحجر
والاختلاف في الرأي لا يفسد للود قضية

[حمودة الحطيني]

أرسل أصلا بواسطة SALAHDIN

هذا النادي الذي صنع الأغا , قادر على أن يصنع غيره


حطين من صنعه وليس هو من صنع حطين

فلفكر في صناعة لاعبين جدد يفيدوا الفريق لأعوام طويلة

حطين فوق الجميع


screen.width-500)this.style.width=screen.width-500;" border=0>

36_1_11[1 36_1_11[1 36_1_11[1


معك




ابو عدنان

[Kh@led]

أرسل أصلا بواسطة italiano

أخي ابو كمال الغالي وصلاح وخالد
كلامكم سليم وما حدا بيقدر يزيد عليه عليه حرف وانا معكن بانو البعض زادا شوي بموضوع عارف
بس أخي ابو كمال ليش ليزعلوا باقي لاعبي حطين او يتدايقوا يعني بجد شي غريب
عارف استفاد من حطين ماديا صح هالكلام بس اللي قدموا عارف لحطين ما لاعب قدموا لناديه ومو دفاعا عن عارف بس بيبقى اشرف بكتير من لاعبين باعوا واشتروا بالنادي لحتى الله فرجها
شفنا نادينا وين كان ايام الاغا بعزو وجيلن الدهبي وشايفين نادينا هلأ وين صار بغض النظر عن المشاكل الادارية
برجع بقول معكن حق بانو الزمن ما بيرجع لورا والنادي اللي صنع عارف بيصنع غيرو وغيراتو بس لا نتحامل عليه رجاءا واللاعب اللي بدو يتحسس من مدح أعضاء الموقع لعارف يقول يعرف عن حالو ويحط حالو بالمقارنة مع عارف لنشوف الجمهور مين بحب ومين بيحترم اكتر
ممكن اقبل كحطيني بعتبر حالي حطيني اصيل وللعضم انو ما ينمدح عارف بالمنتدى حبا بحطين بس اللي ما بقدر اقبلو انو يصير مجال هون لينزم عارف وكأنوا ارتكب جريمة
جمال وبشار راحوا على تشرين والشعبو لما كان يجيب فينا الكول كان يفلح الملعب من الفرحة
لهيك الرجاء الحياد بهيك مواضيع حساسة

نقطة اخيرة من كان منكم بلا خطأ فليرمي هذه المرأة بحجر
والاختلاف في الرأي لا يفسد للود قضية

بس ما تنسى يا ابو مروان الغالي... اللعيبة يلي حكيت عليها .. جمال و بشار و زياد جابو كاس الجمهورية لحطين .. ... بعتقد عارف ما حقق شي لحطين .. اكتر ما حقق حطين الو.. وقت اللاعب بيطلع هداف دوري 3 مرات ..فهاد الشي شهرة لعارف ..ما لفريق حطين ...
بس مع ذلك ما بننكر انو عارف موهبة .. نادرة جدا ...

[syriana]

بس اللي قدموا عارف لحطين ما لاعب قدموا لناديه

شفنا نادينا وين كان ايام الاغا بعزو وجيلن الدهبي

الجيل الذهبي اذا اردنا الدقة هو الجيل الذي مثل حطين (ادارة ولا عبين ) قبل جيل عارف .ز هو جيل عمار عوض وبسام الفرخ وعمر كنفاني والطنب ورامي جمل ... ومدربي القواعد ومدرسة حطين الكروية ..
لك يا جماعة حقكم ان تطالبوا بعارف وغيره ..
لكن ان تتناسوا كل مشاكل حطين ..
وتقولون ان عارف هو الحل فهو الغير مقبول ..
ما كان عارف وسليم وجمال والكل بهداك الجيل الذهبي كما تقول انت .ز لكن لم نحصل اي بطولة بسبب مرض كان موجود من تلك الايام وهو اليوم اشد خطرا ..
النادي يحتاج الى اعادة بناء من جديد .. وليس فقط عودة عارف ..

