ملف ادارة نادي حطين

[مهند شاويش]

النقاش بلش يدخل مرحلة الجد بتمنى كمان من السيد خالد مثبوت يشاركنا

[syriana]

اتمنى (وهو تمني صعب التحقق على ما يبدو ) لو ان بعض اللاعبين او المدربين او الاداريين يشارك في الحوار هنا ..)

بالمناسبة ما اخبار الكابتن بشار .. كان قد شارك في المنتدى سابقا .. حبذا لو يشاركنا بطرح وجهة نظره واقتراحاته ..وتصوراته ..

[BaTiGoAl]

ابو كمال اذا اعضاء الادارة عم تقرا بالمنتدى وما عم تعطينا رأيها شو استفدنا من هالشي؟؟؟!!!!
يا اخي انطرحت افكار حلوة كتير هون
طيب لنفرض انو ما بيمشي حالون هالافكار عطونا الاسباب عالاقل قولو اي اما لأ
الوقت ما معنا وفي مشاكل عم تتأزم
والادارة لحد الان معلقة !!!!!!!!

[abu kamal]

ولله ياشباب مابعرف شو بدي احكي من يومين لهلأ والاتصالات شغالة بس عبث
الله وكيلكم ماحدا لحدا

[syriana]

س سؤال شو وضع الادارة حاليا .. استقالو ولا بدهون يستقيلو . ولا ناطرين الاستاذ محمد ليرجع من السفر ..

اي شو هالنادي هاد الي مرتبط كل قرارتو بمدير النادي الي يوم بيكون مسافر . ويوم بيكون مسافر ...
واذا كان يوم ما مسافر ..بيكون الاجتماع فالسو .. ويؤجل اخذ القرارات الى اجتماع ما بعد السفر

بدنا نعرف بدؤو بالبحث عن مدرب جديد ..
هل يفكرون بالتجديد للاعبين الحاليين ..
لوين رايحين ...

[مهند شاويش]

ادارة الموقع ما عم تقصر مشكورة والملف رح يبقى مفتوح لنشوف حل للأزمة الحالية
ولحتى تستجيب ادارة النادي على استفساراتنا وأتوجه بشكل مباشر للسيد سليم سبع الليل الرجل الثاني حاليا بادارة نادي حطين
بتمنى سيد سليم تشارك معنا نسمع رأيك نشوف جديتك لما طرحت نفسك كمرشح لرئاسة نادي حطين نحنة كجمهور عريض بدنا نعرف شو الخطة المستقبلية اللي حضرتك متصورها لقيام نادي حطين من الكبوة ولحتى يستمر بسلم تصاعدي صحي وسليم

[Kh@led]

والله يا شباب الوضع منو سليم ابدا ..ابدا ... انا مستغرب هل الاهمال من ادارة النادي .. يلي الاتصالات معا مقطوعة لاسباب مجهولة .. و على الاغلب مصير الادارة متعلق بقرار رئيس النادي يلي رجع مبارح من السفر على حسب ما مقرر .. فيمكن بهل اليومين يبين كل شي

[نوار مالك مجبور]

اول شــــــــــي مجهود جبار والله اخي الغالي


:::::::::::::::::::::::::::::::::::::::

اود ان اتحدث باسمي وباسمي فقط .


يعني منذ عام 1963 و استلام حزب البعث/ الذي افتخر بانتمائي له/ الحكم


اتخذ دور الرقيب على المؤسسات التعليمية والرياضية والاقتصادية

الغاية من الحديث

انو الادارة ما عم تعرف شو تعمل ولا عم تعرف شو لازم يصير

بعتقد حل بئا يتدخل عضو قيادة فرع اللاذقية للحزب

مسؤول مكتبي الشبيبة والرياضة

يعني لما لازم بتدخل ما بيتدخل

والله ما بعرف يعني مازالت قيم حزبنا موجودة لم تتغير

بل نحن من تغيرنا

:::::::::::::::::::::::::::::::::::::::

انا احمل قيادة الفرع المسؤولية الحاصلة

من تخبط في نوادي الساحل

بصفتها المسؤولة عن الرقابة على جميع القطاعات داخل المحافظة

بما فيه القطاع الرياضي

:::::::::::::::::::::::::::::::::::::::

نوار مالك مجبور

أبو النور

[مهند شاويش]

بوافقك ابو النور بشكل كبير بالاضافة لفرع الحزب القيادة الرياضية بتتحمل المسؤولية الكاملة اللي وصلت الاندية الساحلية لهون وعجزها عن تأمين موارد مالية ثابتة سواء بقصد او بغير قصد لك حتى ملاعب تدريبية ما في
بس برجع بكرر رئيس مجلس الوزراء ما رح يسكر بابو بوش رئيس نادي معو ملف استثماري حقيقي يخدم نادي حطين ويجعلو مو بس نادي رياضي مميز لأ وثقافي كمان
ولا زلنا بانتظار الادارة .............................

[syriana]

أرسل أصلا بواسطة italiano

بوافقك ابو النور بشكل كبير بالاضافة لفرع الحزب القيادة الرياضية بتتحمل المسؤولية الكاملة اللي وصلت الاندية الساحلية لهون وعجزها عن تأمين موارد مالية ثابتة سواء بقصد او بغير قصد لك حتى ملاعب تدريبية ما في
بس برجع بكرر رئيس مجلس الوزراء ما رح يسكر بابو بوش رئيس نادي معو ملف استثماري حقيقي يخدم نادي حطين ويجعلو مو بس نادي رياضي مميز لأ وثقافي كمان
ولا زلنا بانتظار الادارة .............................

شايفلك الادارة اخر من يهمها الامر ...


انا بدي شجع الكرامة وبس ..
قال كانوا يحكوا بالحكايا القديمة .. انو كان في نادي اسمو حطين ...

هزلت ..

[مهند شاويش]

اخوي سيريانا الغالي بدها صبر خلينا نصبر كم يوم عسى وعل يبين شي مع ادارة نادينا الموقرة ومع المكتب التنفيذي بمحافظة اللاذقية

[نوار مالك مجبور]

اخوي مهند

ما القيادة الرياضية لا ترفض طلب من فرع الحزب

والله شـــــــــــــــي بيجنن


ليش هالاستهتار ما بعرف

::::::::::::::::::::::::::::::::::::::::::::::::::::::

أبو النور

[مهند شاويش]

ولازلنا ننتظر رد ادارة نادينا الموقرة وكل من سميناه ليشاركنا النقاش

[hutteen my love]

أرسل أصلا بواسطة italiano

ولازلنا ننتظر رد ادارة نادينا الموقرة وكل من سميناه ليشاركنا النقاش

والله يامهند بدك تنطر كتير لأن جميع اعضاء الادارة لايعلمون استخدام النت وموبايلاتهم مقفلة بوجوهنا

ولكن نطالب من يدخل ويتكلم بلسان احد اعضاء الادارة والذي يقدم له السمع والطاعة ويحاول تبييض وجهه ووجه الادارة أمام الأعضاء ويتهجم على الموقع وادارة الموقع والتي عملت كثيرا لناديها والشواهد كثيرة ولكن هم معذورون لأنهم حطينيون جدد في نادينا(وماصرلهم بالقصر غير مبارح العصر) أن يطلبو من مولاهم عفوا من عضو الادارة الذي أرسلهم ليتكلمو هنا ، أن يدخل ويدافع عن ادارته الكريمة .

[hutteen my love]

شباب بس عندي معايدة بسيطة :
أحد الحطينيون الجدد من الممكن أن يكون اليوم قد طبق سنته الأولى بانتسابه ومعرفته لشيئ أسمه حطين وأنا من هنا ومن هذا المنبر الحر الذي يتعب المتأنفشين والذين يريدون عندما يدفعو مبلغ 50000ألف ليرة من جيبتهم الخاصة أو من وراء التبرعات يريدوننا أن ناتي بطبل وزمر ونلف بشوارع اللاذقية ونهتف بأسمه (وهاذا صعب ومستحيل )

ونقول له كل عام وأنت بخير وبعتقد هي سنتك الأخيرة بنادي حطين لأنك تعبت قبل أن تبدأ لأنك نسيت أن نادي حطين لا يشعر بألمه سوى من عشقه وتنفسه هواء وهو صغير جدا.

[BaTiGoAl]

بس برجع بكرر رئيس مجلس الوزراء ما رح يسكر بابو بوش رئيس نادي معو ملف استثماري حقيقي يخدم نادي حطين ويجعلو مو بس نادي رياضي مميز لأ وثقافي كمان

ما عندي حكي بعد هالحكي ......
لانو الافكار موجودة وكلشي موجود بس الحجج بالفشل كمان موجود من قبل الطرف الاخر
وهون المشكلة.....

[مهند شاويش]

كلام ابو كمال وحمودة سليم مية بالمية وهيدا واقع

ومن هون أنا بكل شفافية بقول لادارة نادي حطين المبجلة اسألوا الادارات اللي قبلكن عن فشلن بالحرب على موقع نادي حطين الاكتروني وانو رح تتعرضوا لنفس المصير
بيكفي قول كلمة انو زمن المودا عدا
جمهور الموقع وروادو صاروا أكتر ذكاء وتنظيم وقدرة عالتخطيط والتنفيذ بكتير منك يا ادارة النادي الاستبدادية
والكلام ما بس موجه للادارة
صدقوني يا شباب في ناس صارت مكنسلة موضوع العودة لادارة نادي حطين لانو ما عندن تخطيط أو نظرة حقيقية وواقعية للمستقبل لأنو بيعرفوا انو هلأ مو متل قبل وانو صار في جمهور واعي مثقف بيناقش وبيحاور وبشارك باتخاذ القرار
رحلة الألف ميل تبدأ بخطوة ويا غوالي صرنا ماشيين مو خطوة وحدة بس صرنا ماشيين ربع المسافة وللمشككين بقول نفسنا طوييييييييل وعنا صبر ولياقتنا ممتازة ونحنة جاهزين

[حسن مكيس]

[quote=hutteen my love]شباب بس عندي معايدة بسيطة :
أحد الحطينيون الجدد من الممكن أن يكون اليوم قد طبق سنته الأولى بانتسابه ومعرفته لشيئ أسمه حطين وأنا من هنا ومن هذا المنبر الحر الذي يتعب المتأنفشين والذين يريدون عندما يدفعو مبلغ 50000ألف ليرة من جيبتهم الخاصة أو من وراء التبرعات يريدوننا أن ناتي بطبل وزمر ونلف بشوارع اللاذقية ونهتف بأسمه (وهاذا صعب ومستحيل )

ونقول له كل عام وأنت بخير وبعتقد هي سنتك الأخيرة بنادي حطين لأنك تعبت قبل أن تبدأ لأنك نسيت أن نادي حطين لا يشعر بألمه سوى من عشقه وتنفسه هواء وهو صغير جدا.[/quote]

36_1_11[1 36_1_11[1 36_1_11[1 36_1_11[1
الله حيون شباب ويعطيكم العافية
اخوي ابو كمال والله زعلتني على هادا الي عما تحكي عنو انو الزلمة بدو يعتزل قبل ما يحترف والله شي بيزعل طيب احكي معو واقنعو منشان ما يصير متل الطيور المهاجرة وتصير رجعتو من ضمن الحلول المطروحة اذا فكر يشتغل سنة تانية بنادي تاني على سبيل التغيير.
عجبي ..
تصبحون على حطين يا مخلصين

[خالد مثبوت]

السلام عليكم

كنت من فترة ليست ببعيدة قد قررت بعد اجتماع مغلق أجريته مع نفسي بأنني سأبتعد كليا عن كل ما هو متعلق بالرياضة في بلدنا و خصوصا ما يتعلق بنادي حطين باستثناء دخولي الى الموقع و منتدياته لأنني قد أدمنته الى درجة كبيرة .. و خاصة بعد أن وصلت الى مرحلة من الاحباط و اقتربت من اليأس قليلا ( عسى الله أن لا يجعلنا من اليائسين )
و على قول مطربتي المفضلة ماجدة الرومي ( اعتزلت الغرام ) ..
لكن في الحقيقة لم أستطع اعتزال الغرام ، و ما أدراك ما هو غرام نادي حطين و كلكم تعرفون ماذا يعني أن تكون حطيني ..
في الحقيقة استطعت مقاومة التواجد في الأماكن التي من الممكن أن يذكر فيها شيئا يخص النادي أو حتى تنظيرا متعلقا بأحد الأفراد أو أحد المدربين ، و استطعت أن أقرر في كل مساء خميس عدم الذهاب الى الملعب لكن ما أن تصبح الساعة الثانية من ظهر يوم الجمعة حتى أركب سيارتي لتقودني بمفردها الى الملعب و هات ياوجع راس و ما أحلاه من وجع .. فهذا الوجع نفسه قد أدمناه

