:::: ذكرياتنا في اللاذقية ::: للمغتربين - الصفحة 3 - نادي حطين السوري

YOUSEF..MS · #41 (**permalink**) 16/01/08

اقتباس:

أرسل أصلا بواسطة moslema99

السلام عليكم
انا الي اقارب من اللادقيه ويا ريت اعرف شي عنهم ,,,, الي بعرفو انهن ساكنين في محل اسمه يمكن ساحل الشاطىء مخصص للفلسطينيه (عرب 48) يا ريت تساعدوني

اهلا وسهلا فيك

بالنسبة لاقاربائك قصدك ساكنين بالمخيم في حي القدس في اللاذقية وانا بحاول اني ساعدك بس يا ريت تقلي برسالة خاصة شو اسم العيلة لاقربائك وان بعمل اللي عليي

سامر خالد منى · #42 (**permalink**) 20/01/08

مرة كنا بعدنان المالكي بصف الحادي عشر (84-85) وبدنا نهرب من المدرسة ويطلعلنا على الباب لما هربنا الأستاذ نعمان ريس ويلحقنا والمشكلة كان قائد حملة الهروب عبد الله ريس ابنه ..

المهم عبودة أكل قتلة من أبوه ..
وأنا من أبي الأستاذ خالد منى في المدرسة .. وكذلك أخوي التوءم سمير ..

ويا محلاها تلك الأيام

ابو فارس الحطيني المشتاق · #43 (**permalink**) 22/01/08

مساء الخير يا شباب و الله يعطيكم العافية انا حابب اشكر اخوي بشار على هل الموضوع الحلو ويلي زكرني بشغلة صارت معنا و نحنا طالعين ع لعبة حطين و الكرامة بحمص المهم كان معنا اخوكم ابو مروان مهند شاويش و فراس سبع الليل و اذا شوفير المكرو بدو يصلي بطرطوس صلاة الجمعة و بيدخل ع هل الجامع و مندخل معو بس وين الطرفة انو الشيخ طول بالخبة شي تلات ارباع الساعة و نحنا بالاصل كانت رايحة مننا شي ساعة و ع حكي و بهديك الساعة يا شباب بقوم ابو مروان من محلو و بقلو للشيخ يبوه خلصنا ما حاجتى هل الخطبة بدنا انلحق اللعبة و يمكن كان في شي 100 شخص بالجامع ماتو من الضحك و الانكى من هيك انو ابو مروان و قت حب انو يدعي ع الطريق منشان الله يشتت اقدام فريق الكرامة عن الكول و يثبت رجلين عارف الملك ع الكول موتو للشوفير من الضحك و كنا حاطين علم ع وجه المكرو و قلب ع الازاز من قدام و الشوفير و ين هو عم يضحك مع ابو مروان الملك و عيونكم ما تشوف غير انو ابو مروان نفصو عروقو و صار يدعي انو ما حدا يطلع بوشنا هههههههههههههه و ع ضحك
الله يرحم هديك الايام و يعيدها علينا بالخير

بحبك يا حطين بحبك

مهند شاويش · #44 (**permalink**) 22/01/08

الله عليك يا ابو فارس لوين رجعتني
اللهم انصر الحطينيين والحطينيات , الأحياء منهم والاموات
ههههههه
الله يرحم هديك الايام بس نفدنا من حادث عجيبة هههههه

حطيني وبس · #45 (**permalink**) 01/02/08

فتحت جروحناااااااااااااااااا لك اخوي

عاشق التبليطه · #46 (**permalink**) 29/02/08

مين بيعرف ابو شكري بياع العيران شباب اللي بيوئف بسوء التجار

InVaDeR · #47 (**permalink**) 29/02/08

اللادئيّة ..................

آخ شو زعلان لانّو بيوم من الإيام أكيد رح اتركا...........

سامر خالد منى · #48 (**permalink**) 01/03/08

أخي محمود

بس تسافر

رح تحن للبلد وتفكر مليون مرة ترجع لها !!

حطيني وبس · #49 (**permalink**) 01/03/08

مارح فول شي بس بدي قول دخيل ررب اللادئية

InVaDeR · #50 (**permalink**) 01/03/08

اخوّي سامر......

بعرف هل شي و لهيك زعلان......

سامر خالد منى · #51 (**permalink**) 02/03/08

أخي محمود
الله يعينك
ويقويك عالغربة
الغربة حلوة من وراها مكاسب كثيرة
ولكن تراب الوطن أحلى
=============

ما أحلى الرجوع إليهِ !

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات