موقف المعارضة الحطينية بعد الاستقالة

[حطيني معصب]

وجدت القوى المعارضة للسياسة محمد قدور في ادارة النادي نفسها في موقف حرج بعد اعلانه الاستقالة من رئاسة النادي , فهي الان باتت معروفة لكافة الجماهير الحطينية بمعارضتها للقدور و جماهير حطين الان تنتظر عما ستفعله هذه المعارضة بعض خروجه , مع العلم انها على دراية تامة بعدم قدرتها على تامين المبالغ الضخمة التي قد دقعها القدور لتسير النادي , وسبق ان ان جربت هذه المعارضة سابقا باداراة النادي لعدة مرات و لاقت مقاطعة من الفعاليات الاقتصادية , وما علينا الان سوى ان نتفرج عما ستقوم به هذه المعارضة التي اوصلت النادي الى ما نحن عليه الان عن طريق حفرها المستمر للقدور , وفي حال فشلها باعادة مسيرة النادي , فلن يلق هذا الفشل رحابة صدر من قبل الجمهور المتعطش ..

[مهند شاويش]

اول شي نحنة ما مع فريق ضد فريق نحنة مع نادي حطين والادارة السابقة معروف انت مين بتقصد وانا حكيتا بكل صراحة انو في ناس شتغلت بادارة حطين وبعمرا ما خدمت نادي حطين وهنن معروفين وتاريخن اسود بس البقية بعتقد اذا حطوا ايدن بايد القدور وخلدون وليد بيعملوا ادارة اقطاب قوية قادرة تشيل النادي من مرحلة الغرق اللي عم يعيشا
اما انك فايت لتشرحلنا وتراهن على فشل الادارة المسبق فأنا بس بدي قلك ما حدا بيقدر يمشي حطين لوحدو مين ما كان واذا ما تعاونوا الكل حطين من سيء لأسوا والحاضر يعلم الغايب

[ahmad_hutteen]

اخوي اولا منرحب فيك بمنتداك ثانيا بتمنى انو يكون كلام غلط ومع ذلك انا باعتقادي انو محمد قدور لو ترك النادي بس هو مارح يوقف عن دعمه للنادي

[هشام]

انا معك اخوي boss

[bayaa rena]

رايي بالمعارضة داخل النادي
جاجة حفرت على راسها ((عفرت))
دبانة ضربت راسها ما ضرت غير نفسها

[حمودة الحطيني]

نحن كأعضاء الموقع .. مع من هو يريد مصلحة حطين و ليس مصلحته الشخصية ... و اي شخص يريد العبث بالنادي فهو معروف للجميع ...


ابو عدنان

[ابو البحر]

السلام عليكم
اخوي حطيني معصب
قبل كل شي بحب ئلك انو انت ضعيف الشخصية
من باب الاخوة طبعا اذا كنت بتعتبر انو مصلحتنا حطين وبس
انت سجلت بالموقع وكتبت الموضوع مباشرة يعني يا اما انت عضو بالموقع وما فينك تكتب هالشي بعضويتك القديمة او انك من النادي وحبيت تبئ هالبحصة فلذالك سجلت وكتبت وهربت او بدك تهرب
بعد هالمقدمة الاخوية بئلك اهلا وسهلا فيك بين اخواتك اذا كنت ظالمك بكلامي السابق
اذا انت بتحب النادي ستكون ممن ذكرتهم انت لانك لاتملك الشجاعة بفتح الملف المرفق بأسمك كما بعض الاعضاء راجع المواضيع القديمة بتلاحظ هالشي نحن هون عم نشتغل لحطين وبس نحن ننتمي الى نادي وليس الى اشخاص
بتمنى تناقش بالموضوع وتحكي اي شي تاني بتعرفو مع ذكر الاسماء واذا كنت بتخاف بعتلي هنة رسالة انا بكتبهم
واخيرا ذكرت بكلامك هالجملة

وما علينا الان سوى ان نتفرج عما ستقوم به هذه المعارضة التي اوصلت النادي الى ما نحن عليه الان عن طريق حفرها المستمر للقدور , وفي حال فشلها باعادة مسيرة النادي , فلن يلق هذا الفشل رحابة صدر من قبل الجمهور المتعطش ..

انت هون عممت كلامك لازم نتفرج انا بقلك انو تفرج انت لحالك لانو نحن بدنا نشتغل ونضل نشتغل ونضل نشتغل لحتى الله يفرجها علينا وعليك
تقبل تحياتي اخوك ابو البحر

[نديم منلا]

يسلم تمك أخوي أبو البحر .
ومتل ما بيقول المتل : أن توقد شمعة خير من أن تلعن الظلام .

ونحن بالمنتدى بدل ما نلتهي بفلان وفلان الأفضل أنو نفكر شو فينا نحن نقدم للنادي .

وصدقني وقتها أخوي حطيني معصب أنو الناس الي عم تحكي عليهم رح يختفوا بالتدريج من النادي لأنو وقتها ما رح يكون في محل بالنادي إلا لمن يعمل من أجل مصلحة النادي .

[الآغا]

ردي من ردك ابو البحر تماما



وشو اخوي المعصب داخل نارررر البركة


طيب اكتبلك اول شي شي موضوع سلة بينغ بونغ

بعدين عن العصابات تبعيتك



فوراااااا ؟؟؟؟؟

[حطيني معصب]

حفاظا على سمعة المنتدى ما كنت حط اسماء لاني بعرف انو ما من حقي حط اسماء بدون ادلة , كل العالم بتعرف مين يلي وصل نادينا لهون , وللاسف هل الناس بتتدعي حب حطين , بس هي بتحط مصلحتا فوق مصلحة النادي , وما حدا بيصدقني انو هل الناس اشتغلت لتنزل النادي على الدرجة التاني ., وماحدا بيصدق انو صارت مفاوضات ليخسرو الفريق مبارياتو , انا عندي قناعة تامة بان مباريات الشرطة و والوحدة و الحرية و المجد , صار في فيها بيع ..بس للاسف البيع كان داخلي , بحيث انو الحطينية باعو بعضو .. وكل هل الشي والادارة نايمة بالعسل . والربحان كان هل الاندية يلي اخدت مننا هل 7 نقاط ويلي وقتها كنا بامس الحاجة ..الها..فيا شباب قولو الله .. و حالو تبتعد عن التشكيك , فحطين هو همنا .

[YOUSEF..MS]

اول الشي منرحب فيك

تاني الشي بتمنى منك ذكر اسمك وتحكي بكل صراحة هادا اذا كنت بتريد مصلحة حطين وما بتمنى منك تكون متل بعض الحطينيين المسؤولين المسجلين بالمنتدى اللي بيدعو بحب حطين وهنة اول الغائبين عن الاجتماع امبارح .

[حسن مكيس]

السلام عليكم ورحمة الله وبركاته

أرسل أصلا بواسطة حطيني معصب

حفاظا على سمعة المنتدى ما كنت حط اسماء لاني بعرف انو ما من حقي حط اسماء بدون ادلة ,

