استطلاع ( ما رأيك بيفلم تاريخ حطين )

[ابو البحر]

السلام عليكم ورحمة الله
اخواني الاعزاء
بعد التحية والسلام
بعد ان قام الاخ الغالي ابو مروان بأخراج السيدي الذي تضمن تاريخ نادي حطين وانزاله الى الاسواق احب اخذ ارائكم فيه بطريقتين
الطريقة الاولي التصويت والثانية الرد الكتابي
طبعا الغاية من الموضوع هي من باب الشكر الكبير لكل من ساهم بأنجاز هذا العمل وايضا وضع الملاحظات او الاخطاء ان وجدت ولا ننسى ان العمل مهما كان بسيطا الى انه يبقى فكرة مشروع طرح ونفذ بفترة لاتقل عن السبعة اشهر
ولكم جزيل الشكر
اخوكم عاشق الازرق
ابو البحر

[أبو هشام الحطيني]

و الله يا أبو البحر لسا ما شفتو لأنو ما بعرف كيف بحصل عليه

بقى اذا بتقدر تساعدني

[SAHED]

السلام عليكم

ولا أنا شفتوا والفيلم بيوصل لعندي عالأغلب يوم الخميس والجمعة

ان شاء الله منشوفوا كامل ومنعطيك الرأي

بس بشكل مبدأي ولأني شفت الخطوات الأولى من أكتر من شهر ونص

فيني أعطيك رأيي كتابيا دون تصويت إن العمل ممتاز بالنسبة للإمكانيات

المتوفرة وبالنسبة للتجربة الأولى لأبو مروان الغالي

[Bouji]

و الله يا أبو البحر ... كنت متمنى كتير اني شوفوا بس للأسف أنا بالغربة و ما بقدر جيبوا ... بس بكل الأحوال مشكورة جهودكم الرائعة و الدائمة .... و مجرد التفكير و العمل على الفكرة بحد ذاته انجاز رائع

أشكركم جميعا و ياريت ادارة النادي تعشق النادي متلنا ... مع انو كل الناس خير و بركة

[ahmad_hutteen]

اخوي انا كان عندي بعض الملاحظات ولكن رح اوصلهم لاخوي ابو مروان برسائل خاصة افضل

[أحمد وزان]

والله بصراحة أنا ماشفت الفلم
بحكم دراستي خارج الوطن
بس إن شاء الله النزلة قربت و شي شهر بالكتير بردلكم خبر عن ملاحظاتي

سلمات

[الامير totti]

الواحد ما فيه يحكم علي شي ما شافو ..

بس يوصل عالامارات ان شاء الله بنشوف الفلم وبنعطي الرأي

بس اكيد منيح لانو للنادي الاغلى

[عاشق الحوت الأزرق حسام]

والله حتى انا ما شفت الفلم مع اني باللاذقية بس ما عم بعرف كيف بدي احصل عليه

[فاروق ابن البحر]

ما عجبني واااااااااااااااااااااااااااااااااااااااااااااااااااااااااااااااع

معقول لهلق انا ما بدرى بهيك شي وينو هادا ابو مروان فرجوني ياااااااااااااااااااااااااااااه

عم امزح اكيد بجنن بس حدا يبعتلنا نسخة ولك بدفع حقاااااااااااااااااااااا

[ابو البحر]

أرسل أصلا بواسطة عاشق الحوت الأزرق حسام

والله حتى انا ما شفت الفلم مع اني باللاذقية بس ما عم بعرف كيف بدي احصل عليه

اخوي موجود بالسوق بالشيخ ضاهر اي محل سيديات

[ابو البحر]

الشباب المغتربين
في كافي نت باللادئية عم يسوي سرعة الخط 8 ميغا اذا مشي الحال بوعدكم نزلو بشي موقع لعيونكم
اخوي فاروق خلص من عيوني رح ابعتلك نسخة مع لعبة تشرين ولا يهمك بس انت وينك ما عاد سمعت صوتك فكرتك متت

[Ahmad Nabeh]

اول شي الله يعطيكون العافة
تاني شي طيب في مجال انو هيدا الفيلم ينحط على الموقع لانو من المستحيل انو احصل عليه و انا في ابو ظبي فا من كون من الشاكين اذا ادارة الموقع مشكورة بتنزل لينك خاص بالفيلم و منحضرو و منقعد منتحسر على ايام الماضي و منبكي على ايم الحاضر بس معليش لازم نشوفو ولازم الكل يشوفو و يعرفو انو حطين بطل الابطال

[فاروق ابن البحر]

أرسل أصلا بواسطة ابو البحر

الشباب المغتربين
في كافي نت باللادئية عم يسوي سرعة الخط 8 ميغا اذا مشي الحال بوعدكم نزلو بشي موقع لعيونكم
اخوي فاروق خلص من عيوني رح ابعتلك نسخة مع لعبة تشرين ولا يهمك بس انت وينك ما عاد سمعت صوتك فكرتك متت

متت انا متت يا ظالم بعيد الشر عني تف من تمك يا رجل لسى ما تزوجت 36_1_21[1].*
المعم تسلملي عينك احلى علوش حبيب قلبي لعبة تشرين وصلتني بس بدي هادا السيدي من بعد اذن شواربك والا انا مضطر ارجع غازلك هاااااااا

[حطيني عتيئ]

السلام عليكم ورحمة الله وبركاته
شكرا لكل من ساعد وساهم في انجاز هذا العمل الذي اعادنا الى الذكريات الجميلة .
و حسب وجهة نظري جيد كبداية والى الافضل باذن الله.