[hutteen my love]

مهند اول شغلة

أنو ماحدنا قلنا من اللاعبين شي أبدا أبدا أبد

بس لوكنت وشفت الشي اللي صار بالملعب منشان عارف أكيد لو تكون لاعب بحطين بدك تضايق وقت اللي بتشجع فريق ضد فريقك

بعدين مو بس عارف قدم لحطين الفريق اللي معو هو اللي سخر كل الأمكانيات لعارف وتذكر شو كان يعمل خالد حكيم وعمر كنفاني وطلال شومان وسليم وغيرون منشان يوصلوا الطابة لعارف

وعارف كمان يامهند عمل لنفسو شهرة أكتر ماعمل لناديه

طيب بمقارنة بسيطة عارف طلع 3 مرات هداف دوري مع حطين بس حطين طلع معو بالمركز الثاني بأحسن ترتيب

الشعبو وزملاءه قدم اللقب الوحيد لنادي حطين أيهما برأيك قدم الأفضل لحطين وبعقلانية

وقت اللي شاركنا ببطولة الأندية العربية بقطر أدارة حطين ترجت عارف ليلعب معها وقت اللي كان عم يلعب بدبا الحصن بس هو أتحجج أنو الادارة النادي الأماراتي ما وافقت مع العلم أجا الرد مع الموافقة

واخيرا صدقني والله على ما أقوله شاهد أنا أعشق عارف ولكن أعشق ناديي أكثر بكثير ولولا حبي لحطين لا أكتب هذه السطور

[hutteen my love]

سيريانا كلامك سليم

[syriana]

واخيرا صدقني والله على ما أقوله شاهد أنا أعشق عارف ولكن أعشق ناديي أكثر بكثير ولولا حبي لحطين لا أكتب هذه السطور

لك الي بيقهرني ان يضطر الانسان لذكر جمل وتعابير وتوضيخات الف مرة انه لا يكره فلان بل يحبه وان النادي هو الاهم وانه يعشق حطين كانها لازمه وكان هناك تخوين الى ان يثبت العكس ...

وان رايه ليس لان له موقف شخصي من فلان او علان ..
لماذا معظمنا مضطر لتكرار هذا الكلام وكاننا نتصور ان الاخر سيظن بنا السوء ونحن بحاجة الى ان نثبت له العكس ..
لكن على ما يبدو ان هناك حقا بعض يظن السوء دائما وبحاجة الى تذكير ...

حطين الى الامام ...

[مهند شاويش]

أخي سيريانا بس لوضح نقطة أنا ما عم طالب بعارف وانسى كل المشاكل الموجودة بحطين
أبدا فيك ترجع على موضوع الاخ ابو ناظم تبع عودة عارف وتشوف رأيي بوضوح انا مع انو عارف يقعد عالخط في حال رجع على حطين ومع عدم عودة سليم جبلاوي ولكن في ادارة او مدرب بيقدر يقعد عارف عالخط او حتى يجبرو ينزل عالتمرين هون المشكلة
لوضح وجهة نظري
انا متاكد انو ما مشكلة حطين بعودة لاعب او تنين وانو المشكلة اكبر من هيك بكتير
ومع انو عارف بلحظات معينة تخلى عن حطين بوقت كان حطين بحاجتو بس للاسف مو لحالو تخلى عن حطين هوة وشلة نجوم طويلة عريضة
ما بدنا نمجد حدا ولما عملنا استطلاع على لاعب القرن بحطين معظم الموجودين اختاروا ابو الياس بس برجع بقول اذا ما بدنا نمدح عارف فرجاءا لا نذمو

[حطيني مغترب]

مهند؟؟ بدك عارف يقعد عالخط ؟؟
ابقا قابلني

[syriana]

عارف فرجاءا لا نذمو

كلنا نحبة فكيف نذمه ..

لكن لاحظ معظم المواضيع التي تتحدث عن موضوع عدودة عارف .. حقا يبدو ان الجمهور يعتقد ان عارف هو الحل ..

المشكلة ببساطة .. هل نستطيع ان نضع عواطفنا جانبا ونفكر بقليل من المنطقية ونعتمد على علم الرياضات ..