عذرا على هذه المقدمة التي لا تمت لموضوعنا بصلة .. لكنني أردت أن أوضح لكم دورة العشق لكل شخص حطيني حيث تبدأ في بداية الدوري بالأمل و التفاؤل في تحقيق شيء ما لتنتقل الى التمني بتحقيق مركز متقدم على سلم الدوري لتتنتهي بالأمل و الرجاء و السجود للخالق من أجل البقاء ضمن الجدول الممتاز للموسم القادم .. و هكذا

أن تبني بيتا أسهل من ترميمه .. لأن الترميم يحتاج بالأساس الى وجود ركائز و بنية تحتية و غالبا ما تكون الأشياء التي تريد ترميمها هي اكسائية أو صحية أو .. لكنها بالمحصلة هي أشياء ثانوية و مشكلتنا هنا هي أننا لا نملك البنية التحتية و لانملك ما فوق البنية التحتية، و بذلك لا بد لنا من الهدم و من ثم اعادة البناء بطرق البناء الحديثة و الشاملة

كيف سيتم ذلك :

1- عملية الهدم :

أولا - الانتساب للنادي

أرجو أن لا يفهم كلامي بأن الهدم هو الغاء الآخرين فليس لأحد الحق في الغاء الآخر بل ما أعنيه هو الغاء المسيئين لنادينا و لسوء الحظ فان الأغلبية الموجودة ضمن أروقة و ممرات شوارعنا الرياضية في الوقت الحالي اما هي متحجرة بأفكارها العفنة و اما هي جاهلة ثقافيا و لن يتم الغاء هؤلاء الا بالغاء هذه الأكثرية و جعلها أقلية و هذا لن يتم الا بانتساب الأكثرية المثقفة و الواعية الى سجلات أعضاء نادينا و ليس على هؤلاء الا تقديم ورقة انتساب الى ادارة النادي و الالتزام بتسديد اشتراك سنوي زهيد و كونوا على ثقة لن تستطيع أي ادارة رفض هذا الانتساب ..
و ان انتسب الى النادي 100 شخص مثقف و واعي فهو عدد جيد و ان انتسب 1000 فهو عدد ممتاز
و هل تعلمون بأن عدد أعضاء المنتسبين الى نادينا يفوق 2000 عضو حاليا أكثر من نصفهم هو بعيد أو هو مسافر أو هو في ذمة الله ..
و عند انعقاد أي مؤتمر انتخابيا كان أو غير انتخابي فسيكون لهؤلاء المنتسبين أصواتا مؤثرة و ان كانت أفكارهم كالأفكار المطروحة هنا في المنتدى فأعتقد بأن نادينا سيولد من جديد
و بذلك سيكون قد انتقلت ثقافة نادينا من ثقافة اللااحتراف الاداري الى ثقافة الاحتراف الاداري .. و بذلك نكون قد زرعنا بذور كوادر ادارية يمكن الاعتماد عليها في المستقبل القريب و العاجل لقيادة أمور هذا النادي .. و ستكون صناعة القرار بأيدي أمينة و حريصة و هذه الأيادي لا تتبع لمجموعة و لا تستمد قراراتها الا من ضمائر أصحابها ....

ثانيا - الغاء العواطف و اللجوء الى المنطق :

يجب علينا جميعا أن نكون منطقيين و علميين في تقييم الأمور و تقييم الأشخاص و أن نبحث عن المسيئين و وضع اشارة اكس عليهم فهؤلاء هم معطلين و ليسوا بفاعلين .. و نصل الى تقييم يمكننا من اختيار اداراتنا من الأشخاص النشطاء و الغير المكتفين بشرب القهوة و الشاي عند أبو صطيف دكر و غير المنظرين لمجرد التنظير فهؤلاء هم بالنهاية منظرين
و لا بد لنا من اختيار أشخاص يتمتعون بشخصيات ادارية محض و الادارة هي علم و موهبة و ليست هواية و اضاعة للوقت


2- عملية البناء :
اسمحوا لي بوضع نظرة مستقبلية تخص لعبة كرة القدم ( كمثال ) و هي تنطبق على باقي الألعاب :

أولا - فريق الرجال :
ضمن امكانيات نادينا المحدودة أعتقد بأننا غير قادرين على المنافسة و ان ما نطمح له هو البقاء ضمن فرق الدرجة الأولى و ان كان الله يحبنا يجعلنا في مركز متقدم نوعا ما

لذلك علينا الانطلاق من هذا المبدأ و العمل على أساسه و بشكل مؤقت ريثما تتم عملية بناء النادي و هذا يتطلب منا كجماهير التفكير العقلاني و أن لا نطلب من فريقنا الأول أكثر من طاقته و التصفيق له ان فاز و التصفيق له ان خسر

