ملف ادارة نادي حطين - الصفحة 3 - نادي حطين السوري

BaTiGoAl · #41 (**permalink**) 14/05/07

اقتباس:

ثانيا - بناء القواعد

استاذ خالد
كلامك واقعي جدا وهاد هو اللي نحن عم ننادي فيه او بالاحرى النا عم ننادي فيه من 3 سنين واكتر
يعني ما عم نطلب يجيبولنا محمود امنة وجهاد الحسين ونجوم سوريا ليلعبو بحطين... !!!
الاهتمام بالقواعد ...شبان حطين هن الامل ... لكن وين التطبيق ....
ويا ترى اذا تم انتخاب او ترميم ادارة جديدة رح تقدم برنامج مستقبلي عن هذه الامور؟؟؟
واذا قدمت رح تتابع عملها بالشكل المطلوب لاخر الموسم!!!
سؤال بعترف بصراحة انو سؤال انهزامي لكن هاد اللي تعودنا عليه من السنين الماضية
ولو انو في ذرة تفاؤل هالسنة اكتر من قبل انو باذن الله في تحسن بالتفكير
شكرا الك استاذ خالد عمشاركتك الغنية لو كان في حدى بالادارة عندو هيك مخطط وعم يطبقو صدقني ما كنا فتحنا هيك موضوع ....

ahmad_hutteen · #42 (**permalink**) 14/05/07

مشكور استاذ خالد على مشاركتك وانا حابب ان اضيف انه اذا منبعت لمدرب ابن نادي حطين انو يطلع يدرس خارج بالمانيا مثلا ويتعلم المزيد عن التدريب وياخد شهادات بالتدريب بالجامعات العالمية ويرجع يدرب حطين واكيد رح يوفر لنا المال الكثير ولكين المدرب بشار سرور لانه فعلا مشروع مدرب قدير بالمستقبل

مهند شاويش · #43 (**permalink**) 14/05/07

استاذ خالد بتشكرك على قبولك دعوتي الك للمشاركة وانا كنت واثق من نظرتك الواقعية للمستقبل القريب والبعيد وبحب شدد على نقطة الانتساب كعضوية الى نادي حطين لنصير جبهة مثقفة بتقدر تفرض ادارة نادي بتعبر عن تطلعات هالجبهة الواعية
أما بموضوع ابعاد المسيئين وانو نحط عليهن اشارة اكس
فأنا مع هالمنطق وبتشدد كمان بتفعيل منطق ابعاد المسيء بتشكرك استاذ خالد عالمشاركة وبتمنى عليك مع السيد راشد العودة للعمل الاداري بشكل فعال لحاجة النادي لامثالكم بالوقت الحالي>

YOUSEF..MS · #44 (**permalink**) 15/05/07

شكرا استاذ خالد على مشاركتك ..

بس كنت بتمنى لو طرحت هالشي بالاجتماع اللي صار اليوم ..لان بحب الفت انتباهك شو مكتوب تحت اسمك ( حطيني مسؤول ) واذا كل واحد بدو يعمل متل ما عملو الاعضاء اللي ما حضرو الاجتماع لمين بدكم تتركو حطين اللي جميعكم عم ( تتدعو ) بحب حطين ( اسف على هالكلمة ) بس الصراحة ما عم نشوف هالشي ابدا بفريق الرجال يعني لو اشتغلتو جميعكم بفريق الرجال متل ما اشتغلتو بفريق الشباب وبنفس التعاون بعيدا عن الكره والحقد الموجود بينكم صدقني كان وضعنا افضل بكتير ..