أرسل أصلا بواسطة حطيني معصب

هادا الشي منشان استمراريتك والحفاظ على التشويق ومعروفة سمعة المنتدى وما في حدا بيختلف على مصداقية المنتدى وانو كل انسان بيعبر عن رايو الشخصي .
كل العالم بتعرف مين يلي وصل نادينا لهون ,
اتفضل حضرتك وقلنا لانو كل فريق بيزت التهم على الفريق التاني بقى انت من اي فريق
وللاسف هل الناس بتتدعي حب حطين ,
بس هي بتحط مصلحتا فوق مصلحة النادي , وما حدا بيصدقني انو هل الناس اشتغلت لتنزل النادي على الدرجة التاني .,
هي جديدة وبدها قرائن بما أنك تحب التوثيق لأنها تهمة بالخيانة العظمى
وماحدا بيصدق انو صارت مفاوضات ليخسرو الفريق مبارياتو , انا عندي قناعة تامة بان مباريات الشرطة و والوحدة و الحرية و المجد , صار في فيها بيع ..بس للاسف البيع كان داخلي , بحيث انو الحطينية باعو بعضو ..
هي تهمة تانية بدها دليل لانو انت عما تخون البعض من اللاعبين الموثوقين من قبل الجميع ((والاداريين الي عما تدافع عنهم )) بقى هي ما ظبطت معك كيف المخربين من برا النادي بدون يأثرو على الاداريين الي بيعرفوهم تمام
وكل هل الشي والادارة نايمة بالعسل .
وهي تهمة تانية اذا كانت نايمة بارادتها فهي خائنة أو مهملة أو بغير إرادتها فهي ضعيفة ومسيرة أو بدون علمها فهي بسيطة وسطحية الرجاء تحديد موقفك انت مع مين فيهم
والربحان كان هل الاندية يلي اخدت مننا هل 7 نقاط ويلي وقتها كنا بامس الحاجة ..الها..
(قل هاتوا برهانكم إن كنتم صادقين)
فيا شباب قولو الله .. و حالو تبتعد عن التشكيك , فحطين هو همنا .
أفلحت إن صدقت

تصبحون على حطين يا مخلصين

[LIVERPOOL 22]

حطيني صعب اعطينا دليل واحد واقلع عيننا بان فلان باع وفلان مهمل وفلان مابعرف شو واخر شي بتقول حفاظا على المنتدى وعلى مابعرف شووووو ومصداقية ومدري ما بعرف اذكر اسم واحد فقط لكي تصير بطل على المنتدى يالله يا صاحبي قبل ما يفوت الاوان ويقع الفأس بالراس

[SAHED]

السلام عليكم

مشكور اخوي اول شي على موضوعك المميز جدا جدا

كان نفسي رد بشي مفيد بس ما شاء الله الشباب كفوو ووفوو
بس الظاهر ما حدا انتبه على اهم نقطة من الموضوع كلوووووو
اخوي يا مسيو معصب طالما حضرتك بتعرف كل هالأمور بوقت حدوثها
وطالما انت من ابناء النادي يلي مداومين بالنادي وطالما حطين مهم
جدا عندك لدرجة انك معظم وقتك بالنادي وطالما كنت عرفان بأمور
الخيانة العظمى يلي صارت بالنادي ليش ما شرفتنا من بداية هالأمور
وحكيت عن الغلط الكبير يلي كان ممكن يوصل فريقنا للدرجة الثانية و
يمكن كان ممكن يوصلنا للثالثة ؟؟
ليش حضرتك انتظرت حتى استقالة القدور والنجاة بإعجوبة من الدرجة الثانية
لحتى تطلق العنان لكلامك ؟؟؟
لو انت فعلا انسان بتخاف على مصلحة حطين ما كنت سكتت لحد هاللحظة
وانا لو اني كنت محلك كنت سميت حالي (( حطيني خائن )) وليس (( حطيني معصب ))
والفرق بين الكلمتين الحطيني الخائن يلي شاف وسكت وانت شفت وسكتت .
والحطيني المعصب يلي شاف وحاول يعمل شي وما طلع بإيدو شي بس حاول يعمل شي
وانت لا تواخزني جاي بالوقت الضايع وعلى اساس بدك تعمل شي يعني بعد ما وقع الفاس بالراس
ووصلنا لمرحلة يمكن بعدها نوصل للغناء على الاطلال .
بعتذر منك اخوي على قسوة كلامي بس معلش خدها بروح اخوية ورياضية
وبتمنى منك اول شي اتغير اسمك
وتاني شي تتوجه لكتابة المواضيع بالمننتدى الادبي او الاجتماعي
لأن مواضيعك هي مرح تزيدنا غير مشاكل ونقاشات بدون جدوى
وبكفي نضحك على بعض

[حطيني معصب]

للاسف كلامي ما موثوق ولو كنت واثق كنت حطيت الاسماء و بالفعل غلطتي انو اتاخرت باشتراكي معكون بهل المنتدى الرائع , بس حبيبت انو تستر على الامور على امل انها تتصلح , بس للاسف , فالج لا تعالج , بشكر الكل يلي ردو على موضوعي , والله ياشباب اذا ما كل كلامي صحيح , بيكون 90% و الله بيشهد على حكي .

[hutteen my love]

شباب طولو بالكون عالأخ اللي بعتقد أنو ما أساء لحدا وعم يحكي رأيو بدون تجريح لحدا

بس بتمنى منك أخوي تقول مين حضرتك منشان مايحسبوك على حدا

[Saeedoo]

أرسل أصلا بواسطة حطيني معصب

وجدت القوى المعارضة للسياسة محمد قدور في ادارة النادي نفسها في موقف حرج بعد اعلانه الاستقالة من رئاسة النادي , فهي الان باتت معروفة لكافة الجماهير الحطينية بمعارضتها للقدور و جماهير حطين الان تنتظر عما ستفعله هذه المعارضة بعض خروجه , مع العلم انها على دراية تامة بعدم قدرتها على تامين المبالغ الضخمة التي قد دقعها القدور لتسير النادي , وسبق ان ان جربت هذه المعارضة سابقا باداراة النادي لعدة مرات و لاقت مقاطعة من الفعاليات الاقتصادية , وما علينا الان سوى ان نتفرج عما ستقوم به هذه المعارضة التي اوصلت النادي الى ما نحن عليه الان عن طريق حفرها المستمر للقدور , وفي حال فشلها باعادة مسيرة النادي , فلن يلق هذا الفشل رحابة صدر من قبل الجمهور المتعطش ..

برافو عليك ...هاد الكلام الصح

خلينا نشوف اللي كان عميظر ويصطاد الأغلاط ويحكي ....


المعارضة الحطينية :

انتهى وقت الكلام .... أرونا العمل

[BaTiGoAl]

فعلا انا ما شفت بكلامه اي اتهامات باطلة ....
هيدا الواقع الادارة الحالية تركت لاسباب عديدة والادارة السابقة تكلمت عن الاخطاء اللي وقعت فيها الادارة الحالية ..... نحن ما بصدد حاليا الحق عمين من وجهة نظري المشكلة ليست بالادارة بس ....
المشكلة بكل الحطينييين....
السبب
لحد الان لما طالبنا الجمهور المثقف بانو يعطي كلمته داخل النادي تبين لنا انو وقت الجد ما حدى بيتحرك حتى الجمهور المثقف وبتصوري هو بيتحمل أكبر النصيب من الذنب عن اللي عم يصير حاليا
الادارات شي طبيعي بدها تخطئ لعوامل عدة وما في حدى معصوم عن الخطأ خاصة ظروف نادي حطين كانت صعبة جدا اخر 4 سنوات خاصة اننا عم نحاول نعمر نادي حطين من اول وجديد...
لذلك يا شباب نحن ما بصدد اتهام حدى لا المعارضة ولا الادارة القديمة
حاليا حطين بيحتاج لكل حطيني ..... مثقف وواعي
بكرا لما حيتم انتخاب ادارة جديدة ونحن ما منكون متل العادة عملنا شي ....
منجي منسال الادارة الجديدة ليش هيك عملت وليش هيك سوت
طيب وين كنا نحن لما انتخبو الادارة الجديدة .....
معلشي هلق مهمة حطين واجبة عالجميع واللوم بيوقع عالكل
ورجونا حطين وينو بالنسبة لئلكن .....