اهتمام قليل بمباراة الكاس من قبل اعضاء المنتدى

[ابو بشار الحطيني]

من الملاحظ ضعف الاهتمام بمباراة حوتنا مع الوثبة في الكاس من قبل الجميع على جميع الاصعدة قبل و بعد المباراة وهذا لم نعهده و نعتاد عليه من قبل اعضاء منتدانا الغالي .نتمنى من الجميع الاهتمام بمباراة الاياب التي ستجري في نهاية الاسبوع و الوقوف الى جانب الفريق خاصة في ظل الظروف الصعبة التي يمر فيها نادينا في ظل الفراغ و الضياع الاداري الحاصل .

[ابو الليل]

السلام عليكم

طيب يا ابو بشار مو لحتى يحطنا حدا بجو المباراة وشو حصل فيها

منشان ماتكون ردودنا باردة

[ليفربول22]

النقل والتشجيع معدووووووم بالمرة

[ابو البحر]

اخوي ابو بشار
معك حق بالفعل كلامك صح بس بنفس الوقت الاعذار موجودة وانا ما بلوم حدى لانو بالوقت الحالي اكتر الشباب مشغولة بالامتحانات والمناسبات والموقع كلو مر بفترة جمود وبأذن الله راجعين وانا اول شخص مشغول بهالفترة بالعمل والغايب عذرو معو ان كان من الادارة او المشرفين او الاخوة الاعضاء

[SAHED]

السلام عليكم

يمكن هالشي انا بتحمل مسؤوليته

بس اذا شرحت الكم عدة نقاط بظن لازم تعذروني وتعذرو جميع المسؤولين

أول شي غياب النقل التلفزيوني و الإذاعي

تاني شي انا عندي مشكلة بالموقع ووضع الردود صعب بالنسبة الي من مدة اسبوع

لذلك بتمنى من الجميع يعذرنا على هالتقصير

وإن شاء الله الاسبوع القادم رح نكون معكم بالنقل بحال توفر النقل الإذاعي او التلفزيوني

[fayez]

و الله معك حق



بس الكل مشغول بالدرس و الشغل


الله يعطي" العافية

[الحوت المهاجر]

ان شاء بزيد الاهتمام بعد التأهل للادوار القادمة واكيد الظروف المحيطة هي السبب .

كلوووووووووو خيرررررر ان شاء الله

[مهند شاويش]

اخوي ساهد كلاك سليم بأبو ظبي عندي وعند اخوي بدر ما عم يفتح المنتدى ابدا بمدة أسبوع كامل ما بعرف وين كانت المشكلة او بشو بس الحمد لله مشي الحال هلأ

[hutteen my love]

على كل حال أبوكمال محشية كان بحمص وأكيد اليوم رح ينزل ملخص عن مباراة الذهاب لأنو مبارح جهازو كان معطل

[Achilles OF Hutteen]

حطين ×الوثبة 1-1 وينكن

[عاشق الحوت الأزرق حسام]

أخي الكريم
والله حطين بقلوبنا بس بيكون الكل مشغول مثل ماقالوا الأعضاء يعني فترة امتحانات
وانا عندي امتحانات بالجامعة بس ولو كان فوراً مبارح فتحت المنتدى وعرفت النتيجة
بالتوفيق لحطين بالإياب والتأهل للدور التالي

[أبو هشام الحطيني]

المشكلة عتدي انو الموقع ما عم يفتح معي و حاولت من أكتر من جهاز ما نفع

بقى شو الحل ؟

أما بالنسبة لمباريات الكأس فللأسف (و هيدا أكيد تقصير) لكن ما في شي ببشر

[بحر حطين]

بصراحة من دون ما حدا يتحسس و الله و الله الاهتمام بالامتحانات أهم بمليون مرة و أنا أول واحد أعذر أعضاء الموقع على عدم نشر موضوعي اللي أرسلتو من 6 أيام على الرغم من أنو غيرو نزل ....
بس مرة تانية أهم شي الامتحانات و الله يوفق الجميع

[الآغا]

انا برايي انو قلة الاهتمام العلامي بالمباريات كان الو دور مهم اما بالنسبة لالنا فما نسينا حطين ابدا وتابعتو بكل لحظة عبر الموبايل مع اصدقائي بالملعب


وبالمنتدى الدنيا فحص


فاعذروا من احب حطين

[الامير totti]

رح جيب ملخص عن المباراة بعيون وثباوية ...لحين توفر التقرير من ابو كمال

وسيكون في منتدى الكرة السورية

قريبا