تصــــبحون علـى إدارة

مهند شاويش · #45 (**permalink**) 15/05/07

بما انو الامور صارت واضحة والادارة استقالت ودون النقاش الطويل بأسباب الاستقالة واللي اصر عليها رئيس النادي وانا بعرف انو رح تبلش حرب جديدة بين الادارة الحالية السابقة والادارة المقبلة لانو التفاهم غائب والاحقاد موجودة
على كل حال ما يهمنا هو حطين وليذهب كل المخربين الى الجحيم
هلأ كل عضو بموقع حطين يحكي لرفيقو كاضعف الايمان عن الفراغ الاداري بالنادي واللي بيقدر يوصل لمروان عرفات أو اياد ناصر او اي شخص صوتو مسموع فوق ما يقصر ومتل ما عودتكن انا فورا رح خبر لطفي الاسطواني
الضغط باتجاه القيادة الرياضية بشكل سريع ومباشر لتحدد يوم لانتخاب ادارة حطينية جديدة من قبل الأعضاء وبدعي كل أعضاء المنتدى بأسرع ما يمكن يجهزو عضوياتن لنكون جبهة قوية متل ما اتفقنا
وبما انو نادينا بورطة وبورطة كبير
في عندي اقتراح صعب يتنفذ بس بدوشجاعة كبيرة شجاعة مفقودة عند ناس كتير
انا بقترح
ادارة اقطاب تتألف من محمد قدور -راشد جعارة -خلدون وليد-خالد مثبوت-عدنان ابو كف-سليم سبع الليل
اللي بتعجبو الفكرة بتمنى يبلش تسويق الها وركزوا على كلمة ادارة اقطاب
هيدي الادارة قراراتها بتكون بالاجماع من دون تفرد بالرأي وبتخيل رح تكون اقوى ادارة ماديا مرقت بتاريخ النادي وهيك ادارة ممكن تعمل مشروع استثماري للنادي كبير وتسجل الاموال المدفوعة كدين عالنادي يتم استردادها عند بدء الاستفادة من المردود المادي لهذا المشروع

ربيع وزان · #46 (**permalink**) 15/05/07

السلام عليكم و رحمة الله و بركاته
مشكورين
بس الشكر الخاص للحطيني الخاص ايتليانو حطيني من نوع خاص جدن
مشكور ع الموضوع كتير
انا بقول انو الأدارة مقصرة شوي صغيرة و الله يقويها ع القومة و العافية و بتمنالها الخير إلها و للجميع
هو صحي انا يا حطيني من نوع خاص و فريد جدا ما بحب ايطاليا لأنو انا ألماني بحت و ليفربولي بس و الله بتحب انت و كل الأعضاء و السلام عليكم 36_1_21[1].*
كان معكون HERON":"016

BaTiGoAl · #47 (**permalink**) 15/05/07

اخي مهند ادارة اقطاب تجتمع وممكن تجتمع بس يا ترى هلق الاعضاء اللي ذكرتهن بيقبلو يجتمعو كلن سويا؟؟؟؟انا بمني النفس بهيك ادارة بس اختلاف وجهات النظر وفروق الاراء بين هالاشخاص موجود بشكل كبير..... يعني حل نعمل عضويات بالنادي تأثر لنطرح افكارنا وحلولنا جوا المنتدى
بركي بيجتمعو كلن
كفكرة ممتازة و لازم تنطرح كمان عسى ولعل نلاقي الحل والله ما تركنا شي ما قلناه بس للاسف كل مين على هواه

عاشق الماردكيان · #48 (**permalink**) 15/05/07

الأساتذة راشد جعارة و خالد مثبوت

كنت أحبذ لو أن كلامكم هذا قد طرح في الإجتماع الذي عقد في النادي

غيابكم عنه ترك أكثر من علامة إستفهام ؟؟؟؟؟

بعد أن حدث ما تريدونه بإستقالة الإدارة ........

ما هو موقفكم الآن ؟؟؟؟

syriana · #49 (**permalink**) 15/05/07

المطلوب ادارة تقول انها تريد ان تنفذ خطة (مشروع )مكونة من
1
2
3
4-
الخ
شرط ان تطرح الكيفية لتنفيذ هذه الخطوات ..
كل الادارت (معارضة او موالاة -او حالية او سابقة 36_1_21[1].* -) ان سالتهم ماهو رايكم باقتراحكم لتطوير النادي سيتفقون على
جيل شاب ومدرسة كروية .. وكم جزئية اخرى ..
لكن ولا ادارة طرحت كيف وما هي الخطوات (القادرة ) على تنفيذها ليتم ذلك ..

