أعضاء تحت دائرة الأضواء (( Teary Eyes ))

[ahmad_hutteen]

مشكورة الاخت لين
بس عندي سؤال واحد
شو طموحاتك المستقبلية يعني شو مفكرة تعملي تكفي دراسة ولا تعملي شي مهنة معينة كالخياطة مثلا او ماتعملي شي (ربة منزل)
وشكرا

[نتالي]

لين ذات القــــلم المبدع




أهلا فيكي لين وعاشت الأسامي اسمك جدا حلو...

لين بنوتة لطيفة جدا جدا على القلب ردودها جميلة وغير هيك أنها لبقة جدا جدا بالتعامل ...



حساسة وأكيد هذا الشي أثبته مواضعيها الأدبية المميزة وبهنيكي عليها ..

لين انا بشوفك انسانة هادية نوعاً ما صح ؟؟وانتي قلتي إنك مرحة ؟

عندك قدرة على الكتابة بشكل حلو شو هي أكتر الكتب اللي قرأتيها


وبتعتقدي إنها كنت الدعم لأساسك الأدبي ؟

بماإنك بتحبي الكتابة والشعر مابتفكري بيوم يكون إلك كتاب يحمل اسمك ؟؟؟؟؟؟

شاركتي خلال مرحلة الثانوية بأي نشاطات أدبية ؟؟ وتركتي بصمة فيها ؟؟

خلصت الأسئلة الأدبية .. لنبلش بالعامية مشان آخد راحتي معك وانفرد فيكي 36_1_12:

أولا كيف إنتي حمصية وأنا مالي خبر شو القصة وبعدين شو نص ونص


شو القصة يالييييييييييين ؟؟؟

ليه مابتشاركي بالمنتدى الإجتماعي ؟؟؟

أكتر الأعضاء اللي بتابعي مواضيعهن باهتمام ؟

مين برأيك المنافس إلك بالمنتدى الأدبي ؟؟؟؟

بماإنك حمصية مو المفروض تكوني كرماوية ولا شو ؟؟

شو أكتلك المفضلة ؟قولي معكرونة وبعزمك لعند ديار على دبي عاحسابها طبعا

وآخر شي يالين بوصلك سلام حار من ديار وبتعتذر عن الدخول هلأ لأنه شوي مشغولة


عاملة حالها بزنس ومن

بس حبت توصلك سلام خااااااااص لك وبتقلك انها فقدتلك كوميات بالحمصي هي

وان شاء الله يالين بتخققي كل أمنياتك وطموحاتك وبتكوني كاتبة أدبية مميزة عالمياً ...

[Teary Eyes]

أخي الريان
شــــكرا لك .. شرف كبير لا أستحقه بعد

-------------

الأخ boss

أنوي بالطبع استكمال دراستي .. و في بالي دراسات عليا
جميل للمرأة أن تكون ربة منزل ... و لكن بتعليم عالي
لكي تكون أقدر على القيام بأسرتها

أشكرك على السؤال المميز

[Teary Eyes]

نتالي الأمووووووووورة
مبسووووووطة بمرورك كومياااااات

و سعيدة بدعمك المعنوي اللي كنت ناطرته من الحزب البناتي
و أخيييييييييرا !!

لين انا بشوفك انسانة هادية نوعاً ما صح ؟؟وانتي قلتي إنك مرحة ؟

أنا هادية كتير مع نفسي
و مجنوووونة مع الناس .. بحب اضحك و احكي كتير
عندي طاقة هائلة بحب فرغها 36_1_21[1].*

عندك قدرة على الكتابة بشكل حلو شو هي أكتر الكتب اللي قرأتيها


وبتعتقدي إنها كنت الدعم لأساسك الأدبي ؟

أعتقد ... كتاب (الأجنحة المتكسرة) لجبران خليل جبران لأنه كان من أول الكتب التي بدأت في قراءتها و حفظت شيئا منها ..
كما أن لأشعار الكبير نزار قباني أثر طاغي علي

بماإنك بتحبي الكتابة والشعر مابتفكري بيوم يكون إلك كتاب يحمل اسمك ؟؟؟؟؟؟

الفكرة واردة جدا ...
أحتاج التشجيع و الدعم المعنوي فقط ..