ثانيا - بناء القواعد :
هذا هو لب الموضوع :

- استقدام مدرب أو أكثر من ذوي الخبرات الواسعة في بناء القواعد و تخصيص موازنة محترمة لهؤلاء المدربين
- العمل على البحث عن المواهب من خلال اعادة تفعيل كشافي المدارس و كشافي الأحياء الشعبية فاللاذقية التي أنجبت عارف و هشام و بشار و عمار و سامر و جمال ..يمكنها انجاب المزيد و علينا ضمهم الى نادينا
- تخصيص أشخاص اختصاصيين لمتابعة أمور هذه الفئات العمرية و تأمين احتياجاتهم الشخصية و العائلية
- العمل على تثقيف هؤلاء بثقافة احترافية منذ الصغر و النظر اليهم كاستثمار مجدي للنادي
- المهم و المهم و الأهم من كل هذا تربية هؤلاء تربية أخلاقية تساعدهم في المستقبل و تساعد ادارات النادي على التواصل فيما بينهم و بالنهاية الرياضة هي أخلاق
- فمن مدارس الصغار يمكن استقطاب عشرات الموهوبين الى فئة الأشبال و من فئة الأشبال ان استطعنا اختيار فريق للناشئين على مستوى جيد و من فئة الناشئين ان استطعنا ترفيع 7 لاعبين جيدين جدا الى فريق الشباب و من هذا بدوره رفعنا 5 لاعبين ممتازين الى فريق الرجال و هؤلاء الخمسة لاعبين ألزمناهم بالتوقيع لمدة 4 سنوات على ألأقل مع الفريق الأول .. و هذا الأمر هو سنوي فباعتقادي بأن نادينا سيتفوق على نادي الاتحاد و نادي الكرامة أيضا

كما تلاحظون معي فان وقت هذه العملية من الممكن أن يكون طويل نوعا ما و لكنه ذو تكلفة قليلة و متناسبة مع امكانياتنا و بذلك نكون قد زرعنا أسسا علمية و تربوية لبناء فريق مثالي يكون نواة لنادي اجتماعي و رياضي نعشقه و نحبه

( ما سبق يا شباب يحتاج الى تأهيل كوادر ادارية قادرة على البناء و قادرة على اعداد حتى الكوادر الفنية التي للأسف أيضا يفتقد اليها نادينا بالعموم )

و أعتذر من الجميع على الاطالة لكنني حاولت الاختصار قدر الامكان
أرجو التكرم من الجميع بمناقشتي بما ذكرت ليصححوا ما أخطأت به ، أو ليذكرني عما غفلت عنه .....

و على قول صديقنا حطيني فقط ( تصبحون على حطين جديد )

[Kh@led]

اول شي مشكور استاذ خالد على مداخلتك الغنية ..و يلي بصراحة تامة .. بتتاطبق مع كتير من الافكار يلي عم تدور بمخيلتي حول نادي حطين .. و طرق اعادة النادي الى المسار الصحيح ...

النقطة الاولى : الانتساب الى النادي .. و يلي بتنعد اهم نقطة بالموضوع و النقطة يلي رح يبلش من عندا عملية البناء .. كيف ؟ وقت بينتسب اغلب اعضاء المنتدى للنادي و يلي بيطلعو شي 1500 عضو .. رح يشكل المنتدى بالناادي قوة كبرى لانو عن طريق اعضائو يلي مشكلين الاغلبية رح تنتخب الادارات .. فلذلك .. المرشحين رح ينجبروا بوضع برنامج عمل بالمنتدى ليقنعوا الاعضاء بانتخابون ... فلذلك من هون رح يكون في تقييم شامل لبرنامج عمل كل مرشح .. وبالتاكيد رح يتم اختيار الافضل .. و وقتها كل عضو بالادارة مسؤول عن برنامجو ..ما متل هلاء ..بيدخل عضو الادارة ..ئيد من ورا و ئيد من قدام.. ما بيعرف شو لازم يصير .. و ما حدا بيقدر يحاسبو على شي ...

عملية البناء بتطلب وعي من جمهورنا .. وهل الشي مفقود حاليا ..كون جمهورنا جمهور نتائج .. ورح تمثل هل النقطة العقبة الاكبر بعملية اعادة البناء..

بناء القواعد سليم .. وما بحاجة الى اي مداخلة ...