:::: ذكرياتنا في اللاذقية ::: للمغتربين

[أبو هشام الحطيني]

و الله يا عاشق التبليطة شكلك نائل مني
شو اسمك الحئيئي
ممكن كون بعرفك لأنو اللي ذكرتو نفسو بالمللي اللي كنا نعملو من مدرسة عدنان المالكي
بئى قرّ و اعترف و ئول اسمك الحئيئي

[سامر خالد منى]

تحية لأبو هشام الحطيني
أحلى ذكرياتي عندما كنا في أوائل الثمانينيات نهرب من مدرستنا الغالية عدنان المالكي
لنتابع تدريبات نادي حطين ، ولم يكن النادي مبنياً من الخارج بعد ..
ولمَّا كنَّا نهرب للملعب البلدي لنحضر مباريات الدوري (ونقلب على الحيط منشان ما ندفع) ...
والله يا شباب أيام حلوة !!
وأيامنا هذه متعبة ولا سيما العمل الذي يستغرق أحياناً من الصباح حتَّى المساء ...
وتبقى ذكرياتنا وقود الحاضر في مواجهة تحديات المستقبل ...

[حسن مكيس]

أخوي أبو خالد ( سامر خالد منى ) ميت هلا وغلا
أول شي الله يعطيك العافية استاذ سامر تاني شي بركي بتحكي للشباب قصة المقامة الي كتبتا بالثانوي واذا لساتا عندك بتمنى منك تبعتلي اياها برسالة خاصة هي والمقامة الطمطمية .
على فكرة أخوي أبو خالد شاعر عتيق وكاتب أيضا بتمنى منو لو عندو وقت يفيدنا بتجربتو الغنية بما انو دبلوم أدب عربي وشغلتو .
تصبحون على حطين يا مخلصين

[حطين]

والمقامة الطمطمية .

شو يعني ؟

[عاشق التبليطه]

اخوي ابو هشام انا اسمي محمد وهلئ مقيم بابو ظبي وشغال بشركه مقاولات ومواليد 83
وازا انت ساكن بدبي انا نازل على اللدئية بعد شهر بئا لعيونك ازا بدك تبعت معي غراض لعيونك ياخي

[عاشق التبليطه]

طيب يا شباب بتتزكرو هادا البياع اللي كان يجر عربية ويفتل بالحواري بليل ويئول لوز عبيد لوز يا ترى اساتو عايش لهلئ ازا كان عايش الله يعينو وياخد بيدو وازا كان ميت الله يرحمو

[أبو هشام الحطيني]

طيب محمد شو ؟؟؟؟؟

على كل حال انا حليل" بدبي و نازل عالبلد بعد شي شهر كمان

و بياع العبيد انا شفتو الشتوية الماضية لهداك الوقت كان شغّال لسا

الله يطول عمرو صار من معالم اللادئية التاريخية

على كل حال تسلم يا غالي و مشكور

أخوك أحمد راعي

[عاشق التبليطه]

عراسي اخوي ابو هشام انا اسمي محمد عبارة وهادا رقم موبايلي واهلا وسهلا فيك ايمتا ماحكيت منكسب اخ عزيز علينا 0503973242

[أبو هشام الحطيني]

تسلم يا غالي

[ليال]

يااااااااااا جماعه انا حنيت برشا للادئيه لشارع الاميركان والكورنيش الجنوبي الشاطئ الازرئ والسهره المساااا
لصلنفه وسلمىىىىىى
ايمتا بدنا نجيييييييي ونخلصصصص

[أبو هشام الحطيني]

هالصيفية اللي مرئت قضيت يوم من أتعس أيام حياتي بتاريخ 29/7/2007 كنت بسلمى و كان يومتا الشوب شي فظيع و ما طبيعي و خيالي و لا يطاق حتى بالليل مع رطوبة كبيرة يمكن 250 بالمية

و فوق كل هيدا كان في هجوم مسلح لقوافل البق لدرجة فظيعة


والله العظيم يا جماعة ما قدرت نام من الشوب و البق علما" انو بالبيت شي 5 مراوح

صدقو أو لا تصدقو

طفشت من البيت شي الساعة 4 بعد نص الليل و ئعدت بالسيارة و شغلت المكيف و حطيت راصي و نمت و ما حسيت لصارت الساعة 11

ما رأيكم دام فضلكم بأتعس يوم سلماوي

[سامر خالد منى]

إلى حطيني فقط
سأعطيكم المقامة الطمطية وهي فكاهية يا ( حطين )
والمقامة المالكية
بس كنت مسافر عاللادقية
وهلق رجعت عالغم والهم والعمل بقطر
بس كام يوم وباكتبلكم كل شي وذكرياتنا
وآلامنا في الغربة
ادعولنا نرجع عالبلد سالمين غانمين آمنين
عرفني عن نفسك يا حطيني !!!!!!

[أليــ الملــك ــكـس]

لك آآآآآآآآآخ يا شباب على اللادقية
وجمال اللادقية وحلاوة اللادقية وحلاوة مصايفا
شو مشتهي هيك جاط فتة من عند أبو سويس ..... آآآآآآخ
ولا شي كاسة عصير هيكة من عند سعدية
وأحلى مكابيس من عند كردغلي
وخدلك عسحور بقا
يلا انشالله رجعتنا بتكون بالسلامة

[الصليبه]

احلى شباب بي المنتدى كلوا والله وسلا مي لكل اهل الا ذقيه وخصوصا اهالي http://www.hutteensc.com/forum/images/toolbox/smile.gif
عرض الوجوه التعبيريةالصليبه ومشروع الصليبه
انا فراس مقيم في السويد وحطينيي وبحب الاعب الحطيني البطل السريع مروان سيده

[الصليبه]

احلى شباب بي المنتدى كلوا والله وسلا مي لكل اهل الا ذقيه وخصوصا اهالي
عرض الوجوه التعبيريةالصليبه ومشروع الصليبه
انا فراس مقيم في السويد وحطينيي وبحب الاعب الحطيني البطل السريع مروان سيده

[الصليبه]

احبكن يا حطينين احبك يا مروان سيده يا احلى ابن عمي صطيف والله واحلى شباب الصليبه


وتحياتي لكل الشباب والصبايا اللي في المنتدى":hl 36_1_11[1 36_1_11[1 36_1_11[1 36_1_11[1 36_1_11[1 36_1_11[1 36_1_11[1 36_1_11[1 36_1_11[1 36_1_11[1 36_1_11[1

[bluestar1980]

يا شباب مسا الخيرررر
دبحتنا الغربة والله واللاذقية دايما بقلبنا

[حطيني وبس]

الله يلعن اخت الغربة يا شباب

[حطيني وبس]

والله فتحت جروحنا ياحطيني مغترب

[moslema99]

السلام عليكم
انا الي اقارب من اللادقيه ويا ريت اعرف شي عنهم ,,,, الي بعرفو انهن ساكنين في محل اسمه يمكن ساحل الشاطىء مخصص للفلسطينيه (عرب 48) يا ريت تساعدوني