شاركتي خلال مرحلة الثانوية بأي نشاطات أدبية ؟؟ وتركتي بصمة فيها ؟؟

لم يكن في المدرسة نشاطات تذكر ..
سوى كلمة تم ترشيحي لكتابتها و إلقائها في حفل التخرج نيابة عن الطالبات و لاقت الإعجاب من الجميع

------------------------------------

و هلأ أنا كمااان رح جاوبك بالعامية

هادا يا ستي النص الحمصي من البابا
و النص اللادئاني من الماما
و مشان الحل الوسط تركنا هون و هون و اجينا عالكويت

---

عدم أو قلة مشاركتي بالمنتدى الإجتماعي ما لسبب معين صدقيني , يمكن الوقت ما عم يساعدني كتير بهالفترة
بس بوعدك إني رح اعمل جهدي تكون مشاركاتي و ردودي اكتر من هيك لأنه هالشي بقربني اكتر من المنتدى و الأعضاء

---

ما في عضو معين ..
بس في مجموعة بارزة بالمنتدى و مميزة بمواضيعها
بكون حريصة اني تابع كل شي جديد بيتعلق فيها
36_1_12:

---

امممممم .. بالنسبة للمنتدى الأدبي
ما بقدر قول اني بنافس حدا
بس رح خبرك مين بيعجبني و بتمنى اني نافسهم :
بنت البحر
الآغا
ابنة الجنوب (سابقا)

و اختياري هالأسماء بالذات لأنه الأسلوب متقارب و في إحساس مشترك ..

بنفس الوقت في أقلام كتير كبيرة أنا ما بيطلعلي معها شي متل شاعر المنتدى ((أبو مروان))

----

و الله يا عزيزتي .. خبرتي بالنوادي الرياضية ما بتعجبك
و خاصة اني بعيدة كتيييير عن حمص و من زمان
و يمكن لو ما أبو النور ما كنت وصلت ع نادي حطين و اشتركت بالمنتدى و عرفت كل هالناس الطيبين

----

أكلتي المفضلة
pizzzzzzzzaaaaaaaaa
و
رز بالبازيلا 36_1_21[1].*

سلمي ع ديار كتييييييير كتير
أنا كتير بحبها و فقدنالها بالمنتدى ..
فرحتيني انو هي متذكرتني و سألت عني
كنت كتير حابة اتعرف عالصبايا أكتر و أكتر
.
.
.
يلا حضري حالك ع مشوار بيتزا و معكرونة
و عند ديار ب دبي 36_1_12:

--------------------------------------

حبيبتي ... شكرا كتير على المقابلة المميزة
استمتعت كتير بأسئلتك

[BaTiGoAl]

يعني رغم عدم معرفتي فيها نهائيا ....
بس بعد ما قريت ردودها عالاسئلة ... اللي تم طرحا وبعد ما عرفت انو لساها بالمرحلة الثانوية ...
فعلا هي انسانة بتكتب لاكبر من عمرها ....
عنجد ترفع القبعة لهيك كتابات انيقة مهذبه وواضح الثقافة ضمن كل كلمة بتقولها ...
بتمنالك التوفيق بحياتك المستقبلية ... بتوقع هالشي من كلامك
وسؤالي الك
ايمت لين بتقدر تكتب؟ وكيف؟
واذا الواحد فعلا متدايق صحي الورقة والقلم بفضو همو.... رغم انو ما بحياتي جربتها بس بشوف كتير ناس بيعملو هيك.....
وبالنهاية شكرا كتير الك على مساهماتك الحلوة بالمنتدى اللي هلق اكتشفتا بشكل ملحوظ

[Teary Eyes]

أرسل أصلا بواسطة BaTiGoAl

يعني رغم عدم معرفتي فيها نهائيا ....
بس بعد ما قريت ردودها عالاسئلة ... اللي تم طرحا وبعد ما عرفت انو لساها بالمرحلة الثانوية ...
فعلا هي انسانة بتكتب لاكبر من عمرها ....
عنجد ترفع القبعة لهيك كتابات انيقة مهذبه وواضح الثقافة ضمن كل كلمة بتقولها ...
بتمنالك التوفيق بحياتك المستقبلية ... بتوقع هالشي من كلامك
وسؤالي الك
ايمت لين بتقدر تكتب؟ وكيف؟
واذا الواحد فعلا متدايق صحي الورقة والقلم بفضو همو.... رغم انو ما بحياتي جربتها بس بشوف كتير ناس بيعملو هيك.....
وبالنهاية شكرا كتير الك على مساهماتك الحلوة بالمنتدى اللي هلق اكتشفتا بشكل ملحوظ

صديقي ..
لم أصدق أن كل ما كتبته في حقي أنا !!
أشـــكرك ..
كلماتي تنحني أمام لطف ثنائك

..
لين تكتب عندما تنفعل ..
إما تعبيرا عن فرحة تودعها لأوراقها فتستطيع استرجاعها متى شاءت
أو هربا من ألم تفرغه مع حبر القلم لعله يخفف العبء عنها

.......

صحيح .. كتيييييير بترتاح اذا صادقت القلم و الورقة
عالقليلة .. بيستحقوا ثقتك بدون تفكير
---------------

شكرا لك و على مرورك الذي أقدره

مساهماتي الضئيلة ليست شيئا أمام جهودك و جهود الأعضاء الجبارة

[SAHED]

وبرجع بدي اسئلك السؤال المزعج نفسه لجميع الضيوف

شو رأيك بالشخصيات التالية بجملة قصيرة ؟؟؟

بنت البحر

نتالي

ran.na09

هدى

نوار مجبور ( أبو النور )

الآغا

ابو البحر

fayez

ابو الليل

أبو مروان الحطيني

حطيني مغترب

SAHED

[Teary Eyes]

على العكس أخي ساهد
السؤال ليس مزعجا أبدا ..
-----------------------------------

**بنت البحر**
إنسانة يتضح من قلمها أنها تفيض إحساسا صادقا
أتابع ما تكتب عن شغف .. و أترقب دائما جديدها
أشعر بانسجام بين ما يخطه قلمانا


**نتالي**
ما معقووووووول شو طيبة و قريبة عالقلب !
لم تتح لي الفرصة التعرف عليها أكثر عن قرب مع أني أتمنى ذلك
سررت بمداخلتها في اللقاء .. و أحببت روحها المرحة


**ran.na09**
أستطيع وصفها ب ((دينامو المنتدى))
أكثر الزهرات نشاطا و تفاعلا
مشاكسة نوعا ما !!


**هدى**
لم أكون فكرة كافية عن الصديقة هدى
إلا أنني قرأت لها مشاركة في المنتدى الأدبي تنم عن إحساس عال


**نوار مجبور \أبو النور\**
أخ غالي جدا
أكثر من صديق
ربما كانت أوقاتا قصيرة التي قضيناها معا و لكنها تركت بالتأكيد انطباعا كبيــــــــرا
"و بالمنتدى الأدبي هو الكل بالكل "


**الآغا**
قلم رائــــــع
لديه قدرة هائلة على معانقة الكلمات .. تعجبني
أسلوب راقي في التعامل
أتمنى له التوفيق..


**أبو البحر **
متميز في انتقاء مواضيعه و طرح مجالات تهم الجميع


**fayez**
لاحظت اهتمامه الأدبي بالقصائد العامية
ذوق رفيع في انتقائها


**أبــو الليل**

لطـالما حلـمتُ وتمـنيتْ
أن أكـونَ دمعـاً لـعـيـنـيـكِ
وربطةَ شعرٍ في الضفائر
وبسمةً ترتَسِمُ على شفتيكِ

جميـــــــل جدا
أطلب منه المتابعة و الاستمرار
و أتمنى له كل التوفيق


**أبو مروان الحطيني**
صديق عزيز .. قلم كبيـــر
منذ فترة و هو غائب عن المنتدى الأدبي لا أعرف ما السبب
أتمنى قراءة المزيد له
و كنت أسعد دوما بمروره على مشاركاتي و شهادته بها


**حطيني مغترب**
نجــــــم المنتدى بلا منازع


**ســـــــــاهد**
محـــــاور من الدرجة الأولى
أتاحت لي هذه المقابلة التعرف عليه ..
أشكره من كل قلبي على المبادرة اللطيفة ..
ساعدني جدا بلباقة تعامله

-----------------------------------

ولكــــــــن
يبقى أن أقول
أتمنى لو أن معرفة بجميع الأصدقاء و الصديقات كانت أعمق من حدود مشاركاتهم و مواضيعهم التي أتابعها ..
و أتمنى أن يسمح لي الوقت بعد التفرغ من الامتحانات للمساهمة بالمنتدى بشكل أكثر فاعلية

تحياتي للجميـــــــــع ..

[SAHED]

بختام اللقاء بحب اشكر الأخت لين على ردودها الرائعة وبشكر كل من ساهم بالموضوع
ولقائنا قريب مع عضو مميز