لنصدق مع انفسنا ونعترف ان كل الادارات الاخيره كانت ادارات تعتمد على خطة (كل يوم بيومو ) ويكاد عملها يقتصر على دفع اجور اللاعبين .. وفقط ...وربما بمنية كمان .. ولا ادارة عمدت الى خلق مشاريع مستديمة ..تطور النادي ماديا وفنيا (لاعبين ومدربين . ومدرسة )

يا ترى ما هي انجازات الادارة السابقة او الحالية او التي قبل قبلها ويمكن ان نجد لها اثرا في النادي حاليا ؟؟؟او نتذكرها على الاقل ..

ahmad_hutteen · #50 (**permalink**) 15/05/07

انا باعتقادي انو الاستاذ محمد قدور مارح يرفض ادارة الاقطاب وانو يكون واحد منون واكبر دليل انو تفاوض مع المعارضة و وحتى كان هو مستعد للتخلي عن رئاسة النادي لكي يلم الشمل ولكن لم يحصل وبقي موقف المعارضة على حالها لااحد يعلم لماذا

مهند شاويش · #51 (**permalink**) 15/05/07

كلام اخي سيريانا صحيح

من جهتي بوجه سؤال مباشر للسيد راشد جعارة وخالد مثبوت وسليم سبع الليل وخلدون وليد ومحمد قدور
هل انتم على استعداد للعمل ضمن ادارة واحدة ؟
بدنا كموقع جماهيري كبير جواب بنعم أو لا قبل البحث بالتفاصيل

ahmad_hutteen · #52 (**permalink**) 15/05/07

باعتقادي لو انهم بحبوا نادي حطين ومخلصون مارح يرفضوا هذا الطلب وسيتكاتفوا كلهم يدا واحدة لمصلحة النادي

مهند شاويش · #53 (**permalink**) 16/05/07

اعتقادي الحالي أن هناك حلا يطبخ وعلى نار هادئ
ما نتمناه خلال الفترة القادمة ولادة ادارة حطينية مميزة وقوية مقتدرة ومتعددة الأقطاب ولن يتم حل الموضوع الا بجلوسهم سوية والعمل معا كفريق واحد
وإن كتب الله لحطين الفرج وتشكلت هكذا ادارة فسأقول لكم مبروك على ولادة حطين بطل قوي منافس وسنتخطى نادي الكرامة خلال ثلاث سنوات حتى لا أبالغ لأن ما يملكه نادينا من عشق جماهيري قل نظيره على مستوى الوطن العربي ومن افكار خلاقة وإبداعية ستجعل نادينا وبالتعاون مع ادارة ناجحة من افضل نوادي سوريا باذن الله
قولوا الله ويا رب والله يوفق الجميع لمصلحة حطين

juventini · #54 (**permalink**) 17/05/07

مهند الغالي فاجأتني بهالمفهوم الجديد اللي سميتو "إدارة أقطاب" و لما فكرت بالشي اللي ممكن يتحقق فيما لو تحققت هيك فكرة فالنتيجة رح تكون قوة مالية رهيبة لنادينا و اللي هي بغض النظر عن كل شي المشكلة الأولى و الأساسية اللي عم نعاني منها على طول.. و كمان نتيجة تانية و هي عدم قدرة حدا على التفرد باتخاذ القرار..
إدارة أقطاب فكرة مبدعة و كلما فكرت فيها أكتر ازدادت قناعتي فيها أكتر.. و كمان تشجيع كل حطيني على تسجيل عضوية رسمية بنادي حطين و متابعة و حضور المؤتمرات المستقبلية و فرض رأي جمهور المشجعين المثقف و الواعي..

مهند شاويش · #55 (**permalink**) 27/05/07

للاسف الانقطاع اللي صار عن المنتدى لأنو الموقع ما كان عم يفتح بالامارات كنت بتأمل بعد غياب اسبوع تقريبا شوف شوية فعل حقيقي صار بس للاسف مكانك راوح لهيك رجعنا ورجعوا حبايبنا

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات